ସାଉଥ୍ ଅଭିନେତା ପୁନିଥ୍ ରାଜକୁମାରଙ୍କ ଦେହାନ୍ତ, ଟ୍ୱିଟ୍ ଯୋଗେ ସୂଚନା ଦେଲେ କ୍ରିକେଟର ଭେଙ୍କଟେଶ ପ୍ରସାଦ
କନକ ବ୍ୟୁରୋ : କନ୍ନଡ ସିନେ ଅଭିନେତା ପୁନୀଥ ରାଜକୁମାରଙ୍କର ଶୁକ୍ରବାର ହୃଦଘାତରେ ମୃତ୍ୟୁ ହୋଇଛି । ଆଜି ତାଙ୍କୁ ହୃଦଘାତ ହେବାପରେ ବେଙ୍ଗାଲୋରର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସା ଚାଲିଥିବା ବେଳେ ତାଙ୍କର ମୃତ୍ୟୁ ହୋଇଛି । ଏନେଇ ପୂର୍ବତନ କ୍ରିକେଟର ଭେଙ୍କଟେଶ ପ୍ରସାଦ ଟ୍ୱିଟ୍ ଯୋଗେ ସୂଚନା ଦେଇଛନ୍ତି । ୪୬ ବର୍ଷ ବୟସରେ ଏହି ଅଭିନେତା ତାଙ୍କ ଶେଷ ନିଶ୍ୱାସ ତ୍ୟାଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଭେଙ୍କଟେଶ ଲେଖିଛନ୍ତି କି “ଏହା କହିବାକୁ ଦୁଃଖ ଲାଗୁଛି କି ଅଭିନେତା ପୁନୀଥ୍ ରାଜକୁମାର ଆଉ ଦୁନିଆରେ ନାହାଁନ୍ତି, ତାଙ୍କ ପରିବାର, ବନ୍ଧୁ ଓ ପ୍ରଶଂସକମାନଙ୍କୁ ମୁଁ ସମବେଦନା ଜଣାଉଛି” ସୂଚନା ଥାଉକି ପୁନୀଥ ପ୍ରସିଦ୍ଧ ଅଭିନେତା ରାଜକୁମାର ଓ ପ୍ରଭାଥମ୍ମାଙ୍କ ପୁଅ ଥିଲେ । ସେ ୨୯ ଟି ରୁ ଅଧିକ କନ୍ନଡ ସିନେମାରେ ଅଭିନୟ କରି ବେଶ୍ ଲୋକପ୍ରିୟ ହୋଇପାରିଥିଲେ ।
କହିରଖୁ କି ପୁନୀଥଙ୍କୁ ସାରା ଦେଶର ଲୋକେ ଅପ୍ପୁ ବୋଲି ଜାଣିଥିଲେ । ୨୦୦୨ ରେ ସେ ଅଭିନୟ କରିଥିବା ଏକ ସିନେମାରେ ସେ ଅପ୍ପୁ ଚରିତ୍ରରେ ଅଭିନୟ କରି ବେସ୍ ପ୍ରଶଂସା ସାଉଁଟି ଥିଲେ । ତାଙ୍କ ଅଭିନୀତ ସିନେମା ମଧ୍ୟରେ ଅଭି, ବୀରା କନ୍ନଡିଗର,ଅଜୟ, ଅରାଶୁ, ରାମ, କନ୍ନଡ ସିନେମା ଜଗତରେ ବେସ୍ ସଫଳ ହୋଇଥିଲା ।