ଓଡିଶାର ଲୋକାୟୁକ୍ତ ଅଧ୍ୟକ୍ଷ ନିଯୁକ୍ତ । ପ୍ରଥମ ଲୋକାୟୁକ୍ତ ଅଧ୍ୟକ୍ଷ ଭାବେ ଗୌହାଟି ହାଇକୋର୍ଟର ପୂର୍ବତନ ମୁଖ୍ୟ ବିଚାରପତିଙ୍କୁ ମିଳିଲା ନିଯୁକ୍ତି ।
କନକ ବ୍ୟୁରୋ : ଓଡିଶାର ପ୍ରଥମ ଲୋକାୟୁକ୍ତ ଅଧ୍ୟକ୍ଷ ଭାବେ ନିଯୁକ୍ତ ହୋଇଛନ୍ତି ଜଷ୍ଟିସ ଅଜିତ ସିଂ । ରାଜ୍ୟପାଳ ଲୋକାୟୁକ୍ତ ନିଯୁକ୍ତି ଉପରେ ମୋହର ମାରିବା ପରେ ଜଷ୍ଟିସ ଅଜିତ ସିଂଙ୍କୁ ଅଧ୍ୟକ୍ଷ ଭାବେ ମିଳିଛି ନିଯୁକ୍ତି । ଏହା ସହିତ ଓଡିଶାରେ ଲୋକାୟୁକ୍ତ ନେଇ ଦୀର୍ଘ ଦିନରୁ ଲାଗି ରହିଥିବା ଚର୍ଚ୍ଚାର ଅବସାନ ହୋଇଛି । ଓଡିଶା ଲୋକାୟୁକ୍ତ ଆଇନ ୨୦୧୫ କାର୍ଯ୍ୟକ୍ଷମ ହେବା ପରେ ପ୍ରଥମ ଲୋକାୟୁକ୍ତ ଭାବେ ଜଷ୍ଟିସ ଅଜିତ ସିଂଙ୍କୁ ଲୋକାୟୁକ୍ତ ଅଧ୍ୟକ୍ଷ ନିଯୁକ୍ତି ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଲୋକାୟୁକ୍ତ ଚୟନ କମିଟି ଜଷ୍ଟିସ ଅଜିତ ସିଂଙ୍କ ନାମକୁ ରାଜ୍ୟପାଳଙ୍କ ଗଣେଶୀ ଲାଲଙ୍କ ନିକଟକୁ ସୁପାରିଶ କରିବା ପରେ, ରାଜ୍ୟପାଳ ଏହାକୁ ଅନୁମୋଦନ ଦେଇଥିଲେ । ଗୌହାଟି ହାଇକୋର୍ଟ ପୂର୍ବତନ ମୁଖ୍ୟ ବିଚାରପତି ଥିଲେ ଜଷ୍ଟିସ ଅଜିତ ସିଂ । ସେହିପରି ମଧ୍ୟପ୍ରଦେଶ ହାଇକୋର୍ଟର ଅତିରିକ୍ତ ମୁଖ୍ୟ ବିଚାରପତି ଦାୟିତ୍ୱ ମଧ୍ୟ ସେ ତୁଲାଇଥିଲେ ।