କନକ ନ୍ୟୁଜ ମହାପ୍ରଭାବ । ଅସୁସ୍ଥ ପବିତ୍ରଙ୍କ ଚିକିତ୍ସା ପାଇଁ ଆଗେଇ ଆସିଲା କେନ୍ଦ୍ରାପଡା ଜିଲ୍ଲା ପ୍ରଶାସନ, ସହାୟତାର ହାତ ବଢାଇଲେ ବିଧାୟକ ।
କନକ ବ୍ୟୁରୋ : ମାର୍ଶାଘାଇର ଅସୁସ୍ଥ ପବିତ୍ରଙ୍କ ଚିକିତ୍ସା ପାଇଁ ଆଗେଇ ଆସିଲା କେନ୍ଦ୍ରାପଡା ଜିଲ୍ଲା ପ୍ରଶାସନ । ଘରୁ ଆମ୍ବୁଲାନ୍ସରେ କଟକ ବଡ ମେଡିକାଲ ପଠାଇଛନ୍ତି ଉପଜିଲ୍ଲାପାଳ । କନକ ନ୍ୟୁଜରେ ଖବର ପ୍ରସାରଣ ପରେ ସହାୟତାର ହାତ ବଢାଇଲ ବିଧାୟକ ଅତନୁ ସବ୍ୟସାଚୀ ନାୟକ ।
Kanak News is now on WhatsApp
Join and get latest news updates delivered to you via WhatsApp
ଲୋକଙ୍କ ସମସ୍ୟା ଆପଣଙ୍କ ପାଖରେ ପହଞ୍ଚାଇବା ସହ ପ୍ରଶାସନକୁ ଜବାବ ଦେହୀ କରିବା ପାଇଁ ଆମେ ପରିବେଷଣ କରୁ ଖବର । ସରକାରୀ ସହାୟତା ଆବଶ୍ୟକ କରୁଥିବା ବ୍ୟକ୍ତିଟିଏ ପାଖରେ କିଭଳି ପ୍ରଶାସନିକ କଳ ପହଞ୍ଚି ପାରିବ ସେଥିପାଇଁ ଆମେ ନିରନ୍ତର ପ୍ରୟାସ କରିଥାଉ । ଏମିତି ଏକ ପ୍ରୟାସ ଆମର ସଫଳ ହୋଇଛି ଯେତେବେଳେ ମାର୍ଶାଘାଇ ଆଠବାଟିଆ ଗାଁର ଅସହାୟ ପବିତ୍ର ବେହେରାଙ୍କ ପାଖରେ ପହଂଚିଛି ଜିଲ୍ଲା ପ୍ରଶାସନ । ଆଉ କୁନି ପୁଅ ପ୍ରଥମେଶର ଦୁଃଖ ବୁଝି ବାପା ପବିତ୍ରଙ୍କୁ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ କଟକ ବଡ ମେଡିକାଲକୁ ନେଇଛି କେନ୍ଦ୍ରାପଡା ଜିଲ୍ଲା ପ୍ରଶାସନ ।
ବାପା-ପବିତ୍ର, ମାଆ ସ୍ତ୍ରୀ ଚମ୍ପାବତୀ ଓ ବଡଭାଇ ପ୍ରଦ୍ୟୁମ୍ନ ରୋଗଶଯ୍ୟାରେ ପଡିଥିବା ବେଳେ କୁନି ପୁଅ ପ୍ରଥମେଶ କାନ୍ଧରେ ପୁରା ପରିବାରର ଦାୟିତ୍ୱ । ୯ ବର୍ଷର ପ୍ରଥମେଶ ପାଠପଢାକୁ ପଛ କରି କିଭଳି ପରିବାର ପାଇଁ ଶ୍ରବଣ କୁମାର ସାଜିଛି ସେନେଇ କନକ ନ୍ୟୁଜରେ ଖବର ପ୍ରସାରଣ ହୋଇଥିଲା । ଆଉ ଏହି ଖବର ପ୍ରସାରଣ ପରେ ସହାୟତାର ହାତ ବଢାଇଛନ୍ତି ମହାକାଳପଡା ବିଧାୟକ ଅତନୁ ସବ୍ୟସାଚୀ ନାୟକ, ବିଭିନ୍ନ ସ୍ୱେଚ୍ଛାସେବୀ ସଂଗଠନ ଓ ଜିଲ୍ଲା ପ୍ରଶାସନ । ପ୍ରଥମେ ପବିତ୍ରଙ୍କୁ ଚିକିତ୍ସା ପାଇଁ କଟକ ନିଆଯାଥିବା ବେଳେ ପରେ ଚମ୍ପାବତୀଙ୍କୁ ମଧ୍ୟ ଚିକିତ୍ସା ଯୋଗାଇ ଦିଆଯିବ । ଏହାସହ ବିଭିନ୍ନ ସରକାରୀ ସହାୟତା ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ଉପଜିଲ୍ଲାପାଳ ।
ପବିତ୍ରଙ୍କୁ ଜିଲ୍ଲା ପ୍ରଶାସନ ଡାକ୍ତରଖାନାକୁ ନେବା ବେଳର ଦୃଶ୍ୟ ବି ଥିଲା ବେଶ ହୃଦୟ ସ୍ପର୍ଶୀ । ବାପାଙ୍କ ସୁସ୍ଥତାକୁ ଅପେକ୍ଷା କରିଥିବା କୁନି ପୁଅ ପ୍ରଥମେଶ ଦିବ୍ୟାଙ୍ଗ ବଡ ଭାଇକୁ କୋଳେ ବାପାଙ୍କୁ ଦେଖାଉଥାଏ । ଯାହାକୁ ଦେଖି ଉପସ୍ଥିତ ଲୋକଙ୍କ ଆଖି ଓଦା ହୋଇଯାଇଥିଲା । ।