ମହାରଥୀଙ୍କ ଗିରଫ ପରେ ପୋଲିସ ଛାଉଣି ଭିତରେ ହେଲା ପିପିଲି ନିର୍ବାଚନ । ସେପଟେ ଚାଲିଛି ମହାରଥୀଙ୍କ ଚିକିତ୍ସା, କାଲି ଜାମିନ୍ ଆବେଦନର ଶୁଣାଣି ।
କନକ ବ୍ୟୁରୋ : ବହୁ ବାଦ ବିବାଦ ସତ୍ୱେ ଶାନ୍ତିପୂର୍ଣ୍ଣ ଭାବରେ ଶେଷ ହୋଇଛି ପିପିଲି ବିଧାନସଭା ନିର୍ବାଚନ । ଗତକାଲି ବିଜେଡି ବିଧାୟକ ପ୍ରାର୍ଥୀ ପ୍ରଦୀପ ମହାରଥୀ ଗିରଫ ହେବା ପରେ ଏହି ନିର୍ବାଚନ ମଣ୍ଡଳୀ ଉପରେ ସମସ୍ତଙ୍କ ନଜର ରହିଥିଲା । ତେବେ ଆଜିର ମତଦାନ ଉପରେ ଏହାର କୌଣସି ପ୍ରଭାବ ଦେଖିବାକୁ ମିଳିନଥିଲା । ପୋଲିସର ସତର୍କ ନଜର ଭିତରେ ହୋଇଥିଲା ଭୋଟଗ୍ରହଣ ।
Kanak News is now on WhatsApp
Join and get latest news updates delivered to you via WhatsApp
ଫ୍ଲାଇଂ ସ୍କ୍ୱାର୍ଡ ମାଜିଷ୍ଟ୍ରେଟଙ୍କୁ ଆକ୍ରମଣ କରିବା ଓ ତାଙ୍କ କାର୍ଯ୍ୟରେ ବାଧା ସୃଷ୍ଟି କରିବା ଅଭିଯୋଗରେ ଗତକାଲି ଗିରଫ ହୋଇଥିଲେ ପିପିଲିର ବିଜେଡି ପ୍ରାର୍ଥୀ ପ୍ରଦୀପ ମହାରଥୀ । ଜାମିନ ଆବେଦନର ଶୁଣାଣି ସ୍ଥଗିତ ରହିବା ପରେ ତାଙ୍କୁ ଝାରପଡ଼ା ଜେଲକୁ ପଠାଇ ଦିଆଯାଇଥିଲା । ତେବେ ସେ ଅସୁସ୍ଥ ହୋଇପଡ଼ିବାରୁ ଚିକିତ୍ସା ପାଇଁ ତାଙ୍କୁ କ୍ୟାପିଟାଲ ହସପିଟାଲକୁ ସ୍ଥାନାନ୍ତର କରାଯାଇଛି । ୨୪ ତାରିଖରେ ଅର୍ଥାତ ଆସନ୍ତାକାଲି ହେବ ମହାରଥୀଙ୍କ ଜାମିନ ଆବେଦନର ଶୁଣାଣି ।