ଜିଆ ଖାନ୍ ଆତ୍ମହତ୍ୟା ମାମଲାରେ ସୂରଜଙ୍କୁ କ୍ଲିନଚିଟ୍। ଅଭିନେତାଙ୍କୁ ନିର୍ଦ୍ଦୋଷ ଘୋଷଣା କଲେ ସିବିଆଇ କୋର୍ଟ।
କନକ ବ୍ୟୁରୋ: ବହୁଚର୍ଚ୍ଚିତ ଜିଆ ଖାନ୍ ଆତ୍ମହତ୍ୟା ମାମଲାରେ ୧୦ ବର୍ଷ ପରେ ଆସିଛି କୋର୍ଟଙ୍କ ଫଇସଲା । ମୁମ୍ବାଇର ସ୍ପେଶାଲ ସିବିଆଇ କୋର୍ଟ ଅଭିନେତା ସୂରଜ ପାଞ୍ଚୋଲିଙ୍କୁ ନିର୍ଦ୍ଦୋଷରେ ଖଲାସ କରଛନ୍ତି । ୨୦୧୩ ଜୁନ ୩ତାରିଖରେ ଆତ୍ମହତ୍ୟା କରିଥିଲେ ଅଭିନେତ୍ରୀ ଜିଆ ଖାନ୍ । ମୁମ୍ବାଇ ଜୁହୁ ସ୍ଥିତ ଆପାର୍ଟମେଣ୍ଟରେ ଜିଆ ଖାନଙ୍କ ମୃତଦେହ ମିଳିଥିଲା । ମାତ୍ର ୨୫ ବର୍ଷ ବୟସରେ ଆତ୍ମହତ୍ୟା ଭଳି ଚରମ ନିଷ୍ପତି ନେଇଥିଲେ ଜିଆ । ସେହି ସମୟରେ ଜିଆ, ଅଭିନେତା ଆଦିତ୍ୟ ପାଂଚୋଲିଙ୍କ ପୁଅ ସୂରଜ ପାଂଚୋଲିଙ୍କୁ ଡେଟ୍ କରୁଥିଲେ । ତେବେ ମୃତ୍ୟୁ ପୂର୍ବରୁ ଜିଆ ଛାଡିଯାଇଥିବା ନିଜ ସୁଇସାଇଡ୍ ନୋଟରେ ନିଜ ବୟଫ୍ରେଣ୍ଡ ସୂରଜଙ୍କ ନାଁ ନେଇଥିଲେ । ୨୦୧୯ରେ ମାମଲା ସିବିଆଇ କୋର୍ଟରେ ପହଞ୍ଚିଥିଲା । ଶୁକ୍ରବାର ସିବିଆଇ କୋର୍ଟ ମାମଲାର ଶୁଣାଣି କରିଛନ୍ତି । ଆଉ ସୂରଜଙ୍କ ନିର୍ଦ୍ଦୋଷରେ ଖଲାସ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜିଆ ଖାନ୍ ଆତ୍ମହତ୍ୟା ମାମଲାରେ ସିବିଆଇ କୋର୍ଟଙ୍କ ଫଇସିଲାକୁ ନେଇ ଅସନ୍ତୋଷ ଜାହିର କରିଛନ୍ତି ତାଙ୍କ ମାଆ ରବିଆ ଅମୀନ୍ । ଜିଆଙ୍କ ମୃତ୍ୟୁ ପାଇଁ ମୂଳରୁ ହିଁ ସୂରଜଙ୍କୁ ଦାୟୀ କରି ଆସୁଛନ୍ତି ରବିଆ । ଆଉ ସିବିଆଇ କୋର୍ଟଙ୍କ ରାୟ ସଠିକ୍ ନୁହେଁ ବୋଲି କହିଛନ୍ତି । ତାଙ୍କ ଝିଅ ଆତ୍ମହତ୍ୟା କରି ନାହାଁନ୍ତି ବରଂ ତାଙ୍କୁ କରିବା ପାଇଁ ସୂରଜ ପ୍ରବର୍ତାଇଥିଲେ ବୋଲି ଦାବି କରି ଆସୁଛନ୍ତି ରବିଆ । ଆଗକୁ ସେ ହାଇକୋର୍ଟଙ୍କ ଦ୍ୱାରସ୍ଥ ହେବେ ବୋଲି ଜଣାଇଛନ୍ତି ।
ଜୁନ୍ ୩, ୨୦୧୩ ଜୁହୁ ସ୍ଥିତ ବାସଭବନରେ ସକାଳ ୧୦.୪୫ରେ ମିଳିଥିଲା ଜିଆ ଖାନ୍ଙ୍କ ମୃତଦେହ । ଘଟଣାଟିକୁ ନେଇ ସାରା ଦେଶରେ ହଇଚଇ ସୃଷ୍ଟି ହୋଇଗଲା । ହାଇପ୍ରୋଫାଇଲ ଘଟଣାରେ ବଲିଉଡର ଅନେକ ଚର୍ଚ୍ଚିତ ନାଁ ସାମ୍ନାକୁ ଆସିଲା । ସେପଟେ ପୋଲିସ ଜିଆ ଖାନଙ୍କ ଶବ ବ୍ୟବଚ୍ଛେଦ କରି ଘଟଣାର ତଦନ୍ତ ଆରମ୍ଭ କଲା । ଜିଆଙ୍କ ମାଆ କହିଲେ ଜିଆ, ଡିପ୍ରେସନରେ ଥିଲେ । ଆଉ ଏଥିପାଇଁ ସେ ସୁରଜଙ୍କୁ ଦାୟୀ କରିଥିଲେ । ୭ ଜୁନ୍, ୨୦୧୩ରେ ପୋଲିସକୁ ମିଳିଥିଲା ୬ ପେଜର ଜିଆଙ୍କ ହାତ ଲେଖା ସୁଇସାଇଡ୍ ନୋଟ୍ । ନିଜ ସୁଇସାଇଡ୍ ନୋଟରେ ଅଭିନେତା ସୁରଜ ପାଂଚୋଲିଙ୍କ ସହ ନିଜ ସମ୍ପର୍କକୁ ନେଇ ଅନେକ ଚକିତ କଲା ଭଳି କଥା ଉଲ୍ଲେଖ କରିଥିଲେ ଜିଆ । ଚିଠିରେ ଲେଖିଥିଲେ, ତାଙ୍କ ସମ୍ପର୍କ ଶାରିରୀକ ଓ ମାନସିକ ଅତ୍ୟାଚାର, ଗାଳି, ଦୁର୍ବ୍ୟବହାର ଭଳି ଅନେକ ସମସ୍ୟା ଦେଇ ଗତି କରୁଛି ।
୯ ଡିସେମ୍ବର, ୨୦୧୫ରେ ସୂରଜ ପାଂଚୋଲି ବିରୋଧର ଚାର୍ଜସିଟ୍ ଦାଖଲ କରିଥିଲା ସିବିଆଇ । ତାଙ୍କ ବିରୋଧରେ ଆତ୍ମହତ୍ୟା ପାଇଁ ପ୍ରବର୍ତାଇବାର ଅଭିଯୋଗ ହୋଇଥିଲା । ହେଲେ ଘଟଣାର ୧୦ ବର୍ଷ ପରେ ସିବିଆଇ କୋର୍ଟ ସୂରଜ ପାଂଚୋଲିଙ୍କୁ ନିର୍ଦ୍ଦୋଷ ଭାବେ ଘୋଷଣା କରିଛନ୍ତି ।