ବୁଲିବାକୁ ଆସିଥିଲେ, ଦୁଃଖ ନେଇ ଫେରିଲେ । ଝାଡ଼ଖଣ୍ଡ ରାଂଚିରୁ ପୁରୀ ଆସି ସମୁଦ୍ରରେ ଭାସିଗଲେ ୧୬ ବର୍ଷର ନାବାଳକ । ଗୋଟିଏ ଦିନ ପରେ ଉଦ୍ଧାର ହେଲା ମୃତଦେହ । ନୂଆ ତିଆରି ହୋଇଥିବା ବ୍ଲୁ-ଫ୍ଲାଗ ବିଚରେ ପର୍ଯ୍ୟଟଙ୍କ ସୁରକ୍ଷା ନେଇ ଉଠିଲା ପ୍ରଶ୍ନ
କନକ ବ୍ୟୁରୋ : ଗୋଟିଏ ଦିନ ପରେ ଉଦ୍ଧାର ହେଲା ଝାଡଖଣ୍ଡରୁ ପୁରୀ ବୁଲି ଆସିଥିବା ୧୬ବର୍ଷୀୟ ନାବାଳକଙ୍କ ମୃତଦେହ । ଅଗ୍ନିଶମ ବିଭାଗର ଅକ୍ଳାନ୍ତ ଚେଷ୍ଟା ପରେ ମୃତଦେହକୁ ଉଦ୍ଧାର କରାଯାଇଛି । ପୁରୀରେ ନୂଆ କରି ତିଆରି ହୋଇଥିବା ବ୍ଲୁଫ୍ଲାଗ୍- ବିଚ୍ ଅଂଚଳରେ ଗାଧୋଉଥିବାବେଳେ ଗତକାଲି ଅଚାନକ ସମୁଦ୍ର ଭିତରକୁ ଭାସି ଯାଇଥିଲେ ଏହି ନାବାଳକ । ଆଉ ଏହି ଘଟଣା ପରେ ବ୍ଲୁଫ୍ଲାଗ ବିଚର ସୁରକ୍ଷା ନେଇ ଉଠିଛି ପ୍ରଶ୍ନବାଚୀ । ପୁରୀ ଜଗନ୍ନାଥ ସେନା ପକ୍ଷରୁ ଏହି ଅଘଟଣ ନେଇ ଥାନାରେ ମାମଲା ରୁଜୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଖୁସିରେ ପରିବାର ସହ ପୁରୀ ଧାଇଁ ଆସିଥିଲେ, ଆଶା କରିଥିଲେ ବୁଲାବୁଲି କରିବେ ଆଉ ଖୁସିରେ ଘରକୁ ଫେରିଯିବେ । ହେଲେ, ଏମିତି ଏକ ଅଘଟଣ ସବୁ ଦିନ ଭଳି ନୂଆ କରି ତିଆରି ହୋଇଥିବା ବ୍ଲୁ ଫାଗ୍ ବିଚ୍ ଅଂଚଳରେ ପର୍ଯଟକମାନେ ବେଶ ଖୁସିରେ ଗାଧଉଥିଲେ । ଆଉ ଏମାନଙ୍କ ଭିତରେ ଥିଲେ ଝାଡ଼ଖଣ୍ଡ ରାଂଚିରୁ ଆସିଥିବା ରାୟ ପରିବାରର ସଦସ୍ୟ । ଠିକ୍ ଏମିତି ବେଳେ ଅଚାନକ୍ ସମୁଦ୍ର ପାଣିରେ କୁଆଡେ ଉଭାନ୍ ହୋଇଯାଇଥିଲେ ୧୬ ବର୍ଷର ନାବାଳକ ତନିସ୍କ ବିନୟ ରାୟ ।
ବହୁ ଖୋଜାଖୋଜି କରିବା ପରେ ବି କୌଣସି ପତା ମିଳିନଥିଲା । ଶେଷରେ ଗୋଟିଏ ଦିନ ପରେ । ମଙ୍ଗଳବାର ଦିନ ୧୧ଟା ବେଳେ ଏହି ଘଟଣା ଘଟିଥିଲେ ସୁଦ୍ଧା ରାତି ଯାଏଁ କୌଣସି ପତା ମିଳିନଥିଲା । ସକାଳେ ପୁଣି ଅଗ୍ନିଶମ ବିଭାଗର କର୍ମଚାରୀମାନେ ନିଖୋଜ ତନିସ୍କର ସନ୍ଧାନ କରିଥିଲେ । ଆଉ ଶେଷରେ ଗଭୀର ସମୁଦ୍ର ଭିତରୁ ନାବାଳକର ମୃତଦେହ ଉଦ୍ଧାର କରାଯାଇଥିଲା ।
ସମୁଦ୍ର ପାଣିର ସ୍ରୋତ, ଅତି ତୀବ୍ର ଥିବାରୁ ନାବାଳକ ଅଚାନକ୍ ଗଭୀର ସମୁଦ୍ର ଭିତରକୁ ଚାଲିଯାଇଥିବାରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି । ବଡ଼ କଥା ହେଉଛି, ନୂଆ କରି ତିଆରି ହୋଇଥିବା ବ୍ଳୁ-ଫ୍ଲାଗ୍ ବିଚ୍ ଅଂଚଳରେ ଘଟିଥିବା ଏହି ଅଘଟଣ, ପର୍ଯ୍ୟଟକମାନଙ୍କ ସୁରକ୍ଷାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି କରିଛି ।