ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ବଲିଉଡ଼ କୁଇନଙ୍କ କଡ଼ା ଚେତାବନୀ : କଙ୍ଗନା କହିଲେ,ରହସ୍ୟ ଉପରୁ ପରଦା ନଉଠିଲେ ଫେରାଇଦେବେ ପଦ୍ମଶ୍ରୀ
ସେପଟେ ସିବିଆଇ ତଦନ୍ତ ପାଇଁ ପ୍ରଧାନମନ୍ତ୍ରୀଙ୍କୁ ଅନୁରୋଧ କଲେ ଓକିଲ ସୀମା ସମୃଦ୍ଧି, ଆଦିତ୍ୟ ଚୋପ୍ରାଙ୍କୁ ଜେରା
କନକ ବୁରୋ : ସୁଶାନ୍ତ ସିଂ ରାଜପୂତଙ୍କ ମୃତ୍ୟୁ ପ୍ରସଙ୍ଗରେ ବଲିଉଡ କୁଇନଙ୍କ ବଡ ବୟାନ । କଙ୍ଗଣା କହିଲେ ବଲିଉଡରେ ପରିବାର ବାଦ ଚାଲିଥିବା ନେଇ ଯଦି ପ୍ରମାଣ ଦେବାରେ ବିଫଳ ହେଲେ ଫେରାଇ ଦେବି ପଦ୍ମଶ୍ରୀ ସମ୍ମାନ । ବଲିଉଡ କୁଇନଙ୍କ ଏପରି ଚେତାବନୀ ପୁଣି ସୃଷ୍ଟି କରିଛି ନୂଆ ଚର୍ଚା । ସୁଶାନ୍ତ ସିଂ ରାଜପୂତଙ୍କ ଘରୁ ଝୁଲନ୍ତା ମୃତଦେହ ମିଳିବା ପରେ ଏହାକୁ ନେଇ ଗଣମାଧ୍ୟମରେ ଖୋଲାଖୋଲି ମତ ରଖିଥିଲେ କଙ୍ଗନା । ନେପୋଟିଜିମ୍ ବା ପରିବାର ବାଦକୁ ଏଥିପାଇଁ ସେ ସିଧାସଳଖ ଦାୟୀ କରିଥିଲେ । ତେବେ ମୁମ୍ୱାଇ ପୋଲିସ ଏହି ଘଟଣାରେ କଙ୍ଗନା ରଣାୱତଙ୍କ ବୟାନ୍ ରେକର୍ଡ କରିବାକୁ ନୋଟିସ୍ କରିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କେବଳ କଙ୍ଗନା ନୁହଁନ୍ତି ବଲିଉଡ କଳାକାର ଶେଖର କପୁର, ରଣବୀର ସୁରୀ, ମନୋଜ ବାଜପାୟୀ ମଧ୍ୟ ନେପୋଟିଜମ୍ ନେଇ ମୁହଁ ଖୋଲିଥିଲେ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଉପରୁ ଏବେ ବି ପରଦା ହଟିନି । ଘଟଣାର ସିବିଆଇ ତଦନ୍ତ ଦାବି କରିଛନ୍ତି ନିର୍ଭୟା ମାମଲାର ଓକିଲ ସୀମା ସମୃଦ୍ଧି । ଏନେଇ ସିବିଆଇ ତଦନ୍ତ ପାଇଁ ସୀମା ସମୃଦ୍ଧି ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଛନ୍ତି । ଗତକାଲି ମହାରା୍ଷ୍ଟ୍ର ଗୃହମନ୍ତ୍ରୀ ଏହି ପ୍ରସଙ୍ଗରେ ବୟାନ ଦେଇଥିଲେ ଯେ, ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ କୌଣସି ତଦନ୍ତର ଆବଶ୍ୟକତା ନାହିଁ । ମୁମ୍ବାଇ ପୁଲିସ ଏହାର ତଦନ୍ତ କରୁଛି ।