କନକ ନ୍ୟୁଜ ପ୍ରଭାବ : କୋରପୁଟ ଜୟପୁର ବ୍ଲକରେ ଚାଷୀଙ୍କୁ ନକଲି ବିହନ ଯୋଗାଣର ତଦନ୍ତ , ଚାଷଜମିରେ ସାଇଂଟିଫିକ ଟିମ ଓ କୃଷିବିଭାଗ ଟିମର ଅନୁଧ୍ୟାନ; ମଙ୍ଗଳବାର ହୋଇଥିଲା ଖବରର ପ୍ରସାରଣ
ଖବର ପ୍ରସାରଣ ପରେ ଚେତିଲା ପ୍ରଶାସନ
କନକ ବ୍ୟୁରୋ : କନକନ୍ୟୁଜର ପ୍ରଭାବ । ଖବର ପ୍ରସାରଣ ପରେ ଚେତିଲା ପ୍ରଶାସନ । ଚାଷୀଙ୍କ ଜମିରେ ପହଁଚି ପରିଦର୍ଶନ କରି ସ୍ଥିତି ଦେଖିଲେ ବିଭାଗୀୟ ଅଧିକାରୀ । ନକଲି ବିହନ ଦେଇ ଚାଷିଙ୍କୁ ଠକି ଦେଇଥିଲା ବାୟର ନାମକ ଘରୋଇ କମ୍ପାନୀ । ଏନେଇ ଅଭିଯୋଗ କରିଥିଲେ ଶତାଧିକ ଚାଷୀ । କନକ ନ୍ୟୁଜରେ ପ୍ରସାରଣ ପରେ ଚାଷିଙ୍କ ଜମିରେ ତଦନ୍ତ ପାଇଁ ପହିଚିଂ ସ୍ଥିତି ଅନୁଧ୍ୟାନ କରିଛନ୍ତି କୃଷି ବିଭାଗ ଓ ସାଇଂଟିଫିକ ଦଳର ୨ ଟି ଟିମ ।
Kanak News is now on WhatsApp
Join and get latest news updates delivered to you via WhatsApp
ନକଲି ବିହନ କମ୍ପାନି ଚାଷୀ ଙ୍କୁ ଯୋଗଇଥିବା ସ୍ୱୀକାର କରିବା ସହ ରାଜ୍ୟ ସରକାରଙ୍କୁ ଏହି ସଂପର୍କରେ ଅବଗତ କରାଯିବ ବୋଲି ଅନୁଧ୍ୟାନକାରୀ ଦଳ କହିଛି । କରୋନା କଟକଣା ଭିତରେ ବାୟର ନାମକ ଘରୋଇ କମ୍ପାନି , ଡ଼ିଲର ଙ୍କ ଜରିଆରେ ମୋଟା ଅଙ୍କର ପଇସା ନେଇ ଚାଷୀଙ୍କୁ ନକଲି ବିହନ ଯୋଗାଇଥିଲା । ଜୟପୁର ସବଡ଼ିଭିଜନର ୨ ହଜାରରୁ ଅଧିକା ଏକର ଜମିରେ ଏହାଦ୍ୱାରା ଫସଲ ପ୍ରଭାବିତ ହୋଇଥିଲା ।