ପାଣିରେ ପଡିଲା ଦେଢକୋଟିର କାମ : ୩ ମାସରେ ଦବିଗଲା ନୂଆ ରାସ୍ତା । ଏସଡିଓ ଓ ଯନ୍ତ୍ରୀଙ୍କୁ ଅଟକ ରଖିଲେ ଗାଁ ଲୋକେ
କନକ ବ୍ୟୁରୋ : କୋଟିଏ ଅଠାବନ ଲକ୍ଷ ଟଂକାରେ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନାରେ ତିଆରି ହୋଇଥିଲା ରାସ୍ତା । ୩ ମାସ ବି ଗଲାନି । ରାସ୍ତା ଫାଟି ଆଁ କଲାଣି । ଅନେକ ସ୍ଥାନରେ ବି ଦବି ଗଲାଣି । ସବୁଠୁ ବଡ କଥା ହେଉଛି ଜଳାଶୟ ନିକଟରେ ବିନା କୌଣସି ସୁରକ୍ଷା କାନ୍ଥରେ ରାସ୍ତା ତିଆରି କରିଛି ଠିକାଦାର । ଏହାର ଫଳ ଦେଖିବାକୁ ମିଳିଛି ଏବେ ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ଜିଲ୍ଲାର ବାଲିଆପାଳ ବ୍ଲକ ବାଲିଆପାଳ ପଂଚାୟତର ଗୁନାପୁର ଗାଁରେ ରାସ୍ତା କାମରେ ଏପରି ଚଂଚକତା ସାମ୍ନାକୁ ଆସିବା ପରେ ତାତିଛନ୍ତି ଗାଁ ଲୋକେ । ନିମ୍ନ ମାନର ରାସ୍ତା ନିର୍ମାଣ ନେଇ ଗ୍ରାମବାସୀ ଅଭିଯୋଗ କରିବା ସହ ଗ୍ରାମ୍ୟ ଉନ୍ନୟନ ବିଭାଗ ଜେଇ, ଏସଡିଓଙ୍କୁ ଘେରିଛନ୍ତି । ଦୁଇ ଅଧିକାରୀଙ୍କୁ ଗ୍ରାମବାସୀ ଅଟକ ରଖିଛନ୍ତି ।