ସାମ୍ନାକୁ ଆସିଲା ଝାରୁସୁଗୁଡା ପୁଲିସର ଭିନ୍ନ ଚେହେରା: ଲକଡାଉନ ସମୟରେ କାମ ପାଇଁ ଆସିଥିବା ଲୋକଙ୍କୁ ଖାକିବର୍ଦ୍ଦିର ଗାଳିଗୁଳଜ ସହ ମାଡ
କନକ ବ୍ୟୁରୋ: ସରକାର ଡାକ୍ତର ପୁଲିସ ଆଦିକୁ କରୋନା ଯୋଦ୍ଧାର ମାନ୍ୟତା ଦେଇ ସମ୍ମାନିତ କରିଛନ୍ତି । ରାଜ୍ୟ ତଥା ଦେଶର ଏହି ସମସ୍ତ କରୋନା ଯୋଦ୍ଧା ନିଜର କର୍ତ୍ତବ୍ୟ ପାଳନ କରି ଲୋକଙ୍କୁ ସୁରକ୍ଷିତ ରଖିବାକୁ ଉଦ୍ୟମ କରୁଛନ୍ତି । ହେଲେ ଝାରୁସୁଗୁଡା ପୁଲିସର ଏକ ଭିନ୍ନ ରୂପ ସାମ୍ନାକୁ ଆସିଛି । ଏଠାରେ ପୁଲିସ ସଟଡାଉନ ସମୟରେ ଦେଖାଇଛି ଦବଙ୍ଗଗିରି । ଅତ୍ୟାବଶ୍ୟକ କାମ ପାଇଁ ଘରୁ ବାହାରୁଥିବା ଲୋକଙ୍କ ଉପରେ କରୁଛି ପ୍ରହାର । ଏହି ଭିଡିଓ ଏବେ ସୋସିଆଲ ମିଡିଆରେ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ମଧ୍ୟ ବହ୍ମପୁର ଗୋଷାଣୀ ନୂଆ ଗାଁରୁ ଆସିଥିଲା ତାଲାବନ୍ଦ ସମୟର ଏପରି ଏକ ଚିତ୍ର ଯାହା ସମସ୍ତଙ୍କୁ ଚିନ୍ତାରେ ପକାଇଦେଇଥିଲା । କରୋନା କାଳରେ ବ୍ରହ୍ମପୁରରେ ସଟଡାଉନ୍ ଚାରିଥିବା ବେଳେ ଜଣେ ସାଇକେଲରେ ବୁଲି କଦଳୀ ବିକ୍ରି କରୁଥିବା ଜଣେ ବୃଦ୍ଧଙ୍କ ଉପରେ ପୋଲିସ ଦେଖାଇଥିଲା ଦବଙ୍ଗଗିରି । ଖାକିର ବଳ ଦେଖାଇ ବୃଦ୍ଧ ବ୍ୟବସାୟୀଙ୍କୁ ତାଗିଦ୍ କରିବା ସହ ଆଦାୟ କରିଥିଲା ଫାଇନ୍ । ଏପରିକି ସାଇକେଲରୁ ଉଠାଇ ନେଇଥିଲେ କଦଳୀ ଝୁଡି ।
ସମସ୍ତ କଦଳୀ ନେଇଯିବା ସହ ଟଙ୍କାଟିଏ ବି ଦେଇନଥିଲେ । ପୋଲିସର ଖାକି ବର୍ଦି ଦେଖି ବୃଦ୍ଧ ବେପାରୀ ଜଣକ ଭୟରେ କାନମୁଣ୍ଡ ଆଉଁଶି ଚାଲି ଯାଇଥିଲେ । ତେବେ ଘଟଣାଟି ସୋସିଆଲ୍ ମିଡିଆରେ ଭାଇରାଲ ହେବା ପରେ ଏସପିଙ୍କ ନଜରକୁ ଆସିଥିଲା ଏବଂ ବ୍ରହ୍ମପୁର ଏସପି , ସଂପୃକ୍ତ ବୃଦ୍ଧ ବ୍ୟବସାୟୀଙ୍କୁ ଡକାଇ ପୋଲିସ ନେଇ ଯାଇଥିବା କଦଳୀ ଝୁଡି , ତାଙ୍କ ଠାରୁ ଆଦାୟ ହେଉଥିବା ଫାଇନ୍ ଫେରାଇଥିଲେ ।