ମୋଦିଙ୍କ ଜୀବନର କିଛି ଅଜଣା କଥା ! କେମିତି ହୋଇଥିଲେ ମୁଖ୍ୟମନ୍ତ୍ରୀରୁ ପ୍ରଧାନମନ୍ତ୍ରୀ ଜାଣନ୍ତୁ ।
ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦର ଦାସ ମୋଦିଙ୍କର ଜନ୍ମ ୧୯୫୦ ମସିହା ସେପ୍ଟେମ୍ବର ୧୭ ତାରିଖରେ ଗୁଜୁରାଟର ବଡନଗରଠାରେ ହୋଇଥିଲା । ଆଜି ହେଉଛି ତାଙ୍କର ୬୮ ତମ ଜନ୍ମଦିନ । ବାଲ୍ୟକାଳରୁ କିଛି ଅଲଗା କରିବା ସ୍ୱପ୍ନ ଦେଖୁଥିବା ମୋଦି ବାପାଙ୍କ ସହ ଷ୍ଟେସନରେ ଚା’ ବିକ୍ରିକରିବା ସହ ଯୁବାବସ୍ଥାରେ ହିମାଳୟର ସବୁଜିମାରେ ସ୍ୱୟଂକୁ ଖୋଜିବାକୁ ଚେଷ୍ଟା କରିଥିଲେ । ସେତେବେଳେ ସେ ମାତ୍ର ୧୭ ବର୍ଷ ବୟସର ଥିଲେ । ଏହାପରେ ସେ ରାଷ୍ଟ୍ରୀୟ ସ୍ୱୟଂସେବକ ସଂଘ ସହ ଯୋଗ ଦେଇ ଦେଶସେବାରେ ନିଜକୁ ନିୟୋଜିତ କରିଥିଲେ । ସେମିତିରେ ପ୍ରଧାନମନ୍ତ୍ରୀଙ୍କ ଜୀବନ ଦେଶସେବା ପ୍ରତି ସମର୍ପିତ ରହିଛି କିନ୍ତୁ ମୋଦିଙ୍କ ବିଷୟରେ ଏଭଳି ଅନେକ କଥା ଅଛି ଯାହା ବିଷୟରେ ଆପଣ ଅନଭିଜ୍ଞ ଥିବେ । ତେବେ ଆମେ ଆଜି ଆପଣଙ୍କୁ ମୋଦିଙ୍କ ବିଷୟରେ ଏଭଳି ଅନେକ କଥା କହିବାକୁ ଯାଉଛୁ ଯାହାକୁ ପଢି ଆପଣ ପ୍ରଧାନମନ୍ତ୍ରୀଙ୍କୁ ଆହୁରି ପାଖରୁ ଜାଣିପାରିବେ ।
Kanak News is now on WhatsApp
Join and get latest news updates delivered to you via WhatsApp
୧୯୭୫ ମସିହାରେ ହୋଇଥିବା ‘ଜରୁରୀ କାଳୀନ ପରିସ୍ଥିତି’ରେ ପ୍ରଥମେ ରାଜନୈତିକ ମଇଦାନରେ ପାଦ ଥାପିଥିବା ମୋଦିଙ୍କୁ ଗୁଜୁରାଟର ମହାସଚିବ ପଦବୀରେ ନିଯୁକ୍ତି ଦିଆଗଲା । ୨୦୦୧ ରୁ ୨୦୧୪ ପର୍ଯ୍ୟନ୍ତ ମୋଦି ଗୁଜୁରାଟର ମୁଖ୍ୟମନ୍ତ୍ରୀ ପଦବୀରେ ଅଭିଷିକ୍ତ ହୋଇଥିଲେ ଏବଂ ୨୦୧୪ ମସିହାରେ ସେ ବାରାଣାସୀରୁ ସାଂସଦ ହୋଇଥିଲେ । ଲୋକସଭା ନିର୍ବାଚନରେ ପୁଣିଥରେ ବହୁମତ ଭୋଟରେ ଜିତି ସେ ଦେଶର ପ୍ରଧାନମନ୍ତ୍ରୀ ହେବା ସହ ଯୁବଗୋଷ୍ଠୀଙ୍କ ପାଇଁ “ଷ୍ଟାଇଲ୍ ଆଇକନ୍” ହୋଇଥିଲେ । ଅନ୍ୟପକ୍ଷରେ ରାଷ୍ଟ୍ରୀୟ ଏବଂ ଅନ୍ତଃରାଷ୍ଟ୍ରୀୟ ସ୍ତରରେ ହିନ୍ଦୁ ରାଷ୍ଟ୍ରବାଦର ଧାରଣା ଏବଂ ୨୦୦୨ରେ ହୋଇଥିବା ଗୁଜୁରାଟର ଦଙ୍ଗାରେ ତାଙ୍କ ଭୂମିକାକୁ ନେଇ ବିବାଦ ଘେରିଥିବା ସତ୍ତେ୍ୱ ତାଙ୍କୁ ସମସ୍ତେ ଖୁବ୍ ପ୍ରଶଂସା କରୁଥିଲେ । ସର୍ବାଧିକ ଯୁବକ ଏବଂ କିଶୋରଙ୍କ ମଧ୍ୟରେ ତାଙ୍କର କ୍ରେଜ୍ ରହିଥିଲା । ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ୍ ନେହେରୁ ଏବଂ ସ୍ୱର୍ଗୀୟ ରାଜୀବ ଗାନ୍ଧିଙ୍କ ପରେ ଦେଶର ସବୁଠାରୁ ଷ୍ଟାଇଲିସ୍ ଏବଂ ସ୍ମାର୍ଟ ପିଏମ୍ ହେଉଛନ୍ତି ନରେନ୍ଦ୍ର ମୋଦି ।
ତେବେ ସୋସିଆଲ୍ ମିଡିଆର ପ୍ରଘଟ ହେବା ପରେ ଲୋକଙ୍କୁ ପିଏମଙ୍କର ଟିକିନିଖି ଖବର ଉପରେ ନଜର ରହୁଛି । ସ୍ୱାଧିନତା ଦିବସରେ ପିଏମ୍ କେଉଁ ରଙ୍ଗର କୁରତା ପିନ୍ଧିବେ,ମୁଣ୍ଡରେ ପଗଡି ହେବ କି ନାହିଁ,ସଦାବେଳେ ଫିଟଫାଟ୍ ଦେଖାଯାଉଥିବା ମୋଦି କ’ଣ ଖାଆନ୍ତି… ଆଦି ଜାଣିବାକୁ ଲୋକମାନଙ୍କ ମଧ୍ୟରେ ଉତ୍କଣ୍ଠା ଜାତ ହୋଇଥାଏ । ନିଜକୁ ସବୁବେଳେ ଆକ୍ଟିଭ ରଖିବା ପାଇଁ ମୋଦି ପ୍ରତିଦିନ ଯୋଗ ସହ ବ୍ୟାୟାମ କରିଥାନ୍ତି । କମ୍ ବୟସରୁ ହିଁ ପ୍ରକୃତିର ଦାସ ପାଲଟିଥିବା ମୋଦି ପ୍ରକୃତିକୁ ଖୁବ୍ ଭଲ ପାଆନ୍ତି । ତାଙ୍କ ପାଖରେ ଏତେ ସମୟ ନଥିଲା ଯେ ସେ କୌଣସି ସିନେମା ଦେଖିପାରିବେ । କିନ୍ତୁ ଯେତେବେଳେ ବି ଖାଲି ସମୟ ମିଳିଲା ସେ ସିନେମା ଦେଖିବାକୁ ପସନ୍ଦ କରନ୍ତି ଏବଂ ସିନେମାରେ ଥିବା ଭଲ ଦିଗକୁ ଦେଖିଥାନ୍ତି ।