କନକ ବ୍ୟୁରୋ: ଭୁବନେଶ୍ୱର ଶିରିପୁର ଶତାବ୍ଦୀନଗର ବ୍ୟାଙ୍କ କଲୋନୀରେ ଡ୍ରେନ ପାଣିରେ ଛାତ୍ର ଭାସିଯିବା ଘଟଣା । ନିଖୋଜ ଜ୍ୟୋତିର୍ମୟ ବେହେରାଙ୍କ ଘରେ କାନ୍ଦ ବୋବାଳି । ପୁଅ ନିଖୋଜ ହୋଇଯିବା ପରେ କାନ୍ଦୁଛନ୍ତି ବାପାମାଆ । ମାଆ ପୁଅ ପାଇଁ କାନ୍ଦୁଥିବା ବେଳେ ବାପା ଅବାକ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୌଣସି କାମରୁ ଫେରି ଘରେ ଯେତେବେଳେ ପୁଅକୁ ଖୋଜିଥିଲେ ଜାଣିବାକୁ ପାଇଥିଲେ ଯେ ଟ୍ୟୁସନ ସାରଙ୍କ ପାଖକୁ ଯାଇଛି । ପୁଅକୁ ଅପେକ୍ଷା କରି ବାପା ଖାଉଥିବା ହଠାତ ଜଣେ ଯୁବକ ଆସି ଖବର ଦେଲେ ତମ ପୁଅ ଭାସିଗଲା ବୋଲି… ବାସ୍ ତାପରେ ଘରେ ଖେଳିଯାଇଛି ଲୁହର ବାତାବରଣ ।
ସେପଟେ ମାଆକୁ ୫ ମିନିଟରେ ଫେରିବ କହି ଫେରି ନଥିବାରୁ ଜ୍ୟୋତି ପାଇଁ ମୁଣ୍ଡ ପିଟି କାନ୍ଦୁଛି ମାଆ । ପୂରା ପରିବାର ଏବଂ ପଡୋଶୀ ଏ ଘଟଣାରେ ସ୍ତବ୍ଧ ହୋଇଥିବା ବେଳେ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି । ବିଏମସିର ଅବହେଳା ପାଇଁ ଏଭଳି ଅଘଟଣ ହୋଇଥିବା ଅଭିଯୋଗ କରି ସ୍ମାର୍ଟ ସିଟିର ସାଙ୍ଘାତି ଡ୍ରେନ ବ୍ୟବସ୍ଥା ଉପରେ ଆଙ୍ଗୁଠି ଉଠାଇଛନ୍ତି । ବିଧାୟକ ସୁର ରାଉତରାୟ ମଧ୍ୟ ବିଏମସିକୁ ଦାୟୀ କରି ଧାରଣା ଦେଇଥିଲେ । ଏବେ ପିଲାକୁ ଖୋଜିବାକୁ ଜୋରଦାର ଚାଲିଛି ଅପରେସନ ।