ଆଫଗାନିସ୍ତାନରୁ ସେନା ପ୍ରତ୍ୟାହାର ପରେ ରାଷ୍ଟ୍ରପତି ବାଇଡେନଙ୍କ ଉପରେ ତୁଟୁଛି ନାଗରିକଙ୍କ ବିଶ୍ୱାସ, ଆପ୍ରୁଭାଲ ରେଟିଂରେ ଅଶାତୀତ ଅବନତି
କନକ ବ୍ୟୁରୋ : ଆଫଗାନିସ୍ତାନର ଆମେରିକା ସେନା ପ୍ରତ୍ୟାହାର ଓ ତାଲିବାନୀ ମାନଙ୍କ ଶାସନ ପରେ ଆମେରିକାର ରାଷ୍ଟ୍ରପତି ବାଇଡେନଙ୍କ ଉପରେ ଲୋକମାନଙ୍କର ବିଶ୍ୱାସ ତୁଟିବାରେ ଲାଗିଛି । ଆଫଗାନିସ୍ତାନରୁ ଆମେରିକା ସୈନ୍ୟ ପ୍ରତ୍ୟାହାର ନିଷ୍ପତ୍ତିକୁ ଆମେରିକା ସହ ସାରା ବିଶ୍ୱ ବିରୋଧ କରିଛି । ଏହାକୁ ନେଇ ବିଶ୍ୱ ଆଗରେ ବାଇଡେନଙ୍କ ଲୋକପ୍ରିୟତା ବା ଆପ୍ରୁଭାଲ ରେଟିଂ କମିବାରେ ଲାଗିଛି । କହିରଖୁ କି ଆମେରିକା ସେନା ପ୍ରତ୍ୟାହାର କରିବା ପରେ ଅଗଷ୍ଟ ୧୫ ତାରିଖରେ ତାଲିବାନୀମାନେ ଆଫଗାନର ରାଜଧାନୀ କାବୁଲ ଦଖଲ କରିଥିଲେ । ଏହାସହ ଅଗଷ୍ଟ ୩୧ ସୁଦ୍ଧା ଆମେରିକା ପକ୍ଷରୁ ସେଠାରେ ରହୁଥିବା ଆମେରିକୀୟ ନାଗରିକଙ୍କୁ ସ୍ୱଦେଶ ଫେରାଇ ଆଣିଥିଲା ।
Kanak News is now on WhatsApp
Join and get latest news updates delivered to you via WhatsApp
ଦୁଇଟି ଘରୋଇ ଏଜେନ୍ସି ଦ୍ୱାରା କରାଯାଇଥିବା ସର୍ଭେ ମୁତାବକ ଏବେ ବାଇଡେନଙ୍କ ଆପ୍ରୁଭାଲ ରେଟିଂ (ଅନୁମୋଦନ ମୂଲ୍ୟାଙ୍କନ) ୪୩ ପ୍ରତିଶତକୁ ଖସି ଆସିଛି । ଯାହାକି ବାଇଡେନ ରାଷ୍ଟ୍ରପତି ହେବା ପରେ ସବୁଠାରୁ ନିମ୍ନ ସ୍ତରର ଲୋକପ୍ରିୟତା । ଅନେକ ଆମେରିକୀୟ ବାଇଡେନଙ୍କ ବିଦେଶ ନୀତିକୁ ନିନ୍ଦା କରିଛନ୍ତି ।
ଅନ୍ୟପଟେ ବାଇଡେନଙ୍କ ଏଭଳି ନିଷ୍ପତ୍ତିକୁ କଡା ନିନ୍ଦା କରିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । ସେ କହିଛନ୍ତି କି ବାଇଡେନଙ୍କର ଏଭଳି ନିଷ୍ପତ୍ତି ସମୟପୋଯୋଗୀ ନୁହେଁ । ସେପଟେ ବାଇଡେନ କହିଛନ୍ତି କି ଆମେରିକୀୟ ସେନା ଓ ରାଷ୍ଟ୍ରହିତରେ ଏଭଳି ନିଷ୍ପତ୍ତି ନିଆଯାଇଛି ।
କହିରଖୁ କି ଆମେରିକାର ରାଷ୍ଟ୍ରପତି ଜୋ-ବାଇଡେନଙ୍କ ଏଭଳି ନିଷ୍ପତ୍ତିିକୁ କେବଳ ରାଜନୈତିକ ସ୍ତରରେ ବିରୋଧ କରାଯାଇ ନାହିଁ ବରଂ ଆମେରିକା ସେନାର ପୂର୍ବ ଅଧିକାରୀ ବି ବାଇଡେନଙ୍କ ଏଭଳି ନିଷ୍ପତ୍ତିକୁ ବିରୋଧ କରିଛନ୍ତି ।