କନକ ବ୍ୟୁରୋ : ଅଦିନିଆ ବର୍ଷା ଉଜାଡିଦେଲା ଫସଲ । ମଣ୍ଡିରେ ନୁହେଁ ଖଳାରେ ପଡିଛି ଧାନ । ବର୍ଷାରେ ଗଜା ହେଉଛି ଧାନ । ଏଭଳି ଦୃଶ୍ୟ ଦେଖିବାକୁ ମିଳିଛି ବଲାଙ୍ଗୀର ପାଟଣାଗଡ କଂଟାବଞ୍ଜି ଛକରେ ଥିବା ଧାନ ଖଳାରେ । ଧାନ ଖଳାରେ ପଡିଛି ୪ ଜଣ ଚାଷୀଙ୍କ ୫ଟି ଧାନ ଗଦା । ଆଉ କୁଡିଆ କରି ଧାନକୁ ୩ ମାସରୁ ଅଧିକ ଦିନ ହେବ ଜଗିଛନ୍ତି ଚାଷୀ । ପ୍ରାୟ ୬ ଶହ କ୍ୱିଂଟାଲ ଧାନ ଧାନ ଖଳାରେ ପଡିରହିଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କାଗଜପତ୍ର ହୋଇପାରିନଥିବାରୁ ବିକ୍ରୀ ହୋଇପାରିନଥିବା କଥା କହିଥିଲେ ସେଠାରେ ଥିବା ଚାଷୀ । ଦୁଇଦିନ ଧରି ବର୍ଷା ହେଉଥିବାକୁ ଧାନ ବର୍ଷାରେ ଭିଜି ଗଜା ହେବାକୁ ବସିଲାଣି । ୪ ଜଣ ଚାଷୀଙ୍କ ମଧ୍ୟରୁ ୨ ଜଣ ଚାଷୀ ସେମାନଙ୍କ ପ୍ରତିକ୍ରିୟା ରଖିଥିଲେ । ରାଜେନ୍ଦ୍ର ଯୋଶୀ ନାମକ ଜଣେ ଚାଷୀଙ୍କ କହିବା କଥା ହେଲା, ମଣ୍ଡିକୁ ଯାଇ କହିଲେ ବି କେହି ଶୁଣୁନାହାନ୍ତି । ବିଶ୍ୱଜିତ ହେତା ନାମକ ଅନ୍ୟ ଜଣେ ଚାଷୀ ବି ସେଇ ଏକା କଥା କହିଛନ୍ତି ।