ବିଜେଡିରୁ ଜୀବନ ପ୍ରଦୀପ ଦାଶ ନିଲମ୍ବିତ । ବିଜେଡି ସୁପ୍ରିମୋଙ୍କ ନିର୍ଦ୍ଦେଶରେ ଆସିଲା ନିଲମ୍ବନ ଆଦେଶ । ସୂଚନା ଦେଲେ ମାନସ ମଙ୍ଗରାଜ
କନକ ବ୍ୟୁରୋ : ବିଜେଡିରୁ ନିଲମ୍ବିତ ହେଲେ ବାଲେଶ୍ୱର ସଦର ନିର୍ବାଚନମଣ୍ଡଳୀର ପୂର୍ବତନ ବିଧାୟକ ଜୀବନ ପ୍ରଦୀପ ଦାଶ । ଦଳ ବିରୋଧୀ କାର୍ଯ୍ୟପାଇଁ ତାଙ୍କୁ ଦଳରୁ ନିଲମ୍ବିତ କରାଯାଇଥିବା ଜଣାପଡିଛି । ଉପନିର୍ବାଚନ ବେଳେ ସେ ଦଳ ବିରୋଧରେ କାର୍ଯ୍ୟ କରୁଥିବା ଅଭିଯୋଗ ହୋଇଥିଲା । ଏହି ଅଭିଯୋଗ ଆସିବା ପରେ ଆଜି ତାଙ୍କୁ ଦଳର ସୁପ୍ରିମୋ ନିବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ନିଲମ୍ବିତ କରାଯାଇଥିବା ସୂଚନା ମିଳିଛି । ଏନେଇ ସୂଚନା ଦେଇଛନ୍ତି ରାଜ୍ୟସରକାରଙ୍କ ଗଣମାଧ୍ୟମ ଉପଦେଷ୍ଟା ମାନସ ମଙ୍ଗରାଜ ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ବେଳେ ସେ ଦଳ ସହିତ ଥିଲେ ବି ଦଳର ପ୍ରଚାର ପ୍ରସାରରେ ସେ ସହଯୋଗ କରୁନଥିବା ଅଭିଯୋଗ ହେଉଥିଲା । ସେ ଦଳରୁ ଟିକେଟ ପାଇଁ ଆଶାୟୀ ଥିବା ବେଳେ ଦଳ ତାଙ୍କୁ ନିରାଶ କରିଥିଲା । ଏହା ପରେ ବାଲେଶ୍ୱର ସଦରରେ ଜୀବନ ପ୍ରଦୀପ୍ ଦାଶଙ୍କ ଏକ ଟିମ୍ ବିଜେଡି ବିରୋଧରେ କାର୍ଯ୍ୟ କରୁଥିବା ନେଇ ବିଭିନ୍ନ ମହଲରେ ଆଲୋଚନା ହେଉଥିଲା ।