କଳାହାଣ୍ଡି ସ୍କୁଲ ଅଧ୍ୟକ୍ଷା ନିଖୋଜ ମାମଲା । ଥାନାରୁ ଚମ୍ପଟ୍ ଅଭିଯୁକ୍ତ , କର୍ତ୍ତବ୍ୟରେ ଅବହେଳା ଯୋଗୁଁ ୩ ପୋଲିସ୍ ନିଲମ୍ବିତ
କନକ ବ୍ୟୁରୋ: କଳାହାଣ୍ଡି କେ ଗାଁ ଥାନା ସନସାଇନ୍ ପବ୍ଲିକ୍ ସ୍କୁଲ ଅଧ୍ୟକ୍ଷା ନିଖୋଜ ମାମଲାରେ ଥାନାରେ ଥିବା ଅଭିଯୁକ୍ତ ଗୋବିନ୍ଦ ସାହୁ ଖସି ପଳାଇବା ଘଟଣାରେ ୩ଜଣ ପୋଲିସ ନିଲମ୍ବିତ ।କର୍ତ୍ତବ୍ୟରେ ଅବେହଳା ଯେଗୁଁ ଏହି ୩ ପୋଲିସକୁ ନିଲମ୍ବନ କରରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସନସାଇନ୍ ପବ୍ଲିକ୍ ସ୍କୁଲ ଅଧ୍ୟକ୍ଷା ମମିତା ମେହେର ନିଖୋଜ ମାମଲାରେ ତାଙ୍କୁ ଉଠାଇ ଆଣିଥିଲା ପୋଲିସ ।ଗତ ୮ ତାରିଖରେ ଗୋବିନ୍ଦ ସାହୁ, ସ୍କୁଲର କିଛି କାଗଜପତ୍ର କାମ ଅଛି କହି ମମିତାଙ୍କୁ ଡକାଇ ଥିଲେ । ହେଲେ ସେ ସ୍କୁଲ ଆସିବା ବାଟରେ କେଉଁଆଡେ ନିଖୋଜ ହୋଇଯାଇଛନ୍ତି । ଏହି ମାମଲାରେ ବଲାଙ୍ଗୀର ଜିଲ୍ଲା ଟିଟିଲାଗଡ ପୋଲିସ ଉଠାଇ ଆଣିଥିବାବେଳେ ସେ ପୋଲିସ ହେପାଜତରୁ କେମିତି ଚମ୍ପଟ ମାରିଲେ ତାକୁ ନେଇ ପ୍ରଶ୍ନ ଉଠିଛି । ତେବେ ଏହି ଘଟଣାରେ କାମରେ ଅବହେଳା ପାଇଁ ୩ ପୋଲିସ କର୍ମଚାରୀଙ୍କୁ ନିଲମ୍ବନ କରାଯାଇଥିବା ଜଣାପଡିିଛି ।
ସେପଟେ ପ୍ରାୟ ୧୦ ଦିନ ହେଲାଣି ମମିତାଙ୍କ ଖୋଜ ଖବର ମିଳୁନାହିଁ । ଗତ ୮ ତାରିଖରେ କଳାହାଣ୍ଡି ଜିଲ୍ଲା କେସିଙ୍ଗା ଥାନା ମହାଲିଙ୍ଗରେ ଥିବା ସନ୍ ସାଇନ ପବ୍ଲିକ ସ୍କୁଲର ଅଧ୍ୟକ୍ଷା ମମିତା ମେହେର ସ୍କୁଲକୁ ଆସୁଥିବାବେଳେ ଚାନ୍ଦତରା ଛକ ନିକଟରୁ ନିଖୋଜ ହୋଇ ଯାଇଥିଲେ । ୧୨ ତାରିଖରେ ପରିବାର ଲୋକ ଏନେଇ ଥାନାରେ ଲିଖିତ ଅଭିଯୋଗ କରିଥିଲେ । ବଲାଙ୍ଗୀର ପୋଲିସ କଳାହାଣ୍ଡିର କେଗାଁକୁ ଆସି ସେଠାକାର ପୋଲିସ ସହିତ କଥାବାର୍ତା ହେବା ପରେ ସ୍କୁଲ ମାଲିକ ଗୋବିନ୍ଦ ସାହୁଙ୍କୁ ଉଠାଇ ନେଇଥିଲା ।
ମହାଲିଙ୍ଗରେ ଥିବା ସ୍କୁଲରେ ଛାନଭିନ କରିବା ପରେ ତାଙ୍କ ଗାଡିକୁ ମଧ୍ୟ ଜବତ କରିଥିଲା । ହେଲେ ମମିତା କେଉଁଆଡେ ଗଲେ ସେନେଇ ୧୦ ଦିନ ହେଲା କୌଣସି ଖୋଜଖବର ପାଉନାହାନ୍ତି ବଲାଙ୍ଗୀର କିମ୍ବା କଳାହାଣ୍ଡି ପୋଲିସ । ତେଣୁ ପୁରା ଘଟଣା ରହସ୍ୟମୟ ହୋଇ ରହିଛି । ମମିତାଙ୍କ ନିଖୋଜ ପଛରେ ସ୍କୁଲର ମାଲିକ ଗୋବିନ୍ଦ ସାହୁଙ୍କ କଣ ସଂପୃକ୍ତି ରହିଛି ସେନେଇ ପୋଲିସ ତଦନ୍ତକୁ ଅପେକ୍ଷା କରାଯାଇଛି ।