କନକ ବ୍ୟୁରୋ: ରାଜ୍ୟରେ ବିଧାନସଭା ନିର୍ବାଚନ ନେଇ ରାଜ୍ୟ ରାଜନୀତି ସରଗରମ ହୋଇଛି । ନିର୍ବାଚନ ପୂର୍ବରୁ ନେତାମାନଙ୍କର ଦଳ ଡିଆଁ ବି ଚାଲିଛି । ଅନେକ ନେତା ବିଜେଡି ଛାଡି ବିଜେପିରେ ସାମିଲ ହୋଇଥିଲା ବେଳେ ବିଜେପି ନେତା ବି ଦଳ ଛାଡି ବିଜେଡିରେ ସାମିଲ ହୋଇଛନ୍ତି । ହେଲେ ସବୁଠାରୁ ବଡ କଥା ହେଉଛି ଗତ କିଛିଦିନ ହେବ ଅଧିକ ନେତା ବିଜେଡି ଛାଡି ବିଜେପିରେ ସାମିଲ ହୋଇଥିଲେ । ଯେଉଁମାନଙ୍କୁ ଭରସା କରିଛି ବିଜେପି । ଆଉ ବିଧାନସଭା ନିର୍ବାଚନ ପାଇଁ ଟିକେଟ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସେହି ନେତାମାନଙ୍କ ମଧ୍ୟରେ ରହିଛନ୍ତି ଅରବିନ୍ଦ ଢାଲି, ଆକାଶ ଦାସନାୟକ, ରାଜେନ୍ଦ୍ର ଦାସ, ସିଦ୍ଧାନ୍ତ ମହାପାତ୍ର, ପ୍ରିୟଦର୍ଶୀ ମିଶ୍ର, ପୂର୍ଣ୍ଣଚନ୍ଦ୍ର ସେଠୀ, ରଘୁରାମ ମାଛ ଓ ତ୍ରିନାଥ ଗମାଙ୍ଗ । ବିଜେଡିରେ କିଏ ବିଧାୟକ, କିଏ ସାଂସଦ ରହିଥିବା ଏହି ପ୍ରାର୍ଥୀମାନେ ଦଳଠାରୁ ଅସନ୍ତୁଷ୍ଟ ହୋଇ ଦଳ ଛାଡିଥିଲେ । ଆଉ ସମସ୍ତେ ବିଜେପିରେ ମିଶିଥିଲେ । ତେବେ ବିଜେପି ତାଙ୍କୁ ଭରସା କରି ଟିକେଟ ପ୍ରଦାନ କରିଛି । ଦେଖିବା ବାକି ରହିଲା ଏମାନେ ବିଜେପିର ବିଶ୍ୱାସ ଜିତିବାରେ କେତେ ସଫଳ ହେଉଛନ୍ତି ।
ବିଜେଡିରୁ ଆସିଥିବା ୮ ନେତାଙ୍କୁ ବିଜେପି ଟିକେଟ
ଅରବିନ୍ଦ ଢ଼ାଲି – ଜୟଦେବ
ଆକାଶ ଦାସ ନାୟକ – କୋରେଇ
ରାଜେନ୍ଦ୍ର ଦାସ – ସୋର
ସିଦ୍ଧାନ୍ତ ମହାପାତ୍ର – ଦିଗପହଣ୍ଡି
ପ୍ରିୟଦର୍ଶୀ ମିଶ୍ର – ଉତ୍ତର ଭୁବନେଶ୍ଵର
ପୂର୍ଣ୍ଣଚନ୍ଦ୍ର ସେଠୀ – ଖଲ୍ଲିକୋଟ
ରଘୁରାମ ମାଛ – କୋରାପୁଟ
ତ୍ରିନାଥ ଗମାଙ୍ଗ – ଗୁଣୁପୁର