ସହିଦ ସ୍ୱାମୀଙ୍କ ସାହସୀ ସ୍ତ୍ରୀ । ସ୍ୱାମୀଙ୍କ ଶେଷ ଇଛା ପୂରଣ କରିବାକୁ ସେନାରେ ହେଲେ ସାମିଲ, ଏବେ ଶତ୍ରୁଙ୍କୁ କରିବେ ସଂହାର ।
କନକ ବ୍ୟୁରୋ: ଦେଶପାଇଁ ବଳିଦାନ, ମାଟି ମା’ ପାଇଁ ହସି ହସି ମୃତ୍ୟୁକୁ ବି ଅନେକ ବୀରପୁଅ ଆପଣାଇ ନିଅନ୍ତି । ହେଲେ ଜଣେ ସହିଦଙ୍କ ସ୍ତ୍ରୀ କେବଳ ସ୍ୱାମୀଙ୍କ ଶେଷ ଇଚ୍ଛା ପୂରଣ କରିବାକୁ ସେନାରେ ସାମିଲ ହୋଇଛନ୍ତି । ଦୁଇଟି ପିଲାର ମା’ ହେଲେ ଦେଶମାତୃକା ସେବା କରିବାକୁ ସାଜିଛନ୍ତି ସିଂହବାହିନୀ । ଶତ୍ରୁଙ୍କ ସଂହାର କରିବାକୁ ସେନାରେ ସାମିଲେ ହୋଇଥିବା ଏହି ସାହସୀ ମହିଳାଙ୍କ ବିଷୟରେ ଜାଣିଲେ, ଆପଣଙ୍କ ମୁଣ୍ଡ ନଇଁଯିବ, ହାତ ସାଲ୍ୟୁଟ୍ ମାରିବାକୁ ଉଠିବ ନିଶ୍ଚୟ ।
Kanak News is now on WhatsApp
Join and get latest news updates delivered to you via WhatsApp
ସହିଦ ନାଏକ ଦୀପକ ନୈନବାଲଙ୍କ ପତ୍ନୀ ଜ୍ୟୋତି ନୈନବାଲ । ୪ର୍ଥ ପ୍ରୟାସରେ ଏସଏସସି ପରୀକ୍ଷାକୁ ପାସ୍ କରିଥିଲେ । ଏହାପରେ ବର୍ଷେ ଧରି ଚେନ୍ନାଇର ଅଫିସର୍ସ ଟ୍ରେନିଂ ଏକାଡେମୀରେ ପ୍ରଶିକ୍ଷଣ ନେଇ ସାରି ସେନାରେ ବିଧିବଦ୍ଧ ଭାବେ ସାମିଲ ହୋଇଛନ୍ତି ଜ୍ୟୋତି ନୈନବାଲ । ହେଲେ ଜ୍ୟୋତିଙ୍କ ପାଇଁ ସହଜ ନଥିଲା ସେନାର ସ୍ୱପ୍ନ । ଲଗାତାର ୪ର୍ଥ ପ୍ରୟାସରେ ଏସଏସସି ପରୀକ୍ଷା ପାସ୍ କରି ଆର୍ମି ଅଫିସର ବନିଯାଇଛନ୍ତି ବୀର ସହିଦଙ୍କ ସାହସୀ ସ୍ତ୍ରୀ । ଆଉ କହିଛନ୍ତି ଦେଶମାତୃକା ପାଇଁ ମୋ ସ୍ୱାମୀ ବଳିଦାନ ଦେଇଛନ୍ତି ଯାହା ଆମକୁ ପ୍ରେରଣା ଦେଇଛି । ସେହି ବୀର ସାହସକୁ ସାଥିରେ ଧରି ଏବେଠୁ ଦେଶସେବାରେ ନିଜକୁ ଉତ୍ସର୍ଗ କରିଛି ।
Tamil Nadu | 178 cadets – 124 men, 29 women 25 foreign nations passed out of the Officers Training Academy in Chennai, earlier today. Jyoti Nainwal, the wife of Naik Deepak Nainwal, was also commissioned in the Indian Army
