ଘର ଉପରକୁ ମାଡିଗଲା କାର : କନ୍ଧମାଳ ଜିଲ୍ଲା ବାଲିଗୁଡା ଅଂଚଳରେ ଘଟିଛି ଏଭଳି ଅଘଟଣ

କନକ ବ୍ୟୁରୋ : ଘର ଉପରକୁ ମାଡିଗଲା କାର । କନ୍ଧମାଳ ଜିଲ୍ଲା ବାଲିଗୁଡା ଅଂଚଳରେ ଘଟିଛି ଏଭଳି ଅଘଟଣ । ବାଲିଗୁଡା ଥାନା ଅନ୍ତର୍ଗତ ଲଣ୍ଡାଗାଁରେ ଏଭଳି ଦୁଃଖଦ ଘଟଣା ଘଟିଛି । ଭୋଜି ଖାଇ ଫେରୁଥିବା ବେଳେ ଗାଁର ମାର୍କଣ୍ଡ ଦଣ୍ଡିଆଙ୍କୁ ଧକ୍କା ଦେଇଥିଲା ଏହି କାର । ଏହାସହ କାରଟି ଭାରସ୍ୟାମ ହରାଇ ଏକ ଘର ଉପରକୁ ମାଡି ଯାଇଛି । ତେବେ ଘରର ଏହି ଦୃଶ୍ୟକୁ ଦେଖି ଆପଣମାନେ ଅନୁମାନ କରିପାରୁଥିବେ କେତେ ଯୋରରେ ଗାଡିଟି ଘର ଉପରକୁ ମାଡି ଯାଇଛି । ମାର୍କଣ୍ଡ ଦଣ୍ଡିଆଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାକୁ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଗତକାଲି ରାତିରେ ଏମିତି ଏକ ଅଘଟଣ ଘଟିଛି ।