ଭାରତୀୟ ବଂଶୋଦ୍ଭବ ସାମ୍ବାଦିକା ମେଘା ରାଜଗୋପାଲନଙ୍କୁ ପୁଲିଜର ପୁରସ୍କାର । ଚୀନ୍ ବନ୍ଦୀ କେନ୍ଦ୍ର ଗୁଡ଼ିକରେ ମୁସଲିମଙ୍କୁ ଅଟକ ରଖାଯିବା ଉପରେ କରିଥିଲେ ଅନୁସନ୍ଧାନ ମୂଳକ ରିପୋର୍ଟିଂ
କନକ ବ୍ୟୁରୋ: ଭାରତୀୟ ବଂଶୋଦ୍ଭବ ସାମ୍ବାଦିକା ମେଘା ରାଜଗୋପାଲନଙ୍କୁ ମିଳିଛି ସମ୍ମାନଜନକ ପୁଲିଜର୍ ପୁରସ୍କାର । ଅନୁସନ୍ଧାନ ମୂଳକ ସାମ୍ବାଦିକତା କରି ମେଘା ଏହି ସମ୍ମାନ ପାଇଛନ୍ତି । ଚୀନ ସରକାର ହଜାର ହଜାର ମୁସଲମାନଙ୍କୁ ନଜରବନ୍ଦୀ କରି ରଖିବା ଉପରେ ଅନୁସନ୍ଧାନ ମୂଳକ ସାମ୍ବାଦିକତା କରିଥିଲେ ମେଘା । ଏହି ବିଷୟ ଉପରେ ରିପୋର୍ଟିଂ କରିବା ନେଇ ଜାଣିବା ପରେ ଚୀନ ସରକାର ମେଘାଙ୍କ ଭିସା ରଦ୍ଦ କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ତାଙ୍କୁ ଦେଶରୁ ବାହାର ମଧ୍ୟ କରିଦେଇଥିଲେ ଚୀନ୍ ସରକାର । ଚୀନ ସରକାର ଅନେକଙ୍କୁ ନଜରବନ୍ଦୀ ରଖିବା କଥାକୁ ମଧ୍ୟ ମାନି ନଥିଲା । ପରେ ମେଘ । ଲଣ୍ଡନରେ ରହି ଚୀନର ସେହି ମୁସଲମାନ ଶୀବିର ଗୁଡିକ ଉପରେ ରିପୋର୍ଟିଂ କରିବା ଜାରି ରଖିଥିଲେ । ଏଥିରେ ତାଙ୍କୁ ୨ ଜଣ ସହଯୋଗୀ ସାହାଯ୍ୟ କରିଥିଲେ । ମେଘାଙ୍କ ଏହି ଅନୁସନ୍ଧାନମୂଳକ ସାମ୍ବାଦିକତା ପାଇଁ ସେ ପୁଲିଜର୍ ସମ୍ମାନ ହାତେଇଛନ୍ତି ।