ମୋବାଇଲ ଖୋଲିବ କି ମୃତ୍ୟୁ ମିଷ୍ଟ୍ରି ? ଅଭିଯୁକ୍ତ ରାକେଶର ମୋବାଇଲ ସହ ଘଟଣା ଦିନ ପିନ୍ଧିଥିବା ପ୍ୟାଣ୍ଟ, ସାର୍ଟ ଜବତ ।
କନକ ବ୍ୟୁରୋ: ବହୁଚର୍ଚ୍ଚିତ ଝରାଫୁଲ ମୃତ୍ୟୁ ମାମଲା । ଅଭିଯୁକ୍ତ ରାକେଶ ସ୍ୱାଇଁର ମୋବାଇଲ୍ ଜବତ । ଘଟଣା ଦିନ ରାକେଶ ପିନ୍ଧିଥିବା ପୋଷାକକୁ ବି ଜବତ କଲା କୁଆଖିଆ ପୋଲିସ । ସେପଟେ ଆଜି ସରୁଛି ରାକେଶ ସ୍ୱାଇଁର ୩ ଦିନିଆ ରିମାଣ୍ଡ ଅବଧି । ଏହା ପରେ ତାକୁ କୋର୍ଟରେ ହାଜର କରାଯିବ । ୩ ଦିନିଆ ରିମାଣ୍ଡରେ ନେଇ କୁଆଖିଆ ପୋଲିସ ରାକେଶ ସ୍ୱାଇଁ ଠାରୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ହାସଲ କରିଛି କୁଆଖିଆ ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ରିମାଣ୍ଡ ସମୟରେ ମୁଖ୍ୟ ଅଭିଯୁକ୍ତ ରାକେଶ ସ୍ୱାଇଁକୁ ଶବ ପିଙ୍ଗା ଯାଇଥିବା ସ୍ଥାନ, ଭୁବନେଶ୍ୱରର ଶିବଶକ୍ତି ଗେଷ୍ଟ ହାଉସ, ସୁନ୍ଦରପଦାର ଫାଷ୍ଟଫୁଡ ଦୋକାନକୁ ରାକେଶକୁ ନେଇ ତଦନ୍ତ କରିଥିଲା ପୋଲିସ । ଏହି ସମୟରେ ରାକେଶ ହୋଟେଲ ଭିତରେ ଡେମୋ ଦେଖାଇଥିଲା । ଏବେ ସମସ୍ତଙ୍କ ନଜର ରହିଛି ସେହି ଗୁରୁତ୍ୱପୂର୍ଣ୍ଣ ପ୍ରଶ୍ନ ଉପରେ । ରମାଦେବୀ ଛାତ୍ରୀ ଝରାଫୁଲଙ୍କ ମୃତ୍ୟୁର ଅସଲ କାରଣ କଣ । ଏସବୁ ଉପରୁ ପରଦା ହଟାଇବାକୁ କୁଆଖିଆ ପୋଲିସ ଛାନଭିନ୍ ଜାରି ରଖିଛି ।