Naik Nainwal had died in an operation in J&K, in 2018. pic.twitter.com/BCItwlgW15
— ANI (@ANI) November 20, 2021
ଡେରାଡୁନ ହରୱାଲର ସହିଦ ନାଏକ ଦୀପକ ନୈନବାଲ ୨୦୧୮ ଜମ୍ମୁ-କଶ୍ମୀରରେ ଆତଙ୍କୀଙ୍କୁ କଡ଼ା ଜବାବ୍ ଦେଇଥିଲେ । ଛାତିରେ, ଗୋଡ଼ରେ ୩ଟି ଗୁଳି ଖାଇ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଥିଲେ । ପରେ ଏକମାସ ଧରି ଚିକିତ୍ସାଧିନ ଅବସ୍ଥାରେ ମୃତ୍ୟୁବରଣ କରିଥିଲେ ଦେଶର ବୀରପୁଅ ଦୀପକ । ତ୍ରିରଙ୍ଗାରେ ଲୋଟି ହୋଇ ଘରକୁ ଆସିଥିବା ସହିଦ ସ୍ୱାମୀର ମରଶରୀରକୁ ଦେଖି ଆଖିରୁ ଲୁହ ଝରିଥିଲା କିନ୍ତୁ ନା ଭାଙ୍ଗିଲା ସାହସ ନା କମିଲା ଦେଶପ୍ରତି ଥିବା ସେ ଭଲପାଇବା । ଓଲଟି ଯନ୍ତ୍ରଣାକୁ ଭୁଲି ନୂଆ ଏକ ସାହସଭରା କାହାଣୀ ଲେଖିବାକୁ ଆତ୍ମବଳ ବଢ଼ାଇଛନ୍ତି ସହିଦଙ୍କ ସାହସୀ ସ୍ତ୍ରୀ । କାରଣ ସୀମାରେ ସୁରକ୍ଷା ଦେଉଥିବା ହିରୋଙ୍କ ଶକ୍ତି ହେଉଛି ତା’ ପରିବାର ଆଉ ଏ ସାରା ଭାରତ ।
ତେବେ ଜ୍ୟୋତି ଆର୍ମି ଅଫିସର ବନିବା ପରେ ତାଙ୍କ ଶ୍ୱଶୁର କହିଛନ୍ତି କି, ମୋ ବୋହୂ ଭୋର ସାଢ଼େ ୩ଟାରୁ ଉଠି ଦୌଡ଼ିବାକୁ ଯାଏ । କାରଣ ଆମ ଦୁଇ ଦୁଇଟି ପିଲାର ମା’ ସେନାରେ ଭର୍ତ୍ତି ହେବାର ସ୍ୱପ୍ନକୁ ସାକାର କରିବା ଏତେ ସହଜ ନଥିଲା । ସବୁ ବାଧାବିଘ୍ନକୁ ମାତ୍ ଦେଇ ଏବେ ଦେଶସେବା କରିବାକୁ ମୋ ବୋହୂ ଶପଥ କରିଛି । ସତରେ ସାହସୀ ଜ୍ୟୋତିଙ୍କ ଆଜିର ମହିଳାମାନଙ୍କ ପାଇଁ ପ୍ରେରଣା । ଦେଶକୁ ସୁରକ୍ଷା ଦେଉ ଦେଉ ସ୍ୱାମୀ ସହିଦ ହୋଇଗଲେ ସତ କିନ୍ତୁ ସେ ଦୁଃଖ ଆଉ ଲୁହରେ ଛାତିକୁ ଲୁହା କରିଦେଇଛନ୍ତି ଜ୍ୟୋତି । ଏଥର ଏ ଜ୍ୟୋତି ଜଳିବ, ଆତଙ୍କୀଙ୍କ ପାଇଁ ଆତଙ୍କ ପାଲଟିବ, ଶତ୍ରୁଙ୍କୁ ଦେଖିଲେ ସଂହାର ବି କରିବ ।