ଶରଧାବାଲିରେ ତିନି ରଥ । ଲୀଳାଖେଳା କରି ଗୁଣ୍ଡିଚା ମନ୍ଦିର ସମ୍ମୁଖରେ ରଥାରୁଢ଼ ତିନି ଠାକୁର ।
କନକ ବ୍ୟୁରୋ: ଶରଧାବାଲି ଲାଗିଲା ତିନି ରଥ । ପ୍ରଥମେ ତାଳଧ୍ୱଜ ଓ ଦେବଦଳନ ରଥ ପହଁଚିବାପର ପଛରେ ପହଁଚିଲେ ନନ୍ଦିଘୋଷେ ବିରାଜିତ କାଳିଆ ସାଆନ୍ତେ । ଲୀଳାମୟଙ୍କ କଳାଠାକୁର ଲୀଳାଖେଳା କରି ବିନାଭକ୍ତରେ ଗୁଣ୍ଡିଚା ମନ୍ଦିରରେ ପହଁଚିଲେ ରଥାରୁଢ଼ ତିନି ଠାକୁର । ତେବେ କରୋନା କଟକଣା ଭିତରେ ବି ଚାଲିଛି ମହାପ୍ରଭୁଙ୍କ ବିଶ୍ୱ ପ୍ରସିଦ୍ଧ ଘୋଷଯାତ୍ରା । ବିଶ୍ୱରେ କରୋନା ମହାମାରୀ ଭିତରେ ପୁରୀରେ କଟକଣା ଯୁକ୍ତ ତଥା ବିନା ଭକ୍ତରେ ରଥଯାତ୍ରା ପାଳନ କରିବାକୁ ସୁପ୍ରିମକୋର୍ଟ ସୁପ୍ରିମ ରାୟ ଦେବା ପରେ ଶ୍ରୀକ୍ଷେତ୍ରରେ ଶତମୁଖର ହୋଇଛି କାଳିଆ ନାଁ । ଆଉ କଟକଣା ଭିତରେ ରୀତିନୀତିକୁ ସମ୍ପନ୍ନ କରି ତିନିରଥ ବିନା ଭକ୍ତରେ ଶରଧା ବାଲିରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ପୂର୍ବ ନିର୍ଦ୍ଧାରିତ ଶ୍ରୀମନ୍ଦିର ଭିତରେ ସମସ୍ତ ନୀତିକାନ୍ତି ଶେଷ ହେବା ପରେ ଭୋର ୭ଟାରୁ ଆରମ୍ଭ ହୋଇଥିଲା ମହାପ୍ରଭୁଙ୍କ ପହଣ୍ଡି ବିଜେ ନୀତି । ପ୍ରଥମେ ଚକ୍ରରାଜ ସୁଦର୍ଶନଙ୍କ ପହଣ୍ଡିବିଜେ ନୀତି ସଂପନ୍ନ ହେବା ପରେ ବଳଭଦ୍ର, ଦେବୀ ସୁଭଦ୍ରା ଏବଂ ସବା ଶେଷରେ ସଂପନ୍ନ ହୋଇଥିଲା ବିଶ୍ୱନଅନ୍ତା ପ୍ରଭୁ ଶ୍ରୀ କାଳିଆ ଠାକୁରଙ୍କର ପହଣ୍ଡିବିଜେ ନୀତି । ଏହାପରେ ପୁରୀ ଗଜପତି ମହାରାଜ ଆସି ରଥାରୁଢ ତିନି ଠାକୁରଙ୍କ ତିନି ରଥରେ ସୁନା ଝାଡୁ ଧରି ଛେରା ପହଁରା ନୀତି ସଂପନ୍ନ କରିଥିଲେ । ଏହାପରେ ରଥଟଣା ଆରମ୍ଭ ହୋଇଥିଲା । ସୁପ୍ରିମକୋର୍ଟଙ୍କ କରୋନା ଗାଇଡଲାଇନ୍ ଅନୁସାରେ ବିନାଭକ୍ତରେ କେବଳ ସେବାୟତମାନଙ୍କ ଦ୍ୱାରା ରଥ ଗଡ଼ିଥିଲା ।