କନକ ନ୍ୟୁଜ ପ୍ରଭାବ । ଖବର ପ୍ରସାରଣ ପରେ ନିଦରୁ ଉଠିଲା ରାଜସ୍ୱ ବିଭାଗ : ସମ୍ବଲପୁର କୁଚିଣ୍ଡାରେ ବର୍ଷ ବର୍ଷ ଧରି ଦଲାଲଙ୍କ କବଜାରେ ଥିବା ବେଆଇନ ବାଲିଘାଟ ଉପରେ ଚଢାଉ କଲା ପ୍ରଶାସନ
କନକ ବ୍ୟୁରୋ : କନକ ନ୍ୟୁଜର ପ୍ରଭାବ । ଖବର ପ୍ରସାରଣ ପରେ ବର୍ଷ ବର୍ଷ ଧରି ଦଲାଲଙ୍କ କବଜାରେ ଥିବା ବେଆଇନ ବାଲିଘାଟ ଉପରେ ଚଢଉ କରିଛି ପ୍ରଶାଶନ । ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକ ବକ୍ସମା ପଂଚାୟତରେ ବେଆଇନ ବାଲିଘାଟ କରି ପ୍ରତିଦିନ ଟନ ଟନ ବାଲି ଚୋରାଚାଲାଣ କରୁଥିବା ବେଳେ ଅନେକ ଜାଗାରେ ଗଛିତ କରି ଚଢାଦରରେ ବିକ୍ରି କରୁଥିଲେ ମାଫିଆ । ତେବେ କନକ ନ୍ୟୁଜରେ ଖବର ପ୍ରସାରଣ ପରେ ନିଦରୁ ଉଠିଲା ରାଜସ୍ୱ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଖୋଦ ତହସିଲଦାର ବେଆଇନ ବାଲିଘାଟକୁ ଯାଇ ଗଛିତ ଥିବା ବାଲି ଉପରେ ଫାଇନ କାଟିବା ସହ ବେଆଇନ ରେ ଚାଲିଥିବା ସମସ୍ତ ଘାଟକୁ ବନ୍ଦ କରିଛନ୍ତି । ଦିର୍ଘ ୧୦ ବର୍ଷରୁ ଉର୍ଦ୍ଧ୍ୱ ହେବ ସରକାର ଲକ୍ଷ ଲକ୍ଷ ଟଙ୍କା ରାଜସ୍ୱ ହରାଉଥିବା ବେଳେ ଏବେ ଏହାର ଯବନିକା ପଡିଛି । ତେବେ ବର୍ତମାନ ପାଇଁ ଘାଟ ବନ୍ଦ କରାଯାଇଛି ଏବଂ ଜେସିବି ସାହାଯ୍ୟରେ ରାସ୍ତାକୁ କାଟି ଦିଆଯାଇଛି । ପରେ ଏହାକୁ ସରକାରୀ ଘାଟ ହିସାବରେ ନିଆଯାଇ ଟେଣ୍ଡର କରାଯିବ ବୋଲି କହିଛନ୍ତି କୁଚିଣ୍ଡା ତହସିଲଦାର ।