ଆଇଫୋନ ଚୋରି ପଡ଼ିଲା ମହଙ୍ଗା । ଭୁବନେଶ୍ୱରରୁ ଧରାପଡିଲା ଝାଡଖଣ୍ଡ ମୋବାଇଲ ଲୁଟେରା ଗ୍ୟାଙ୍ଗ । ଶହେରୁ ଅଧିକା ମୋବାଇଲ ଫୋନ ଜବତ, ୩ ଗିରଫ ।
କନକ ବ୍ୟୁରୋ : ଭୁବନେଶ୍ୱରରୁ ଆପଣଙ୍କ ଫୋନ ଚୋରି ହୋଇଛି କି? ଯଦି ହଁ, ତାହେଲେ ଆବଶ୍ୟକୀୟ ପ୍ରମାଣପତ୍ର ଦେଖାଇ ଫେରି ପାଇପାରିବେ ଆପଣଙ୍କ ଫୋନ୍ । ଆପଣଙ୍କ ଫୋନର ଆଇଏମଇଆଇ ମ୍ୟାଚ କରିଗଲେ ଫେରି ପାଇବେ ଆପଣଙ୍କ ଫୋନ୍ ।
Kanak News is now on WhatsApp
Join and get latest news updates delivered to you via WhatsApp
ଚୋରି ଯାଇଥିବା ଆଇଫୋନ, ସାମସଙ୍ଗ, ୱାନପ୍ଲସ, ଓପ୍ପୋ, ଭିଭୋ ଭଳି ଦାମି ବ୍ରାଣ୍ଡର ଶତାଧିକ ଫୋନ ଜବତ କରିଛି ଲକ୍ଷ୍ମୀସାଗର ଥାନା ପୋଲିସ୍ । ଆଉ ଏହା ସେତିକି ବେଳେ ସମ୍ଭବ ହୋଇଛି ଯେତେବେଳେ ଏହି ଝାଡଖଣ୍ଡି ଗ୍ୟାଙ୍ଗ ପୋଲିସ ହାତରେ ଧରାପଡିଛି ।
ଏହି ଗ୍ୟାଙ୍ଗର ଟାର୍ଗେଟରେ ଥିଲେ ମହିଳା, ବୟସ୍କ ଏବଂ ସପିଂ କରୁଥିବା ଲୋକ । ଟିକିଏ ସୁଯୋଗ ମିଳିଲେ ଏମାନେ ମୋବାଇଲ୍ ଧରି ଚମ୍ପଟ ମାରୁଥିଲେ । ଫୋନଟି ଏମାନଙ୍କ ହାତରେ ପଡିବା ପରେ ସାଙ୍ଗେସାଙ୍ଗେ ଫୋନଟିକୁ ଅଚଳ କରି ଦେଉଥିଲେ । ତାପରେ ନିଜ ଗ୍ୟାଙ୍ଗ ସହାୟତାରେ ମୋବାଇଲ ଗୁଡିକୁ ମାଲଦା ଚାଲାଣ କରି ଦେଉଥିଲେ ।