କନକ ବ୍ୟୁରୋ : କେବୁଲ ଚୋରୀ ପାଇଁ ଝାଡଖଣ୍ଡର ଏକ କୋଇଲା ଖାଦାନ ଭିତରେ ପାଖା ପାଖି ୨୫ ଜଣ ଚୋର ପଶି ରହିଛନ୍ତି । ସୂଚନା ମିଳିବା ପରେ ପୋଲିସ ଖାଦାନ ବାହାରେ ସେମାନଙ୍କୁ ଜଗି ରହିଛି । ହେଲେ ଧରାପଡିଯିବା ଭୟରେ ଚୋରମାନେ ୩୬ ଘଂଟା ଧରି ଖାଦାନ ଭିତରେ ଲୁଚିଥିବା ବେଳେ ପୋଲିସ ସେମାନଙ୍କୁ ଧରବାକୁ ସଦଳବଳେ ଖାଦାନ ଉପରେ ଜଗି ରହିଛି । ଏହା ଏକ ସିନେମାର କାହାଣୀ ଭଳି ଲାଗୁଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ସୂଚନା ମୁତାବକ ରବିବାର ରାତିରେ ଅସ୍ତ୍ରଶସ୍ତ୍ର ସହ ଚୋର ଗୋଷ୍ଠୀ ଧନବାଦ ଜିଲ୍ଲାର ଭାଗ୍ୟଲକ୍ଷ୍ମୀ କୋଇଲା ଖାଦାନ ଭିତରେ ପଶିଥିଲେ । ଏନେଇ ସୂଚନା ପାଇବା ପରେ ପୋଲିସ ଓ ସାମରିକ ବାହୀନି ଘଟଣା ସ୍ଥଳରେ ପହଂଚି ଯାଇଥିଲେ । ପୋଲିସଙ୍କୁ ଦେଖି ଚୋରମାନେ ପୋଲିସ ଉପରେ ବୋମାମାଡ କରିବା ସହ ଗୁଳି ବି ଚଳାଇଥିଲେ । ଏହି ଆକ୍ରମଣରେ ଜଣେ ପୋଲିସ କନେଷ୍ଟବଳ ବି ଆହତ ହୋଇଛନ୍ତି ।
ସୂଚନା ମୁତାବକ ମଙ୍ଗଳବାର ୩ ଟା ପର୍ଯ୍ୟନ୍ତ ସେହି ସ୍ଥିତି ଲାଗି ରହିଛି । ଭିତରେ ଚୋରମାନେ ପୋଲିସ ଭୟରେ ବାହାରକୁ ବାହୁନଥିବା ବେଳେ ବାହାରେ ଚୋରଙ୍କୁ ଧରିବାକୁ ପୋଲିସ ଜଗି ରହିଛି । ଖାଦାନ ଭିତରେ ପୁରା ଅନ୍ଧାର ସହ ପୋକ ଜୋକ ଓ ଖାଦ୍ୟ ଅଭାବ ଭିତରେ ବି ଜୀବନ ଭୟରେ ଚୋରମାନେ ଭିତରେ ରହିଛନ୍ତି । ଏବେ ସେମାନଙ୍କୁ ବାହାରକୁ କାଢିବା ପୋଲିସ ପାଇଁ କଷ୍ଟକର ହୋଇପଡିଛି ।
ମାନବିକତା ଦୃଷ୍ଟିରୁ ପୋଲିସ ଖାଦାନ ଭିତରକୁ ଖାଦ୍ୟ ଓ ପାଣି ପଠାଇବାକୁ ଚେଷ୍ଟା କରିଛି । ହେଲେ ଚୋରମାନେ ଖାଦାନର କେଉଁ କୋଣରେ ଲୁଚିଛନ୍ତି । ପୋଲିସ ଓ ଚୋରଙ୍କ ମଧ୍ୟରେ ଏଭଳି ଲୁଚକାଳି ଖେଳ କେବେ ସରିବ ତାହାର କିଛି ନିର୍ଦ୍ଧିଷ୍ଟ ସୂଚନା ମଳିପାରି ନାହିଁ ।