ଭବାନିପାଟଣା ଅଧୀନକୁ ଯିବ ଜୟପୁର ଆକାଶ ବାଣୀ । ଚିନ୍ତାରେ ସ୍ଥାନୀୟ କଳାକାର ।
କନକ ବ୍ୟୁରୋ : କ୍ଳଷ୍ଟର ମାନ୍ୟତାରେ ଭବାନିପାଟଣା ଆକାଶ ବାଣୀ କେନ୍ଦ୍ର । ଅସ୍ଥିତ୍ୱ ହରାଇବ ଜୟପୁର ଆକାଶ ବାଣୀ । ପୁରୁଣା ହୋଇ ଜୟପୁର ଆକାଶବାଣୀ ଯିବ ଭବାନିପାଟଣା ଅଧୀନକୁ । ଚିନ୍ତାରେ ଆଦିବାସୀ ଅଞ୍ଚଳର କଳାକାର । ପଛୁଆ ଅଞ୍ଚଳର କଳା ସଂସ୍କୃତିକୁ ବଞ୍ଚାଇ ରଖିବା ହେଉ କି କୋରାପୁଟ କଳାକାରଙ୍କୁ ଜାତୀୟ ସ୍ଥରରେ ପରିଚୟ ଦେବାରେ, ଜୟପୁର ଆକାଶବାଣୀ ଏକ ପ୍ରମୁଖ ଭୁମିକା ନିଭାଇ ଆସିଛି । ଜିଲ୍ଳାକୁ ଏକ ପରିଚୟ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଅବିଭକ୍ତ କୋରାପୁଟ ଜିଲ୍ଳା ସମେତ ଗଜପତି ଜିଲ୍ଳାର ଶ୍ରୋତାଙ୍କ ପାଇଁ ୧୯୬୪ ମସିହାରୁ ଅନବରତ ମନୋରଞନର ମାଧ୍ୟମ ହୋଇଆସିଛି । ଏବେ ଏହି ଆକାଶବାଣୀର ସ୍ୱାଧୀନତା ଓ ସ୍ୱତନ୍ତ୍ରତା ଉପରେ ବ୍ରେକ୍ ଲାଗିବାକୁ ଯାଉଛି । ଭବାନିପାଟଣା ଆକାଶବାଣୀ ଅଧୀନରେ ରହିବ ଏହି ପୁରୁଣା ତଥା ରାଜ୍ୟର ତୃତୀୟ ସ୍ଥାନ ଅଧିକାର କରିଥିବା ଜୟପୁର ଆକାଶ ବାଣୀ । ଯାହାକୁ ନେଇ ଚିନ୍ତାରେ ସ୍ଥାନୀୟ କଳାକାର ।
ଜାତୀୟ ଓ ଆର୍ନ୍ତଜାତୀୟ ସ୍ଥରରେ ଅବିଭକ୍ତ କୋରାପୁଟର କଳା ସସ୍କୃତିକୁ ନେଇ ଅନେକ ପୁରସ୍କାର ପାଇଛି ଜୟପୁର ଆକାଶବାଣୀ । କରୋନା କାଳରେ ଅନେକ ସଚେତନତା ବାର୍ତ୍ତା ପହଞ୍ଚାଇ କେନ୍ଦ୍ରମନ୍ତ୍ରୀଙ୍କ ପ୍ରଶଂସା ସାଉଣ୍ଟିଥିଲା । ପ୍ରଧାନମନ୍ତ୍ରୀ ଦେଶର ୨୧୫ ଜିଲ୍ଳାକୁ ବିକଶିତ କରିବାର ଯେଉଁ ଲକ୍ଷ ରଖିଛନ୍ତି ସେହି ଲିଷ୍ଟରେ କୋରାପୁଟ ଜିଲ୍ଲା ରହିଛି । ହେଲେ କେନ୍ଦ୍ରର ଏଭଳି ନିଷ୍ପତ୍ତି ସମସ୍ତଙ୍କୁ ନିରାଶ କରିଛି ।
ସରକାରଙ୍କ ଏଭଳି ନିଷ୍ପତ୍ତିକୁ ନେଇ ତେଜୁଛି ବିରୋଧର ସ୍ୱର । କେନ୍ଦ୍ର ସରକାର କୋରାପୁଟକୁ ଅବହେଳା କରୁଛନ୍ତି ଓ ଏହି ପ୍ରସଙ୍ଗ ବିଧାନସଭାରେ ଉଠାଇବେ ବୋଲି କହିଛନ୍ତି ଜୟପୁର ବିଧାୟକ ତାରା ପ୍ରସାଦ ବାହିନୀପତି । ସେହିପରି ଏହି ପ୍ରସଙ୍ଗକୁ ସଂସଦରେ ଉଠାଇବେ ବୋଲି କହିଛନ୍ତି କୋରାପୁଟ ସାଂସଦ । ଗୋଟିଏ ପଟେ ପ୍ରଧାନମନ୍ତ୍ରୀ ରେଡ଼ିଓରେ ମନ କି ବାତ୍ କହି ପଛୁଆ ଜିଲ୍ଳାର ବିକାଶର କଥା କହୁଛନ୍ତି । ଅନ୍ୟପଟେ ପଛୁଆ ଅଞ୍ଚଳର ବିକାଶରେ ବାଧା ସୃଷ୍ଟି କରିବା ଭଳି ଏଭଳି ପଦକ୍ଷେପ ସରକାରଙ୍କ ଆଭିମୁଖ୍ୟକୁ ନେଇ ସନ୍ଦେହରେ ପକାଇଛି ।