ବଲିଉଡରେ କଙ୍ଗନା ବନାମ ଉର୍ମିଳା । କଙ୍ଗନା କହିଲେ, ଉର୍ମିଲା ଜଣେ ସଫ୍ଟ ପର୍ଣ୍ଣ ଷ୍ଟାର : ଅଭିନୟ ପାଇଁ ନୁହେଁ, ସଫ୍ଟ ପର୍ଣ୍ଣ ପାଇଁ ଜଣାଶୁଣା
କନକ ବ୍ୟୁରୋ : ଗଲା କିଛିମାସ ହେଲା ବଲିଉଡ ସହିତ ପଙ୍ଗା ନେଇସାରିଛନ୍ତି କଙ୍ଗନା ରଣାୱତ । ସୁଶାନ୍ତ ସିଂ ରାଜପୁତ ମାମଲାରେ ଫିଲ୍ମ ଇଣ୍ଡଷ୍ଟ୍ରିର ଡ୍ରଗ୍ସ ମାଫିଆଙ୍କୁ ଟାର୍ଗେଟ କରୁଛନ୍ତି । ଏହାପରେ ସେ ମହାରାଷ୍ଟ୍ର ସରକାରଙ୍କ ସହ ମୁହାଁମୁହିଁ ହୋଇଛନ୍ତି । ବଲିଉଡର ଡ୍ରଗ୍ସ ଲିଙ୍କକୁ ନେଇ ଜୟା ବଚ୍ଚନଙ୍କ ପରେ ଉର୍ମିଲା ମାତୋଣ୍ଡକରଙ୍କୁ ବି କଡା କଥା ଶୁଣାଇ ଦେଇଛନ୍ତି । ଏପରିକି ଏକ ଟିଭି ଇଂଟରଭ୍ୟୁରେ ଉର୍ମିଲାଙ୍କୁ ସଫ୍ଟ ପର୍ଣ୍ଣ ଷ୍ଟାର କହି ସବୁ ସୀମା ଟପିଯାଇଛନ୍ତି କଙ୍ଗନା ରଣାୱତ । ଏକ ଟେଲିଭିଜନ ଚ୍ୟାନଲେକୁ ସାକ୍ଷାତକାର ଦେଇ ଉର୍ମିଲାଙ୍କ ସଂପର୍କରେ କଙ୍ଗନା କହିଛନ୍ତି
Kanak News is now on WhatsApp
Join and get latest news updates delivered to you via WhatsApp
‘ଉର୍ମିଲା ବି ଜଣେ ସଫ୍ଟ ପର୍ଣ୍ଣ ଷ୍ଟାର । ମୁଁ ଜାଣିଛି ଏହି ଅତି କଡା କଥା । କିନ୍ତୁ ଉର୍ମିଲାଙ୍କୁ ତାଙ୍କ ଅଭିନୟ ପାଇଁ ଜଣାଯାଏ ନାହିଁ । ତାହାହେଲେ କ’ଣ ପାଇଁ ସେ ଅଧିକ ପରିଚିତ? ସଫ୍ଟ ପର୍ଣ୍ଣ କରୁଥିବାରୁ ତାଙ୍କୁ ଅଧିକ ପରିଚୟ ମିଳିଛି । ଯଦି ତାଙ୍କୁ ଟିକେଟ ମିଳିପାରିଲା, ତାହାହେଲେ ମୋତେ କାହିଁକି ମିଳି ପାରିବନି?’
