କାଞ୍ଝିୱାଲା ମାମଲା: କାର ଚକାତଳେ ଫସିଥିବା ଦେଖି ମଧ୍ୟ ଅଭିଯୁକ୍ତ ଚଳାଇଥିଲେ ଗାଡି। କୋର୍ଟ ଆଗରେ ତଥ୍ୟ ରଖିଲା ପୋଲିସ।
କନକ ବ୍ୟୁରୋ: କାଞ୍ଝିୱାଲା ମାମଲାରେ ଅଭିଯୁକ୍ତଙ୍କ ଜଣା ଥିଲା ଯେ କାରରେ ଜଣେ ଯୁବତୀ ଫସିରହିଛନ୍ତି । ଗାଡିର ଚକରେ ଯୁବତୀ ଜଣଙ୍କ ପସିରହିଥିବା ଜାଣି ମଧ୍ୟ ଗାଡି ଚଲାଇଥିଲେ ଅଭିଯୁକ୍ତ । ସେମାନେ ସମ୍ପୃକ୍ତ ଯୁବତୀଙ୍କୁ ବଞ୍ଚାଇବା ପାଇଁ ମଧ୍ୟ ଉଦ୍ୟମ କରିନଥିଲେ । ଦିଲ୍ଲୀ ପୋଲିସ ସୋମବାର ମାମଲାର ଶୁଣାଣି ବେଳେ କୋର୍ଟଙ୍କୁ ଏହି ସୂଚନା ଦେଇଛନ୍ତି । ଦିଲ୍ଲୀ ପୋଲିସ ଅଦାଲତଙ୍କୁ କହିଛନ୍ତି, ସିସିଟିଭି ଫୁଟେଜରେ କାଞ୍ଝିୱାଲା ମାମଲାରେ ଅଭିଯୁକ୍ତଙ୍କୁ କାରରୁ ଓହ୍ଲାଉଥିବା ଦେଖିବାକୁ ମିଳିଥିଲା । ତେବେ ସେମାନେ ସବୁ ଜାଣିବା ପରେ ମଧ୍ୟ ଯୁବତୀଙ୍କୁ ଗାଡି ଚକାତଳେ ଚାପି ଦେଇ ଗାଡି ଚଳାଇନଥିଲେ । ଅଦାଲତରେ ଶୁଣାଣି ସମୟରେ ୬ ଅଭିଯୁକ୍ତଙ୍କୁ ୧୪ ଦିନିଆ ପାଇଁ ବିଚାରବିଭାଗୀୟ ହେପାଜତକୁ ପଠାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣାର ତଦନ୍ତ କରୁଥିବା ଯାଞ୍ଚ ଅଧିକାରୀ ରୋହିଣୀ କୋର୍ଟକୁ କହିଛନ୍ତି, ଆମକୁ ୬ଟି ନୂଆ ସିସିଟିଭି ଫୁଟେଜ ମିଳିଛି । ପ୍ରତ୍ୟେକ ଅଭିଯୁକ୍ତଙ୍କର ମାର୍ଗକୁ ମ୍ୟାପିଂ କରୁଛୁ । ସେମାନଙ୍କ ଟାଇମଲାଇନ ମଧ୍ୟ ପ୍ରସ୍ତୁତ କରିଦିଆଯାଇଛି । ଏହା ତଥ୍ୟ ହାସଲର ଗୋଟିଏ ମାତ୍ର ରାସ୍ତା ଯେତେବେଳେ ଆମେ ସମସ୍ତଙ୍କୁ ଗୋଟିଏ ସାଥିରେ ନେଇ ଯାଇ ତଥ୍ୟ ସଂଗ୍ରହ ପାଇ ଚେଷ୍ଟା କରିଥିଲୁ । ପରେ ସମସ୍ତଙ୍କୁ ଅଲଗା ଅଲଗା ଭାବେ ନେଇ ତଦନ୍ତ କରାଯାଇଛି । ଆମ ପାଖରେ ସିସିଟିଭି ଫୁଟେଜ ରହିଛି ଯେଉଁଥିରେ ସମସ୍ତେ ବାହାନରୁ ଓହ୍ଲାଉଥିବା ଦେଖିବାକୁ ମିଳିଛି । ସେମାନେ ପ୍ରଥମେ କହୁଥିଲେ କାରରୁ ସେମାନେ ଓହ୍ଲାଇନଥିଲେ । ସିସିଟିଭି ଫୁଟେଜରେ ସ୍ପଷ୍ଟ ଭାବେ ଉଲ୍ଲେଖ ରହିଛି ଯେ ସେମାନେ ଗାଡିରୁ ଓହ୍ଲାଇଛନ୍ତି, ସେମାନେ ଦେଖିଲେ କାରର ଚକାତଳେ ଜଣେ ଯୁବତୀ ଚାପିହୋଇରହିଛନ୍ତି ତେବେ ଏହା ପରେ ମଧ୍ୟ ସେମାନ ଗାଡି ଚଢାଇଦେଇଥିଲେ ।