ମୃତ୍ୟୁ କ’ଣ ଜାଣିବା ପାଇଁ ଆତ୍ମହତ୍ୟା କଲେ ଜେଏନୟୁ ଛାତ୍ର : ଆତ୍ମହତ୍ୟା ପୂର୍ବରୁ ପ୍ରଫେସରଙ୍କୁ ଇମେଲ କଲେ ସୁସାଇଡ୍ ନୋଟ୍
ଜବାହରଲାଲ ନେହେରୁ ବିଶ୍ୱବିଦ୍ୟାଳୟର ଜଣେ ଛାତ୍ର ଶୁକ୍ରବାର ଦିନ ଅଭିଯୋଗ କ୍ରମେ ବିଶ୍ୱବିଦ୍ୟାଳୟର ଷ୍ଟଡି ରୁମରେ ପଙ୍ଖାରେ ଝୁଲି ଆତ୍ମହତ୍ୟା କରିଛନ୍ତି । ପୁଲିସର ସୂଚନା ଅନୁସାରେ, ସ୍ନାତକୋତ୍ତର ଦ୍ୱିତୀୟ ବର୍ଷ ଛାତ୍ର ରିଷି ଜୋଶୁଆ ବେକରେ ଫାସି ଲଗାଇବା ପୂର୍ବରୁ ଏକ ସୁସାଇଡ ନୋଟ୍ ଇଂରାଜୀ ପ୍ରଫେସରଙ୍କୁ ଇମେଲ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁସାରେ, ଜୋଶୁଆ ନିଜ ପ୍ରଫେସରଙ୍କୁ ପଠାଇଥିବା ଇମେଲରେ ଲେଖିଥିଲେ, “କିଛି ସମୟରୁ ମୃତ୍ୟୁର ଭୌତିକ ସ୍ଥିତିକୁ ଅନୁଭବ କରିବାକୁ ଚାହୁଁଛି । ଯେପର୍ଯ୍ୟନ୍ତ ଆପଣ ଏହି ଇ-ମେଲ ପଢ଼ିବେ, ମୁଁ ଭୌତିକ ଅବସ୍ଥାରେ ରହିବି ନାହିଁ । ମୋ ପରିବାର ଲୋକଙ୍କ ଧ୍ୟାନ ରଖିବେ ।” ପୁଲିସକୁ ଏହି ଘଟଣା ବିଷୟରେ ଛାତ୍ରବାସର ୱାର୍ଡେନ ସୂଚନା ଦେଇଥିଲେ । ଏହାପରେ ପୁଲିସର ତଦନ୍ତ ଚାଲିଛି । ପ୍ରଫେସରଙ୍କୁ ସୁସାଇଡ ନୋଟ୍ ପଠାଇବା ଘଟଣାରେ ଷଡଯନ୍ତ୍ରର କୌଣସି ସନ୍ଦେହ କରାଯାଉନି ।