ଉର୍ମିଲା… ସୁଶାନ୍ତ ସିଂ ମୃତ୍ୟୁ ମାମଲାରେ ଡ୍ରଗ୍ସ ଆଙ୍ଗେଲ ସାମ୍ନାକୁ ଆସିବା ପରେ ବଲିଉଡକୁ ଡ୍ରଗ୍ସ ବାଲା ଗଟର ଅର୍ଥାତ ନର୍ଦ୍ଦମା ବୋଲି କଙ୍ଗନା କହିଥିଲେ । ଏହାପରେ ଯେମିତି ହିନ୍ଦି ଫିଲ୍ମ ଇଣ୍ଡଷ୍ଟ୍ରିର ପ୍ରତିଷ୍ଠାକୁ ପ୍ରସଙ୍ଗ କରି ଦୁଇଫାଳ ହୋଇଯାଇଛି ବଲିଉଡ । ଆଉ ପ୍ରାୟ ୪୦ ବର୍ଷ ହେଲା ବଲିଉଡରେ ସକ୍ରିୟ ଥିବା ଉର୍ମିଲା ମାତୋଣ୍ଡକର ମଧ୍ୟ ଅଯଥାରେ ବଲିଉଡକୁ ବଦନାମ କରାଯାଉଥିବା କଥା କହିଥିଲେ । ଯାହାକୁ କାଉଂଟର କରି ଉର୍ମିଲାଙ୍କ ବିରୋଧରେ ଅତି ଶସ୍ତା ଟିପ୍ପଣୀ କରିଛନ୍ତି କଙ୍ଗନା । ମନ୍ତବ୍ୟ ସହ ମେଳ ଖାଉଥିବା ଏକ ଟ୍ୱିଟ ମଧ୍ୟ କରିଛନ୍ତି ।
କଙ୍ଗନା/ଉର୍ମିଲା… ଉର୍ମିଲାଙ୍କ ବିରୋଧରେ କଙ୍ଗନାଙ୍କ ଏଭଳି ଆପତିଜନକ ମନ୍ତବ୍ୟ ପରେ ଉର୍ମିଲା ମାତୋଣ୍ଡକରଙ୍କ ସମର୍ଥନରେ ବାହାରି ଆସିଛନ୍ତି ଏକାଧିକ କଳାକାର । ଟ୍ୱିଟ କରି ସ୍ୱରା ଭାଷ୍କର ଲେଖିଛନ୍ତି-
‘ପ୍ରିୟ ଉର୍ମିଲା ଜୀ, ଫିଲ୍ମ ମାସୁମ, ଚମତ୍କାର, ରଙ୍ଗିଲା, ଜୁଦାଇ, ଦୌଡ, ସତ୍ୟା, ଭୂତ, କୌନ, ଜଙ୍ଗଲ, ପ୍ୟାର ତୁନେ କ୍ୟା କିୟା, ତେହଜୀବ, ପିଞ୍ଜର, ଏକ ହସିନା ଥୀ ଭଳି ଫିଲ୍ମରେ ଆପଣଙ୍କ ସୁନ୍ଦର ଅଭିନୟକୁ ମନେ ପକାଉଛି । ଆପଣଙ୍କ ଅଭିନୟ ଓ ନୃତ୍ୟ ପ୍ରତିଭା ସମସ୍ତଙ୍କୁ ଆକୃଷ୍ଟ କରିପାରୁଥିଲା । ଲଭ ୟୁ ।’
‘ମନ ହେଲା ସବୁଠାରୁ ସୁନ୍ଦର, ଏଲିଗେଂଟ, ଅକ୍ସପ୍ରେସିଭ ଆକ୍ଟ୍ରେସଙ୍କୁ ସ୍ନେହ ଓ ପ୍ରେମ ପଠାଇବାକୁ ।’
ଫରା ଖାନ ଅଲ୍ଲୀ, ଅଭିନେତ୍ରୀ
‘କ୍ଲାସ ଏବେ ବି ରାଗରେ ପ୍ରତିକ୍ରିୟା ରଖେ ନାହିଁ । ଏହା ସାଇନ କରେ । ଉର୍ମିଲା, ଜୟା, ସ୍ୱରା, ତାପସୀ, ସୋନୁ, ହେମା ଆପଣ ସମସ୍ତେ ସାଇନ କରନ୍ତୁ ।’
ଦେବୋଲିନା ଭଟ୍ଟାଚାର୍ଯ୍ୟ, ଟିଭି ଅଭିନେତ୍ରୀ
‘ଉର୍ମିଲାଙ୍କ ବିରୋଧରେ କଙ୍ଗନା ଦେଇଥିବା ମନ୍ତବ୍ୟ ଅତ୍ୟନ୍ତ ନିନ୍ଦିନୀୟ । ଅହଂକାର ଆପଣଙ୍କୁ କେଉଁ ମୁହୂର୍ତରେ ବୁଡାଇ ଦେଇପାରେ ।’
କଙ୍ଗନା/ଉର୍ମିଲା… ସୁଶାନ୍ତ ମୃତ୍ୟୁ ମାମଲାର ଛାନଭିନରୁ ବଲିଉଡର ଡ୍ରଗ୍ସ କନେକ୍ସନ ପଦାକୁ ଆସିବା ପରେ ଡ୍ରଗ୍ସ ମାଫିଆଙ୍କ ଚେହେରା ଉପରୁ ପରଦା ହଟାଇବାକୁ ଦାବି କରୁଛନ୍ତି କଙ୍ଗନା । ହେଲେ କଙ୍ଗନା ଭିକ୍ଟିମ କାର୍ଡ ନଖେଳି ଜାଣିଥିବା ନାଁ ନିଜେ ପଦାକୁ ଆଣନ୍ତୁ ବୋଲି କହିଛନ୍ତି ଉର୍ମିଲା । ସେପରି ନକରି ଇଣ୍ଡଷ୍ଟ୍ରିର ସମସ୍ତଙ୍କ ଉପରେ କଙ୍ଗନାର ଏତେ ରାଗ କାହିଁକି ବୋଲି ସେ ପାଲଟା ପ୍ରଶ୍ନ କରିଛନ୍ତି ।