ଭାରତୀୟ ବଂଶୋଦ୍ଭବ ରାଶଦ ହୁସେନଙ୍କୁ ବାଇଡେନଙ୍କ ବଡ ଦାୟିତ୍ୱ । ଅନ୍ତରାଷ୍ଟ୍ରୀୟ ଧାର୍ମିକ ସ୍ୱତନ୍ତ୍ରତା ପାଇଁ ମିଳିଲା ‘ଆମ୍ବାସେଡର ଆଟ ଲାର୍ଜ’ ପଦ
କନକ ବ୍ୟୁରୋ : ଆମେରିକାର ରାଷ୍ଟ୍ରପତି ଜୋ-ବାଇଡେନ ଭାରତୀୟ ବଂଶୋଦ୍ଭବ ରାଶଦ ହୋସେନଙ୍କୁ ଅର୍ନ୍ତରାଷ୍ଟ୍ରୀୟ ଧାର୍ମିକ ସ୍ୱତନ୍ତ୍ରତା ପାଇଁ ‘ଆମ୍ବାସେଡର ଆଟ ଲାର୍ଜ’ ପଦରେ ଅବସ୍ଥାପିତ କରିଛନ୍ତି । ଏଭଳି ମହତ୍ୱପୂର୍ଣ୍ଣ ପଦ ପାଇବାରେ ହୋସେନ ହେଉଛନ୍ତି ପ୍ରଥମ ମୁସିଲିମ ଓ ଭାରତୀୟ ବଂଶୋଦ୍ଭବ । ରାଶଦ ହୋସେନ ଏବେ ରାଷ୍ଟ୍ରୀୟ ସୁରକ୍ଷା ପରିଷଦର ଭାଗିଦାରୀ ଓ ନିଯୁକ୍ତି ବିଭାଗର ନିର୍ଦ୍ଦେଶକ ଭାବେ କାର୍ଯ୍ୟ କରୁଛନ୍ତି । ସେ ‘ୟେଲ’ ବିଶ୍ୱବିଦ୍ୟାଳୟରୁ ଆଇନରେ ଡିଗ୍ରୀ ହାସଲ କରିବା ସହ ହାର୍ବାଡ ବିଶ୍ୱ ବିଦ୍ୟାଳୟରୁ ଇସଲାମିକ ଷ୍ଟଡି ଓ ଆରବୀରେ ମାଷ୍ଟର ଡିଗ୍ରୀ ବି ହାସଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହ୍ୱାଇଟ ହାଉସ ପକ୍ଷରୁ ଜାରି କରାଯାଇଥିବା ଏକ ବୟାନରେ କୁହାଯାଇଛି କି,ଆଜିର ଏଭଳି ଘୋଷଣା ଆମେରିକା ରାଷ୍ଟ୍ରପତିଙ୍କ ପ୍ରତିବଦ୍ଧତାକୁ ପ୍ରମାଣ କରିଛି । ଯେଉଁଥିରେ ସବୁ ଧର୍ମ ପ୍ରତି ଆମେରିକା ପ୍ରଶାସନ ସମାନ ଭାବନା ପରିଲକ୍ଷିତ ହୋଇଛି । ହୋସେନ ପ୍ରଥମ ମୁସଲିମ ଭାବେ ଅନ୍ତରାଷ୍ଟ୍ରୀୟ ଧାର୍ମିକ ସ୍ୱତନ୍ତ୍ରତା ପାଇଁ ‘ଆମ୍ବାସେଡର ଆଟ ଲାର୍ଜ’ ପଦରେ ଅବସ୍ଥାପିତ ହୋଇଛନ୍ତି । ଏହା ପୂର୍ବରୁ ସେ ରାଷ୍ଟ୍ରୀୟ ସୁରକ୍ଷା ପରିଷଦର ନ୍ୟାୟ ବିଭାଗରେ ବରିଷ୍ଠ ଓକିଲ ଭାବେ କାମ କରିଛନ୍ତି । ଅନ୍ୟପଟେ ଓବାମା ପ୍ରଶାସନରେ ରଶଦ ହୁସେନ ଇସଲାମିକ ସହଯୋଗ ସଂଗଠନ (ଓଆଇସି) ରେ ଆମେରିକାର ବିଶେଷ ଦୂତ ଷ୍ଟାଟେଜିକ କାଉଣ୍ଟରିଜିମ କମ୍ୟୁନିକେସନରେ ଆମେରିକାର ବିଶେଷ ଦୂତ ଓ ହ୍ୱାଇଟ ହାଉସ୍ କାଉଁସିଲରେ ଡେପୁଟି ଆସୋସିଏଟ ଭାବେ କାମ କରିଛନ୍ତି ।