କନକ ବ୍ୟୁରୋ: ନିକଟରେ ମହମ୍ମଦ ଅଲ୍ଲି ଜିନ୍ନାଙ୍କୁ ଭାରତର ସ୍ମାଧିନତା ସଂଗ୍ରାମର ପୃଷ୍ଠପୋଷକ କହି ସମାଜବାଦୀ ପାର୍ଟି ନେତା ତଥା ଉତ୍ତରପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀ ସମାଲୋଚିତ ହୋଇଥିବାବେଳେ ଏବେ ଏଭଳି ଆଉ ଏକ ବୟାନ ଦେଶବାସୀଙ୍କୁ ବ୍ୟଥିତ କରିଛି । ବିହାର ବିଧାନ ପରିଷଦର ଜେଡିୟୁ ନେତା ଖଲିଦ୍ ଅନୱର, ଜିନ୍ନାଙ୍କୁ ନେଇ ଏପରି କିଛି ବୟାନ ଦେଇଛନ୍ତି ଯାହାକୁ ନେଇ ବିଜେପି ଖପ୍ପା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଖଲିଦ୍ ଅନୱର ପାକିସ୍ତାନର ପ୍ରତିଷ୍ଠାତା ମହମ୍ମଦ ଅଲ୍ଲି ଜିନ୍ନାଙ୍କୁ ମହାନ ସ୍ୱାଧୀନତା ସଂଗ୍ରାମୀ କହିବା ସହ ଦେଶ ବିଭାଜନ ପାଇଁ ଭାରତର ପ୍ରଥମ ପ୍ରଧାନମନ୍ତ୍ରୀ ନେହେରୁ ହିଁ ଦାୟୀ ବୋଲି କହିଛନ୍ତି । ଏହା କେବଳ ତାଙ୍କର ମନ୍ତବ୍ୟ ନୁହେଁ ବରଂ ଦଳର ଆଭିମୁଖ୍ୟ ବୋଲି ଖଲିଦ୍ କହିଛନ୍ତି । ତାଙ୍କର ଏଭଳି ବୟାନକୁ କଡା ନିନ୍ଦା କରିଛି ବିଜେପି । ଯଦି ଜିନ୍ନାଙ୍କୁ ଏତେ ଭଲ ପାଉଛନ୍ତି ତେବେ ଖଲିଦ୍ ଓ ଏଭଳି ମତରେ ବିଶ୍ୱାସ କରୁଥିବା ନେତାମାନେ ଭାରତ ଛାଡି ପାକିସ୍ତାନ ଚାଲିଯାଆନ୍ତୁ ବୋଲି ବିଜେପି କହିଛି ।