‘ଶ୍ରୀକୃଷ୍ଣଙ୍କ ଭଳି ରାଜନୀତି କର, ଦୁର୍ଯ୍ୟୋଧନ ପରି ରାଜନୀତି କଲେ ପରାଜୟ ନିଶ୍ଚିତ’ : ୟୁସିସି ବିଲ ଉପରେ ଜୟା କିଶୋରୀଙ୍କ ବଡ ବୟାନ

କନକ ବ୍ୟୁରୋ: ଗ୍ୱାଲିଅର୍ ପ୍ରବଚନ ଦେବାକୁ ଯାଇଥିବା ସମୟରେ ବହୁ ଚର୍ଚ୍ଚିତ ୟୁସିସି ବିଲ ଉପରେ ବଡ ବୟାନ ଦେଇଛନ୍ତି ପ୍ରବଚକ ଜୟା କିଶୋରୀ । ଯାହା ଦେଶର ହିତ ପାଇଁ ତାହା ହେବା ନିହାତି ଜରୁରୀ ବୋଲି କହିଛନ୍ତି ଜୟା ।

ପ୍ରବଚକ ତଥା ମୋଟିଭେସନାଲ ସ୍ପିକର ଜୟା କିଶୋରୀ ନାଗରିକ ସଂହିତା ବିଲ (ୟୁସିସି) ଉପରେ ବଡ ବୟନ ଦେଇଛନ୍ତି । ଏହାସହ ରାଜନୀତି କିଭଳି ହେବା ଉଚିତ ସେ ନେଇ ମଧ୍ୟ କହିଛନ୍ତି । ୟୁସିସି ବିଲ ଉପରେ ପଚରାଯିବାରୁ ଜୟା କହିଛନ୍ତି ଯେ, ଯାହା ଦେଶର ହିତରେ ହୋଇଥିବା ଏବଂ ଶାନ୍ତିପୂର୍ଣ୍ଣ ହୋଇଥିବ ତାହା ନିଶ୍ଚିତ ଭାବେ କାର୍ଯ୍ୟକାରୀ ହେବା ଉଚିତ ।

ଏହାପରେ ଦେଶର ରାଜନୀତି ଉପରେ ପଚରା ଯିବାରୁ ସେ କହିଥିଲେ ଯେ, ରାଜନୀତି ଏଭଳି ହେବା ଦରକାର ଯାହା ରାଜନେତାଙ୍କୁ ବିଜୟୀ କରିବ । ରାଜନୀତି ଭଗବାନ ଶ୍ରୀକୃଷ୍ଣଙ୍କ ଭଳି କରିବା ଉଚିତ । ସେ ମଧ୍ୟ ମହାଭାରତରେ ରାଜନୀତି କରିଥିଲେ । ଯଦି ତାଙ୍କ ଭଳି ରାଜନୀତି କରିବ ତାହେଲେ କେହିବି ନିଶ୍ଚୟ ଜିତିବେ କିନ୍ତୁ ଦୁର୍ଯ୍ୟୋଧନ ଭଳି ରାଜନୀତି କଲେ ପରାଜୟ ନିଶ୍ଚିିତ ବୋଲି ଜୟା କିଶୋରୀ କହିଛନ୍ତି ।