କନକ ନ୍ୟୁଜର ଓଡିଶା ନିର୍ମାଣ କନକ୍ଲେଭ ୨୦୨୧ : ୩ଟି ପର୍ଯ୍ୟାୟରେ ହେବ ସ୍ୱତନ୍ତ୍ର କାର୍ଯ୍ୟକ୍ରମ; ମୁଖ୍ୟ ଆକର୍ଷଣ ବାବା ରାମଦେବ
ଆତ୍ମନିର୍ଭର ଓଡିଶା ପ୍ରସଙ୍ଗରେ କରିବେ ଆଲୋଚନା; ଦିନ ୧୦ଟାରୁ ସିଧା ପ୍ରସାରଣ
କନକ ବ୍ୟୁରୋ : କନକ ନ୍ୟୁଜର ଓଡିଶା ନିର୍ମାଣ କନକ୍ଲେଭ ୨୦୨୧ । ଆଜି ୩ଟି ପର୍ଯ୍ୟାୟରେ ଏହି ସ୍ୱତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହେବ । ଏହାର ମୁଖ୍ୟ ଆକର୍ଷଣ ହେଉଛନ୍ତି ବାବା ରାମଦେବ । ଭରଚ୍ୟୁଆଲି ଆମ କାର୍ଯ୍ୟକ୍ରମରେ ସାମିଲ ହୋଇ ଆତ୍ମନିର୍ଭର ଓଡିଶା ପ୍ରସଙ୍ଗରେ ଆଲୋଚନା କରିବେ ଯୋଗ ଗୁରୁ ବାବା ରାମଦେବ । ଦିନ ୧୦ଟାରେ ଏହି କାର୍ଯ୍ୟକ୍ରମର ଉଦଘାଟନ କରିବେ ରାଜ୍ୟପାଳ ପ୍ରଫେସର ଗଣେଶି ଲାଲ । ପ୍ରାଥମିକ ପର୍ଯ୍ୟାୟରେ ରାଜ୍ୟପାଳ ଓ ସମ୍ବାଦ ଗ୍ରୁପ୍ ଅଧ୍ୟକ୍ଷ ସୌମ୍ୟ ରଂଜନ ପଟ୍ଟନାୟକ ଯୋଗଦେବେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ଅର୍ଥାତ୍ ୧୧ଟା ୩୦ ମିନିଟ୍ରେ ‘ଆଉଟ ଲୁକ୍’ର ପୂର୍ବତନ ସମ୍ପାଦକ ରୁବେନ୍ ବାନାର୍ଜୀଙ୍କ ସହ କନକ ନ୍ୟୁଜ୍ ସମ୍ପାଦକ ମନୋରଞ୍ଜନ ମିଶ୍ର ‘ମିଡିଆ: ଏ କୋଲସସ୍ ଉଇଥ୍ ଫିଟ୍ ଅଫ୍ କ୍ଲେ’ ପ୍ରସଙ୍ଗରେ ଆଲୋଚନା କରିବେ । ଶେଷ ପର୍ଯ୍ୟାୟରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ମୁଖ୍ୟ ଉପଦେଷ୍ଟା ଆର୍. ବାଲକ୍ରିଷ୍ଣନ୍ ‘ଅଣ୍ଡରଷ୍ଟାଣ୍ଡିଂ ହିଷ୍ଟ୍ରି ଟୁ ଇନ୍ନୋଭେଟ୍ ଦ ଫ୍ୟୁଚର’ ପ୍ରସଙ୍ଗରେ ଆଲୋଚନା କରିବେ। ପୂର୍ବାହ୍ନ ୧୦ଟାରୁ ମଧ୍ୟାହ୍ନ ସାଢ଼େ ୧୨ଟା ପର୍ଯ୍ୟନ୍ତ ଏହି କନ୍କ୍ଲେଭ୍ ଚାଲିବ ଓ କନକ ନ୍ୟୁଜ୍ ଚାନେଲ୍ରେ ସିଧା ପ୍ରସାରଣ ହେବ ।