ପାକିସ୍ତାନରେ ଖୋଲା ବୁଲୁଛନ୍ତି ଆତଙ୍କବାଦୀ, ଭାରତ କାର୍ଯ୍ୟାନୁଷ୍ଠାନ ନେବାରେ ପଛଘୁଞ୍ଚା ଦେବନି । ଜାତିସଂଘରେ ପାକିସ୍ତାନର ଧଜିଆ ଉଡାଇଲା ଭାରତ ।
କନକ ବ୍ୟୁରୋ : ବିଶ୍ୱ ଆଗରେ ସୈତାନ ପାକିସ୍ତାନର ମୁଖା ଖୋଲିଲା ଭାରତ । ସୀମା ସେପାରିରୁ ଆତଙ୍କବାଦୀଙ୍କୁ ପ୍ରଶୟ ଦେଉଥିବା ପାକିସ୍ତାନକୁ ଚେତାବନୀ ଦେଇଛି ଭାରତ । ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦରେ ଭାରତ କହିଛି ଯେ, ପାକିସ୍ତାନରୁ ପ୍ରାୟୋଜିତ ଆତଙ୍କବାଦ କାର୍ଯ୍ୟକଳାପ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ପଛଘୁଞ୍ଚା ଦେବନି ଭାରତ । କୌଣସି ଦେଶ ସହ ଆଲୋଚନା ସେତେବେଳେ ସମ୍ଭବ ଯେତେବେଳେ ଆତଙ୍କ ଓ ହିଂସା ମୁକ୍ତ ମାହୋଲ ପାଇଁ ଅନ୍ୟ ଦେଶ ରାଜି ହେବ ।
Kanak News is now on WhatsApp
Join and get latest news updates delivered to you via WhatsApp
ଜାତିସଂଘ ସୁରକ୍ଷା ପରିଷଦରେ ଭାରତୀୟ ଅଧିକାରୀ କାଜଲ ଭଟ୍ଟ କହିଛନ୍ତି, ପାକିସ୍ତାନ ସହିତ ଅନ୍ୟ ପଡୋଶୀ ରାଷ୍ଟ୍ର ସହତ୍ତଉତ୍ତମ ଓ ସୌହାର୍ଦ୍ଦପୂଣ୍ୟ ସର୍ମ୍ପକ ଚାହୁଁଛି ଭାରତ । ଏପରିକି ଅନେକ ବିବାଦୀୟ ପ୍ରସଙ୍ଗରେ ଶାନ୍ତିପୂର୍ଣ୍ଣ ଆଲୋଚନା ମାଧ୍ୟମରେ ସମାଧାନ କରିବାକୁ ଭାରତ ଚାହୁଁଛି । କିନ୍ତୁ ଏଭଳି ଆଲୋଚନା ପାଇଁ ଏକ ଶାନ୍ତିପୂର୍ଣ୍ଣ ଓ ହିଂସାମୁକ୍ତ ମାହୋଲ ଆବଶ୍ୟକ । ଆଉ ଏଭଳି ଅନୁକୂଳ ମାହୋଲ ପାକିସ୍ତାନ ସୃଷ୍ଟି କରିବାର ଆବଶ୍ୟକତା ରହିଛି । କିନ୍ତୁ ଯେପର୍ଯ୍ୟନ୍ତ ଏଭଳି ମାହୋଲ ସୃଷ୍ଟି ହୋଇନାହିଁ ସେପର୍ଯ୍ୟନ୍ତ ସୀମା ସେପାରିରୁ ହେଉଥିବା ଆତଙ୍କବାଦୀ କାର୍ଯ୍ୟକଳାପକୁ ଦୃଢ ଜବାବ ଦେବାକୁ କଡା କାର୍ଯ୍ୟାନୁଷ୍ଠାନ ନେବାରେ ଟିକିଏ ବି ପଛଘୁଞ୍ଚା ଦେବନି ଭାରତ । ଏହାସହ ୟୁଏନଏସସିରେ ପାକିସ୍ତାନ ଯେଉଁ କାଶ୍ମୀର ପ୍ରସଙ୍ଗ ଉଠାଇଛି ତାହାକୁ ନେଇ ବର୍ଷିଛି ଭାରତ ।
#WATCH | Counsellor/Legal Adviser at India’s Permanent Mission to the UN Dr Kajal Bhat in a strong response slamming Pakistan for again raking up the Kashmir issue at the UNSC pic.twitter.com/AmbBMFTIU1
— ANI (@ANI) November 16, 2021
କାଶ୍ମୀର ପ୍ରସଙ୍ଗରେ ପାକିସ୍ତାନକୁ କଡା ଜବାବ ଦେଇଛି ଭାରତ । ଜମ୍ମୁ ଓ କାଶ୍ମୀର ଏବଂ ଲଦାଖ ଭାରତର ଅଭିନ୍ନ ଅଙ୍ଗ । କାଶ୍ମୀରର କିଛି ଅଞ୍ଚଳକୁ ପାକିସ୍ତାନ ଅବୈଧ ରୂପେ କବଜା କରିଛି, ତେଣୁ ଏହାକୁ ତୁରନ୍ତ ଖାଲି କରୁ । ଏହାଛଡା ନିଜ ଦେଶରେ ସାଂଘାତିକ ସ୍ଥିତି ଉପୁଜିଛି ତାହା ଉପରୁ ନଜର ହଟାଇବାକୁ ପାକିସ୍ତାନ ଏଭଳି ଅନେକଥର କାଶ୍ମୀର ପ୍ରସଙ୍ଗ ଉଠାଇଛି । ପାକିସ୍ତାନରେ ଆତଙ୍କବାଦୀ ମାନେ ଖୋଲାଖୋଲି ବୁଲୁଛନ୍ତି । ପାକିସ୍ତାନ ଆତଙ୍କବାଦୀଙ୍କୁ ସମର୍ଥନ କରୁଛି, ଟ୍ରେନିଂ ଦେଉଛି । ଏପରିକି ଆର୍ଥିକ ସାହାଯ୍ୟ ସହ ଅସ୍ତ୍ରଶସ୍ତ୍ର ମଧ୍ୟ ଯୋଗାଉଛି । ଆଉ ଏହା ପାକିସ୍ତାନର ପୁରୁଣା ଇତିହାସ । କିନ୍ତୁ ଏଠାରେ ବାସ କରୁଥିବା ଅଳ୍ପସଂଖ୍ୟକ ସମୁଦାୟ ଲୋକଙ୍କୁ ହଇରାଣ ହରକତର ସମ୍ମୁଖୀନ ହେବାକୁ ପଡୁଛି ।