ଜାମିନ ପାଇଁ ଅଜବ ସର୍ତ ରଖିଲେ ବିଚାରପତି: ପିଏମ କେୟାର ପାଣ୍ଠିକୁ ଦାନ କରିବା ପାଇଁ ନିର୍ଦ୍ଦେଶ ଦେଲେ ଝାଡଖଣ୍ଡ ହାଇକୋର୍ଟ ଜଜ; କହିଲେ ଦାନ ସହ ଆରୋଗ୍ୟ ସେତୁ ଆପ୍ ଡାଉନଲୋଡ କଲେ ମିଳିବ ବେଲ୍
କନକ ବ୍ୟୁରୋ: ପିଏମ୍ କେୟାର ଫଣ୍ଡକୁ ୩୫ ହଜାର ଟଙ୍କା ଦାନ ସହ ଆରୋଗ୍ୟ ସେତୁ ଆପ୍ ଡାଉନଲୋଡ କଲେ ମିଳିବ ଜାମିନ୍ । ଝାଡଖଣ୍ଡ ହାଇକୋର୍ଟ ଜଜଙ୍କ ଏପିର ଜାମିନ୍ ସର୍ତକୁ ନେଇ ଜୋରଦାର ଚର୍ଚା ହେଉଛି । ଜଣେ ପୂର୍ବତନ ସାଂସଦ ସୋମ୍ ମାରାଣ୍ଡି ଓ ତାଙ୍କ ୫ ସହଯୋଗୀଙ୍କୁ ଜାମିନ୍ ଦେବାକୁ ଏପରି ଅଜବ ସର୍ତ ରଖିଥିଲେ ବିଚାରପତି ଜଷ୍ଟିସ୍ ଅନୁଭା ରାୱତ ଚୌଧୁରୀ ।
Kanak News is now on WhatsApp
Join and get latest news updates delivered to you via WhatsApp
ଦେଶରେ କରୋନା ମହାମାରୀକୁ ମୁକାବିଲା କରିବାକୁ ଏବେ ପିଏମ୍ କେୟାର ଫଣ୍ଡକୁ ଦାନ କରିବାକୁ ଅପିଲ୍ କରିଛନ୍ତି କେନ୍ଦ୍ର ସରକାର । ଏପରି ସ୍ଥିତିରେ ଜଣେ ଅଭିଯୁକ୍ତଙ୍କୁ ଜାମିନ୍ ପ୍ରଦାନ କରିବାକୁ ପିଏମ୍ କେୟାର ଫଣ୍ଡକୁ ଦାନ କରିବାକୁ ହାଇକୋର୍ଟ ଜଜ୍ ସର୍ତ ରଖିବା ଘଟଣାକୁ ନେଇ ଅନେକ ପ୍ରଶ୍ନ ଉଠାଇଛନ୍ତି । ଝାଡଖଣ୍ଡ ହାଇକୋର୍ଟ ବିଚାରପତି ଝାଡଖଣ୍ଡ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ଦାନ ପାଇଁ ସର୍ତ ନରଖି କାହିଁକି ପିଏମ୍ କେୟାର ଫଣ୍ଡକୁ ଦାନ ପାଇଁ କହିଲେ ତାକୁ ନେଇ ପ୍ରଶ୍ନ ଉଠିଛି ।