କେବଳ କରୋନା ରୋଗୀଙ୍କ ଖୁସି ପାଇଁ…ରୋଗୀଙ୍କୁ ମାନସିକ ଭାବେ ସୁସ୍ଥ ରଖିବାକୁ ନିଆରା ପ୍ରୟାସ ।
କନକ ବ୍ୟୁରୋ: ନୟାଗଡ଼ ଅଞ୍ଚଳର ଜଣେ କୋଭିଡ ରୋଗୀ ଗତ ୮ ଦିନ ହେଲା ଖଣ୍ଡପଡା କୋଭିଡ କେୟାର ସେଣ୍ଟରରେ ଚିକିତ୍ସାଧୀନ ଥିବା ବେଳେ ଧୀରେ ଧୀରେ ସୁସ୍ଥ ହେଉଥିଲେ । ଆଜି ତାଙ୍କର ଜନ୍ମଦିନ ଥିବାରୁ ମନଦୁଃଖରେ ବସିଥିଲେ । ଏ କଥା ଜାଣିପାରି ହସ୍ପିଟାଲ କର୍ମଚାରୀ ଡାକ୍ତରଖାନା ପରିସରରେ କେକ କାଟି ସଂପୃକ୍ତ ରୋଗୀଙ୍କ ଜନ୍ମ ଦିନ ପାଳନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଡାକ୍ତରଖାନା ପରିସରରେ ଆଜି କୋଭିଡ଼ ଯୋଦ୍ଧାମାନେ ବୃକ୍ଷରୋପଣ କରିଥିଲାବେଳେ ନିଜେ କଲେକ୍ଟର ଗଛ ଲଗାଇବାରେ ସାମିଲ ହୋଇ ସେମାନଙ୍କୁ ଉତ୍ସାହିତ କରିଥିଲେ । ସମାନ ଦିନରେ ଖଣ୍ଡପଡା କୋଭିଡ କେୟାର ସେଣ୍ଟରର ଆଉ ଗୋଟିଏ ଦୃଶ୍ୟ ସମସ୍ତଙ୍କୁ ଭାବ ବିହ୍ଵଳ କରିଥିଲା । ସୁସ୍ଥ ହୋଇ ଘରକୁ ଫେରିବାବେଳେ ମେଡିକାଲ କର୍ମଚାରୀଙ୍କ ସେବା ସମ୍ବନ୍ଧରେ ମତବ୍ୟକ୍ତ କରି କାନ୍ଦିପକାଇଥିଲେ ୨ ଜଣ । ନୟାଗଡ଼ ଅଂଚଳର ଜଣେ ରୋଗୀ ସେବାର ମାନ ନେଇ ସନ୍ତୋଷ ବ୍ୟକ୍ତ କରିଥିବା ବେଳେ ଦଶପଲ୍ଲା ଅଂଚଳର ଜଣେ ସାମ୍ବାଦିକ କୃତଜ୍ଞତା ଜଣାଇ କାନ୍ଦିପକାଇଥିଲେ ।