ବିଜେଡି ଛାଡିଲେ ଜୀବନ ପ୍ରଦୀପ ଦାଶ । ଗତକାଲି ଦଳରୁ ହୋଇଥିଲେ ନିଲମ୍ବିତ । ଦଳ ଅଣଦେଖା କରୁଥିବା କଲେ ଅଭିଯୋଗ
କନକ ବ୍ୟୁରୋ : ବିଜେଡି ଛାଡିଲେ ପୂର୍ବତନ ବିଧାୟକ ଜୀବନ ପ୍ରଦୀପ ଦାଶ । ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଲେ ଜୀବନ । ଗତକାଲି ଦଳରୁ ନିଲମ୍ବିତ ହୋଇଥିଲେ ଜୀବନ । ଦଳ ତାଙ୍କୁ ଅଣଦେଖା କରୁଥିବା ସେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ସଦର ନିର୍ବାଚନର ଠିକ ଗୋଟିଏ ଦିନ ପରେ ବିଜେଡ଼ିରୁ ପୂର୍ବତନ ବିଧାୟକ ଜୀବନ ପ୍ରଦୀପ ଦାଶଙ୍କ ନିଲମ୍ବନ କରିଥିଲା । ବାଲେଶ୍ୱର ପୂର୍ବତନ ବିଧାୟକ ଥିଲେ ଜୀବନ ପ୍ରଦୀପ । ଦଳ ବିରୋଧୀ କାର୍ୟ୍ୟ ପାଇଁ ଦଳରୁ ତାଙ୍କୁ ନିଲମ୍ବିତ କରାଯାଇଥିଲା । ନିଲମ୍ବନ ପରେ ଜୀବନ ପ୍ରଦାପ ଦାଶ ପ୍ରତିକ୍ରିୟା ରଖିଥିଲେ । ଜୀବନ ପ୍ରଦୀପ ଦାଶ କହିଥିଲେ, ସେ କୌଣସି ଶୃଙ୍ଖଳା ଭଙ୍ଗ କରିନାହାନ୍ତି କି ଦଳ ବିରୋଧୀ କାର୍ୟ୍ୟ କରିନାହାଁନ୍ତି ।
ସୂଚନାନୁସାରେ, ଜୀବନପ୍ରଦୀପ ଦାଶ ଉପନିର୍ବାଚନ ସମୟରେ ଦଳ ବିରୋଧୀ କାର୍ୟ୍ୟ କରିଥିବା ଅଭିଯୋଗ ହୋଇଥିଲା । ବିଜେଡ଼ି ସୁପ୍ରିମୋଙ୍କ ନିର୍ଦ୍ଦେଶ କ୍ରମେ ଦଳରୁ ତାଙ୍କୁ ନିଲମ୍ବିତ କରାଯାଇଥିଲା । ଜୀବନ ପ୍ରଦୀପ ଦାଶ ୨୦୦୯ ଓ ୨୦୧୪ରେ ବାଲେଶ୍ୱର ସଦରର ବିଧାୟକ ଥିଲେ । କିନ୍ତୁ ୨୦୧୯ ନିର୍ବାଚନରେ ବିଜେପିର ମଦନ ମୋହନ ଦତ୍ତଙ୍କ ଠାରୁ ହାରିଯାଇଥିଲେ ।