ଜିଓର ନୂଆ ଅଫର : ରିଚାର୍ଜ କଲେ ଅନଲିମିଟେଡ୍ କଲ୍, ଫ୍ରି ଡାଟା ସାଙ୍ଗକୁ ମିଳୁଛି ମାଗଣା ଜିଓ ଫୋନ୍ 

କନକ ବ୍ୟୁରୋ : ଦେଶରେ ବ୍ୟବହାର ହେଉଥିବା ଟେଲିକମ୍ ଅପରେଟର୍ସ ମଧ୍ୟରୁ ବର୍ତ୍ତମାନ ଜିଓ ସବୁଠୁ ଉପରେ ରହିଛି । ଗ୍ରାହକଙ୍କୁ ଛୋଟଠୁ ବଡ ଅଫର ଦେଇ ନିଜ ସହିତ ଯୋଡି ରଖିଛି । କମ୍ପାନୀର ପୋର୍ଟପୋଲିଓରେ ସସ୍ଥା-ମହଙ୍ଗା ରିଚାର୍ଜ ପ୍ଲାନ୍ ଉପଲବ୍ଧ ରହିଛି । କିନ୍ତୁ ବର୍ତ୍ତମାନ ଜିଓ ଏପରି ଏକ ଅଫର ଆଣିଛି, ଯାହା ଅନ୍ୟ କୌଣସି ଟେଲିକମ୍ ସଂସ୍ଥା ଦେଉନାହାନ୍ତି ।

ଜିଓ ଗ୍ରାହକଙ୍କ ପାଇଁ ଏପରି ଏକ ରିଚାର୍ଜ ପ୍ଲାନ୍ ନେଇ ଆସିଛି ଯାହାର ମୂଲ୍ୟ କମ୍ ହେବା ସାଙ୍ଗକୁ ରିଚାର୍ଜ କଲେ ମାଗଣାରେ ଏକ ଫୋନ ମିଳିପାରୁଛି । କେବଳ ଏତିକି ନୁହେଁ ଫୋନ୍ ମାଗଣା ମିଳିବା ସହ ମିଳୁଛି ଅନେକ ସୁବିଧା । ତେବେ ଆସନ୍ତୁ ଜାଣିବା କେତେ ଟଙ୍କା ରିଚାର୍ଜ କଲେ, ମୋବାଇଲ ଫୋନ ମିଳୁଛି ।

ଜିଓ ନିଜ ଗ୍ରାହକଙ୍କ ପାଇଁ ଆମିଛି ୧୪୯୯ ପ୍ଲାନ୍ । ୧୪୯୯ ଟଙ୍କା ରିଚାର୍ଜ କରିବା ଦ୍ୱାରା ୟୁଜର୍ସଙ୍କୁ ଏକ ବର୍ଷ ପାଇଁ ଅନଲିମିଟେଡ୍ କଲ ସାଙ୍ଗକୁ ମିଳୁଛି ମାଗଣା ଜିଓ ଫୋନ୍ । ଏହାସହିତ ପୂରା ୧ବର୍ଷ ପାଇଁ ୨୪ ଜିବି ଡାଟା ଏବଂ ଜିଓ ଆପ ସବସ୍କ୍ରିପସନ୍ ଫ୍ରି ଦେଉଛି କମ୍ପାନୀ । ତେବେ ଏଠାରେ ଆମେ କହିରଖୁଛୁ କି, ଏହି ପ୍ଲାନ୍ କେବଳ ଜିଓ ଫୋନ୍ ବ୍ୟବହାର କରୁଥିବା ଗ୍ରାହକଙ୍କ ପାଇଁ ଉପଲବ୍ଧ କରାଯାଇଛି ।