୨୬ ତାରିଖ ଦିନ ୧୧ଟା ୧୫ରେ ବସରେ ବସିଥିଲେ ଝରାଫୁଲ, ଝିଅ ଘରେ ପହଞ୍ଚିବା ନେଇ ପ୍ରଥମେ ମିଛ କହିଥିଲେ ଝରାଫୁଲଙ୍କ ବାପା । ଶେଷ ୪୦ ଘଣ୍ଟାର କାହାଣୀ କହିଲେ ଝରାଫୁଲଙ୍କ ଶିକ୍ଷକ । 

667

କନକ ବ୍ୟୁରୋ : ରମାଦେବୀ ଛାତ୍ରୀଙ୍କ ମୃତ୍ୟୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସିବାରେ ଲାଗିଛି । କନକ ନ୍ୟୁଜ ହାତରେ ଲାଗିଛି ଭୁବନେଶ୍ୱରରେ ଥିବା ଝରାଫୁଲଙ୍କ ଲୋକାଲ ଅଭିଭାବକଙ୍କ ପ୍ରତିକ୍ରିୟା । ଲୋକାଲ ଅଭିଭାବକ ଜଣକ ଶିକ୍ଷକ ଓ ସେ ଝରାଫୁଲଙ୍କ ପଢାଉଥିଲେ । ଶିକ୍ଷକ ଜଣକ କହିଛନ୍ତି, ଗତ ୨୪ ତାରିଖରେ ଯଶୀପୁରରୁ ଆସି ଭୁବନେଶ୍ୱରରେ ପହଞ୍ଚିଥିଲେ ଝରାଫୁଲ । ତାଙ୍କୁ ପାଠ ପଢାଉଥିବା ଶିକ୍ଷକଙ୍କ ଘରେ ୨୪ ତାରିଖରୁ ୨୬ ତାରିଖ ଯାଏଁ ରହିଥିଲେ । ଶିକ୍ଷକଙ୍କ ଝିଅର ଜନ୍ମଦିନରେ ଯୋଗ ଦେବା ପାଇଁ ଶିକ୍ଷକଙ୍କୁ ନଜଣାଇ ସରପ୍ରାଇଜ ଦେବାକୁ ଝରାଫୁଲ ଚାଲିଆସିଥିଲେ । ଆଉ ଗତ ୨୪ରୁ ୨୬ ତାରିଖ ସକାଳ ୧୧ଟା ପର୍ଯ୍ୟନ୍ତ ଶିକ୍ଷକଙ୍କ ଘରେ ଝରାଫୁଲ ରହିବା ପରେ ୧୧ଟା ୧୫ରେ ଘରକୁ ଫେରିବାକୁ ବସରେ ବସିଥିଲେ । ଝାଡେଶ୍ୱର ବସରେ ଝରାକୁ ବସାଇଥିଲେ ଶିକ୍ଷକ ।     

ତେବେ ବସରେ ବସିବାର ୨ ଘଣ୍ଟା ପରେ ଫୋନ୍ କରିଥିଲେ ମଧ୍ୟ କେହି ନ ଉଠାଇବାରୁ ତାଙ୍କ ମା’ଙ୍କ ପାଖକୁ ଫୋନ୍ କରିଥିଲେ ଶିକ୍ଷକ । ଏପରିକି ତାଙ୍କ ମା’ ଫୋନ ଉଠାଇବା ସହ ଝିଅ ପହଞ୍ଚିଗଲେ ଜଣାଇଦେବି ବୋଲି କହିଥିଲେ । କିନ୍ତୁ ଫୋନ୍ ନ ଆସିବାରୁ ସନ୍ଧ୍ୟା ୫ଟାରେ ତାଙ୍କ ବାପାଙ୍କୁ ଫୋନ୍ କରିଥିଲି । କିନ୍ତୁ ତାଙ୍କ ବାପା  କହିଥିଲେ, ସାର ବ୍ୟସ୍ତ ହୁଅନ୍ତୁ ନାହିଁ ଝିଅ ୩ଟାରେ ଘରେ ପହଞ୍ଚିଛି । ତେବେ ତା ପରଦିନ ୯ଟା ବେଳକୁ ଫୋନ୍ କରି ଭୁଲ କରିଦେଲି ବୋଲି ଝରାଙ୍କ ବାପା କହିଥିଲେ । କହିଲେ ଝିଅ କାଲିଠାରୁ ଫେରିନି, କାଳେ ବ୍ୟସ୍ତ ହୋଇପଡିବେ ସେଥିପାଇଁ ଏମିତି କହିଥିଲେ ବୋଲି ଶିକ୍ଷକଙ୍କ କହିଥିଲେ ତାଙ୍କ ବାପା ।  ମୁଁ ସଙ୍ଗେ ସଙ୍ଗେ ତାଙ୍କ ବାପାଙ୍କୁ ଏଫଆଇଆର ଦେବାକୁ କହିଥିଲି । ଆଉ କଲେଜକୁ  ଯିବା ବାଟରେ ତାଙ୍କ ବାପା ଫୋନ କରିଥିଲେ ଯେ ଝିଅ ଆଉ ନାହିଁ । ତେବେ ଆମ ଘରେ ବେଶ ଝରା ବେଶ ଖୁସିବାସିରେ ଥିଲା ବୋଲି କହିଛନ୍ତି ତାଙ୍କ ଶିକ୍ଷକ । 

ଏସବୁ ଭିତରେ ଝରାଫୁଲ ମୃତ୍ୟୁ ଘଟଣାରେ ଦୁଇ ଅଭିଯୁକ୍ତଙ୍କୁ ଚିହ୍ନଟ କରିଛି ଯାଜପୁର ପୋଲିସ । ଏନେଇ କନକ ନ୍ୟୁଜକୁ ସୂଚନା ଦେଇଛନ୍ତି ଏସଡିପିଓ ଚିନ୍ମୟ ନାୟକ । ତେବେ ଦୁଇ ଅଭିଯୁକ୍ତ ଫେରାର ଥିବା ସେ କହିଛନ୍ତି । ଏମାନଙ୍କୁ ଖୋଜି ବାହାର କରିବା ପାଇଁ ଜୋରଦାର ପ୍ରୟାସ ଚଳାଇଛି ପୋଲିସ । ଗିରଫ ପରେ ପୋଲିସ ଏନେଇ ବିଧିବଦ୍ଧ ସୂଚନା ଦେବ ବୋଲି ଆମ ଯାଜପୁର ପ୍ରତିନିଧି ବିମଳ ପତିଙ୍କୁ କହିଛନ୍ତି ଏସଡିପିଓ ଚିନ୍ମୟ ନାୟକ ।   

Comments are closed.