ବଡ଼ଦିନ ପାଳନ ପାଇଁ କୋହଳ ହେଲା କଟକଣା : ବଡ ଚର୍ଚ୍ଚରେ ୫୦ ଏବଂ ସାନ ଚର୍ଚ୍ଚରେ ୨୦ ଜଣ ରହି ପାଳନ କରିପାରିବେ ବଡଦିନ ଉତ୍ସବ
କୋଭିଡ୍ ଗାଇଡଲାଇନ୍ ଭିତରେ ଖ୍ରୀଷ୍ଟପର୍ବ ପାଳନ ପାଇଁ ପ୍ରଶାସନର ଅନୁମତି
କନକ ବ୍ୟୁରୋ : ବଡ଼ ଦିନ ପାଇଁ କଟକଣାକୁ କୋହଳ କରିଛି ପ୍ରଶାସନ । ସୀମିତ ସଂଖ୍ୟକ ଶ୍ରଦ୍ଧାଳୁଙ୍କ ଭିତରେ କନ୍ଧମାଳରେ ପାଳିତ ହେବ ବଡ଼ ଦିନ ପୂର୍ବ । ବଡ ଚର୍ଚ୍ଚରେ ୫୦ଜଣ ଏବଂ ସାନ ଚର୍ଚ୍ଚରେ ୨୦ ଜଣ ରହି ବଡଦିନ ପାଳନ କରିପାରିବେ ବୋଲି କନ୍ଧମାଳ ଜିଲ୍ଲା ପ୍ରଶାସନ ନିଷ୍ପତି ନେଇଛନ୍ତି । ଏହା ସହ ଚର୍ଚ୍ଚ ସଜାସଜ୍ଜା ଓ ମାଇକ୍ ଲଗେଇବାକୁ ମଧ୍ୟ ଅନୁମତି ଦେଇଛି ଜିଲ୍ଲା ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ଗତ ୨୧ ତାରିଖରେ ବସିଥିବା ଶାନ୍ତି ବୈଠକରେ ଖ୍ରୀଷ୍ଟିୟାନ୍ ସଂପ୍ରଦାୟ ପ୍ରଶାସନକୁ ବଡ ଦିନ ପାଳିବା ପାଇଁ ୧୫ଜଣ ବଦଳରେ ଅଧିକ ସଂଖ୍ୟକ ଶ୍ରଦ୍ଧାଳୁ ରହିବାକୁ ଅନୁରୋଧ କରିଥିଲେ । ତାହା ବିଚାର କରି ଜିଲ୍ଲା ପ୍ରଶାସନ ଏହି ଅନୁମତି ଦେଇଛି । ଏଣୁ ଖ୍ରୀଷ୍ଟୀୟ ସଂପ୍ରଦାୟ ଓ ଚର୍ଚ୍ଚ ପକ୍ଷରୁ ଜିଲ୍ଲା ପ୍ରଶାସନକୁ ଧନ୍ୟବାଦ ଦେଇଛନ୍ତି । ୟଏହି ଅନୁମତି ପରେ ବଡଦିନ ପାଇଁ ପ୍ରସ୍ତୁତି ଜୋରଦାର ହୋଇଛି । ଏହା ପୂର୍ବରୁ କରୋନାକୁ ଦୃଷ୍ଟିରେ ରଖି ଏହା ଉପରେ କଟକଣା ଲଗାଯାଇଥିଲା । ଏମିତି କି ଘରେ ରହି ବଡ଼ଦିନ ପାଳନ କରିବାକୁ ପ୍ରଶାସନ ଅନୁରୋଧ କରିଥିଲା ।