ନିବେଶ ପାଇଁ ନବୀନଙ୍କୁ କଥା ଦେଲେ ସଜ୍ଜନ ଜିନ୍ଦଲ: ୧୦ ବର୍ଷରେ ଲକ୍ଷେ କୋଟି ନିବେଶ; ଆଇଆଇଏମ୍ ସମ୍ବଲପୁର ସହ ମିଶି ହେବ ସେଂଟର ଫର୍ ଡେଭଲପମେଂଟ ଷ୍ଟଡିଜ୍
କୋଇଡ଼ାରେ ହେବ ଡାକ୍ତରଖାନା ଓ ସ୍କୁଲ
କନକ ବ୍ୟୁରୋ: ଓଡ଼ିଶାରେ ଏକ ଲକ୍ଷ କୋଟି ଟଙ୍କା ନିବେଶ କରିବ ଜେଏସଡବ୍ଲୁ ଷ୍ଟିଲ୍ । ଆସନ୍ତା ୧୦ ବର୍ଷ ମଧ୍ୟରେ ଏହି ନିବେଶ କରିବ କଂପାନୀ । ଆଜି ଭିଡିଓ କନଫରେନ୍ସିଂ ଜରିଆରେ ଅନୁଷ୍ଠିତ ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଏ ନେଇ ଆଲୋଚନା କରିଛନ୍ତି ଜେଏସଡବ୍ଲୁ ଷ୍ଟିଲ୍ର ଅଧ୍ୟକ୍ଷ ସଜ୍ଜନ ଜିନ୍ଦଲ ।
Kanak News is now on WhatsApp
Join and get latest news updates delivered to you via WhatsApp
ଜଗତସିଂହପୁର ଜିଲ୍ଲାରେ ୧୨ ମିଲିୟନ ଟନ୍ କ୍ଷମତା ବିଶିଷ୍ଟ ଏକ ସମନ୍ୱିତ ଷ୍ଟିଲ ପ୍ଲାଂଟ ତିଆରି କରିବ ବୋଲି କହିଛନ୍ତି ସଜ୍ଜନ ଜିନ୍ଦଲ । ଏହାଛଡ଼ା ସମ୍ବଲପୁର ଆଇଆଇଏମରେ ଜେଏସଡବ୍ଲୁ ସେଂଟର ଫର ଡେଭେଲପମେଂଟ ଷ୍ଟଡିଜ୍ ଆରମ୍ଭ କରାଯିବ । ଏପଟେ ମୁଖ୍ୟମନ୍ତ୍ରୀ କହିଛନ୍ତି, ଜେଏସଡବ୍ଲୁ ଷ୍ଟିଲ ର ପ୍ରକଳ୍ପକୁ ତ୍ୱରାନ୍ୱିତ କରିବା ପାଇଁ ରାଜ୍ୟସରକାର ସମସ୍ତପ୍ରକାର ପଦକ୍ଷେପ ନେବେ । ବିଶେଷ କରି ଜଗତସିଂହପୁର ପ୍ରକଳ୍ପକୁ ସ୍ୱତନ୍ତ୍ର ଧ୍ୟାନ ଦିଆଯିବ । ରାଜସ୍ୱ ବୃଦ୍ଧି ସହ ରୋଜଗାର ସୁଯୋଗ ସୃଷ୍ଟି କରିବା ଉପରେ ଗୁରୁତ୍ୱ ଆରୋପ କରିଛନ୍ତି ନବୀନ ।