ବିହାରରେ ବିଜେପିର ଘୋଷଣା ପରି ଆମେରିକାରେ ଡ଼େମୋକ୍ରାଟ୍ ପ୍ରାର୍ଥାଙ୍କ ନିର୍ବାଚନୀ ପ୍ରତିଶ୍ରୁତି । ଜୋ-ବାଇଡ଼େନ୍ କହିଲେ ରାଷ୍ଟ୍ରପତି ଭାବେ ନିର୍ବାଚିତ ହେଲେ ସମସ୍ତ ଆମେରିକାବାସୀଙ୍କୁ ମିଳିବ ମାଗଣା କରୋନା ଟୀକା ।
କନକ ବ୍ୟୁରୋ : ବିହାରରେ ବିଜେପିର ଘୋଷଣା ପତ୍ରକୁ ନେଇ ଚାରିଆଡ଼ୁ ହୋଇଥିଲା ସମାଲୋଚନା । କାରଣ ବିଜେପି କ୍ଷମତାକୁ ଆସିଲେ ବିହାରବାସୀଙ୍କୁ ମାଗଣାରେ କରୋନା ଟୀକା ଯୋଗାଇଦେବାକୁ ଦେଇଥିଲା ପ୍ରତିଶ୍ରୁତି । ଚର୍ଚ୍ଚା ହେଲା ପ୍ରଥମ ଥର ପାଇଁ କୌଣସୀ ରାଜନୌତିକ ଦଳର ନିର୍ବାଚନୀ ଇସ୍ତାହାରରେ କରୋନା ଟୀକା ପ୍ରସଙ୍ଗ ସ୍ଥାନ ପାଇଛି । ହେଲେ ଏବେ ଆମେରିକାର ଡ଼େମୋକ୍ରାଟ ପ୍ରାର୍ଥୀ ସମାନ ଧରଣର ଘେଶଷଣା କରିଛନ୍ତି । ଆମେରିକା ରାଷ୍ଟ୍ରପତି ନିର୍ବାଚନରେ ପ୍ରତିଦ୍ୱନ୍ଦିତା କରୁଥିବା ଜୋ ବାଇଡ଼େନ୍ କହିଛନ୍ତି ସେ କ୍ଷମତାକୁ ଆସିଲେ ସମସ୍ତ ଆମେରିକାବସେୀଙ୍କୁ ମାଗଣାରେ ଯୋଗାଇଦେବେ କରୋନା ଟୀକା ।
Kanak News is now on WhatsApp
Join and get latest news updates delivered to you via WhatsApp
କୋଭିଡ଼ ପ୍ରସଙ୍ଗରେ ତାଙ୍କ ଦଳର ରଣନୀତି ବାବଦରେ ସୂଚନା ଦେଇ ଏହି ଘୋଷଣା କରିଛନ୍ତି ଡ଼େମୋକ୍ରାଟ୍ ପ୍ରାର୍ଥୀ ଜୋ-ବାଇଡ଼େନ୍ । ତେବେ ଜୋ-ବାଇଡ଼େନଙ୍କ ଏହି ଘୋଷଣା ପରେ ଏବେ ବିରୋଧୀମାନେ ତାଙ୍କୁ କଟାକ୍ଷ କରିଛନ୍ତି । ଆମେରିକାରେ ଏବେ ନିର୍ବାଚନ ପାଇଁ ଜୋରଦାର ପ୍ରତିଦ୍ୱନ୍ଦିତା ଲାଗି ରହିଛି ।
ତେବେ କିଛି ଦିନ ତଳେ ବିହାରରେ ମଧ୍ୟ ସମାନ ଘଟଣା ଦେଖିବାକୁ ମିଳିଥିଲା । ବିଜେପି କ୍ଷମତାକୁ ଆସିଲେ ବିହାର ଲୋକଙ୍କୁ ମାଗଣାରେ କରୋନା ଟୀକା ଦିଆଯିବ ବୋଲି ଘୋଷଣା କରାଯାଇଥିଲା । ଯାହାକୁ ନେଇ ବିରୋଧମାନେ ସମାଲୋଚନା କରିଥିଲେ ।