ଦେଶର ନୂଆ ପ୍ରଧାନ ବିଚାରପତି ହେବେ ଜଷ୍ଟିସ ଏନ.ଭି.ରମଣା : ଉତ୍ତରାଧିକାରୀ ଭାବେ ନାଁ ସୁପାରିଶ କଲେ ବର୍ତ୍ତମାନର ପ୍ରଧାନ ବିଚାରପତି
ଏପ୍ରିଲ ୨୩ରେ ଅବସର ନେଉଛନ୍ତି ଏସ.ଏ.ବୋବଡେ
କନକ ବ୍ୟୁରୋ : ଜଷ୍ଟିସ ଏନ ଭି ରମଣା ଦେଶର ପରବର୍ତ୍ତୀ ପ୍ରଧାନ ବିଚାରପତି ହେବେ । ଆସନ୍ତା ଅପ୍ରିଲ ୨୩ ତାରିଖରେ ପ୍ରଧାନ ବିଚାରପତି ଏସ ଏ ବୋବଡେ ଅବସର ନେଉଥିବାରୁ ଏହା ପୂର୍ବରୁ ସେ ତାଙ୍କ ଉତ୍ତରାଧିକାରୀ ଭାବେ ଜଷ୍ଟିସ ଏନ ଭି ରମଣାଙ୍କ ନାମ ସୁପାରିଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ପ୍ରଧାନ ବିଚାରପତି ବୋବଡେଙ୍କୁ ଚିଠି ଲେଖି ଉତରାଧିକାରୀଙ୍କ ନାମ ସୁପାରିଶ କରିବା ପାଇଁ କହିଥିଲେ । ସରକାରଙ୍କ ପାଖକୁ ସୁପାରିଶ ପତ୍ର ପଠାଇବା ପୂର୍ବରୁ ପ୍ରଧାନ ବିଚାରପତି ବୋବଡେ, ଜଷ୍ଟିସ ଏନଭି ରମଣାଙ୍କ ବିରୋଧରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀଙ୍କ ଦ୍ୱାରା କରାଯାଇଥିବା ଅଭିଯୋଗକୁ ଖାରଜ କରିଦେଇଛନ୍ତି । ବୋବଡେଙ୍କ ପରେ ଜଷ୍ଟିସ ଏନଭି ରମଣା ହେଉଛନ୍ତି ସୁପ୍ରିମକୋର୍ଟର ବରିଷ୍ଠତମ ବିଚାରପତି ।
ସେ ସୁପ୍ରିମକୋର୍ଟର ୪୮ତମ ପ୍ରଧାନ ବିଚରାପତି ହେବେ ଏବଂ ଏପ୍ରିଲ ୨୪ରେ କାର୍ଯ୍ୟଭାର ଗ୍ରହଣ କରିବେ । ୧୯୫୭ ଅଗଷ୍ଟ ୨୭ରେ ଆନ୍ଧ୍ରପ୍ରଦେଶରେ ଜନ୍ମ ନେଇଥିବା ଜଷ୍ଟିସ ରମଣାଙ୍କ କାର୍ଯ୍ୟକାଳ ୨୦୨୨ ଅଗଷ୍ଟ ୨୬ରେ ଶେଷ ହେବ । ବୋବଡେ ୨୦୧୯ ନଭେମ୍ବରରେ ଦେଶର ୪୭ ତମ ପ୍ରଧାନ ବିଚାରପତି ଭାବେ ଶପଥ ଗ୍ରହଣ କରିଥିଲେ ।