କନକ ବ୍ୟୁରୋ : ଝାଡଖଣ୍ଡର ବହୁ ଚର୍ଚ୍ଚିତ ତବରେଜ ଅନସାରୀ ମାବଲଂଚିଙ୍ଗ ମାମଲାରେ ବୁଧବାର ଅପରାହ୍ନ ୪ଟା ବେଳେ ସରାୟକେଲା କୋର୍ଟ ରାୟ ଶୁଣାଇଛନ୍ତି । ସରାୟକେଲା କୋର୍ଟ ଏହି ମାମଲାରେ ସମସ୍ତ ଦୋଷୀଙ୍କୁ ଆଇପିସିର ଧାରା ୩୦୪ (କୌଣସି ଉର୍ଦ୍ଦେଶ୍ୟ ନଥାଇ ହତ୍ୟା) ମୁତାବକ ସମସ୍ତ ୧୦ ଅପରାଧୀଙ୍କୁ ୧୦ ବର୍ଷ ଲେଖାଏଁ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
୨୦୧୯ ଜୁନ ୧୮ ତାରିଖରେ ଘାତକିଡିହ ଠାରେ ଚୋରି କରିଥିବା ସନ୍ଦେହରେ ତବରେଜଙ୍କ ଉପରେ କିଛି ଲୋକ ଆକ୍ରମଣ କରିଥିଲେ । ଏହାପରେ ଅଭିଯୁକ୍ତମାନେ ତବରେଜକୁ ପୋଲିସ ହାତରେ ଦେଇଥିଲେ । ପୋଲିସ ତବରେଜକୁ ମେଡିକାଲ ଯାଂଚ ପରେ କଷ୍ଟଡିକୁ ନେଇଥିଲା । ହେଲେ ଜୁନ ୨୧ ତାରିଖରେ ତବରେଜର ଦେହ ଖରାପ ହେବାକୁ ତାକୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଜୁନ ୨୨ ତାରିଖରେ ଚିକିତ୍ସାଧୀନ ଅବସ୍ଥାରେ ତବରେଜର ମୃତ୍ୟୁ ହୋଇଥିଲା । ଏହି ମାମଲାରେ ପୋଲିସ ୧୩ ଜଣଙ୍କୁ ଗିରଫ କରିଥିଲା । ହେଲେ ମୁଖ୍ୟ ଅଭିଯୁକ୍ତ ପପୁ ମଣ୍ଡଳଙ୍କ ବ୍ୟତୀତ ଅନ୍ୟ ସମସ୍ତ ଅଭିଯୁକ୍ତ କୋର୍ଟର ଜାମିନ ପାଇଥିଲେ ।
ଏହି ମାମଲାର ଶୁଣାଣି କରି ସରାୟକେଲା କୋର୍ଟ ଜୁନ ୨୭ ତାରିଖରେ ୧୦ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ । ଆଜି ଏହି ମାମଲାର ଦଣ୍ଡବିଧାନ କରି ୧୦ ଜଣ ଅପରାଧୀଙ୍କୁ ୧୦ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି । ଏହାସହ ଅନ୍ୟ ୨ଜଣ ଅଭିଯୁକ୍ତଙ୍କୁ ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ କରାଯାଇଛି ।