କେନ୍ଦ୍ରମନ୍ତ୍ରୀ ପାକ୍ ପ୍ରଧାନମନ୍ତ୍ରୀଙ୍କୁ କଲେ ପ୍ରଶଂସା । କହିଲେ , ଅଭିନନ୍ଦନଙ୍କୁ ଛାଡିବାରେ ଇମ୍ରାନ ନେଇଛନ୍ତି ବଡ ପଦକ୍ଷେପ
କେନ୍ଦ୍ରମନ୍ତ୍ରୀ ପାକିସ୍ତାନ ପ୍ରଧାନମନ୍ତ୍ରୀଙ୍କୁ କଲେ ପ୍ରଶଂସା
କନକ ବ୍ୟୁରୋ : କେନ୍ଦ୍ରମନ୍ତ୍ରୀ ପାକିସ୍ତାନ ପ୍ରଧାନମନ୍ତ୍ରୀଙ୍କୁ କଲେ ପ୍ରଶଂସା । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, କେନ୍ଦ୍ର ସାମାଜିକ ନ୍ୟାୟ ମନ୍ତ୍ରୀ ରାମଦାସ ଅଠାୱେଲ ନିଜର ହରିୟାଣା ଗସ୍ତ ସମୟରେ ପାକ୍ ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିଛନ୍ତି । ଏହାସହ ସେ କହିଛନ୍ତି ଯେ, ପିଓକେକୁ ପାକିସ୍ତାନ ଭାରତକୁ ଦେଇଦେବାର ଆବଶ୍ୟକତା ରହିଛି ନଚେତ ଭାରତ ଜୋର ଜବରଦସ୍ତ ତାହାକୁ ଭାରତରେ ମିଶାଇଦେବାର ଆବଶ୍ୟକତା ରହିଛି । କାରଣ ସେଠାରେ ଅନେକ ଆତଙ୍କବାଦୀଙ୍କୁ ତାଲିମ ଦିଆଯାଉଛି । କେବଳ ଏତିକି ନୁହେଁ ବରଂ ଭାରତୀୟ କମାଣ୍ଡର ଅଭିନନ୍ଦନଙ୍କୁ ପାକିସ୍ତାନ ମାତ୍ର ୬୦ ଘଣ୍ଟା ମଧ୍ୟରେ ଛାଡିଦେଇଥିବାରୁ ଇମ୍ରାନଙ୍କୁ ପ୍ରଶଂସା ମଧ୍ୟ ସେ କରିଛନ୍ତି । ସେ ଦେଶରେ ଶାନ୍ତି ରକ୍ଷା କରିବା ପାଇଁ ଏପରି କାମ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, କେନ୍ଦ୍ରମନ୍ତ୍ରୀଙ୍କୁ ପ୍ରଶ୍ନ କରାଯାଇଥିଲା ଯେ, ଭାରତୀୟ କମାଣ୍ଡର ଅଭିନନ୍ଦନଙ୍କୁ ପାକିସ୍ତାନ ନିଜ ଇଚ୍ଛାରେ ଛାଡିଥିଲା ନା ବିଶ୍ୱର ଚାପରେ ପାକ୍ ଛାଡିଥିଲା । ତେବେ ଏହାର ଉତ୍ତରରେ ସେ କହିଥିଲେ ଯେ, ଅଭିନନ୍ଦନଙ୍କୁ ଛାଡିବାରେ ଇମ୍ରାନ ମଧ୍ୟ ବଡ ଭୂମିକା ଗ୍ରହଣ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ, ଭାରତ ସହ ପାକିସ୍ତାନ ଉତ୍ତମ ସମ୍ପର୍କ ସ୍ଥାପନ କଲେ ତାହାର ହିଁ ବିକାଶ ହୋଇପାରିବ ।
ଏହାସହ ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ଦାଉଦ ଇବ୍ରାହିମ, ପୁଲୱାମା ଆକ୍ରମଣରେ ହାତ ଥିବା ଆତଙ୍କବାଦୀଙ୍କୁ ଭାରତକୁ ହସ୍ତାନ୍ତର କରିବା ପାଇଁ ସେ ଆହ୍ୱାନ ଦେଇଛନ୍ତି । କେବଳ ଏତିକି ନୁହେଁ ବରଂ ଫେବୃଆରୀରେ ଭାରତୀୟ ଯବାନଙ୍କ ଉପରେ ହୋଇଥିବା ଆକ୍ରମଣ ପରେ ବିରୋଧୀମାନେ ଅଭିଯୋଗ କରୁଥିଲେ କି କେନ୍ଦ୍ର ସରାକର କିଛି କରୁନାହାନ୍ତି । ଏହାପରେ ମୋଦି ସରକାର ଆତଙ୍କବାଦୀଙ୍କ ଉପରେ ଏୟାରଷ୍ଟ୍ରାଇକ କଲେ ଓ ଏବେ କିଛି ବିରୋଧୀ ତାହାର ପ୍ରମାଣ ମାଗୁଛନ୍ତି । ମୋର ଅନୁରୋଧ କି ସେହି ଘଟଣାକୁ ନେଇ ରାଜନୀତି କରାନଯାଉ । ଏବଂ ଜାମ୍ମୁକାଶ୍ମୀର ସମସ୍ୟାର ସମାଧାନ କରିବାକୁ ହେଲେ ପ୍ରଥମେ ୩୫-ଏ କୁ ଉଠାଇବା ଦରକାର ।