କରୋନା ନେଲା ଯବାନଙ୍କ ଜୀବନ । ମହାମାରୀରେ ହାରିଗଲେ ଭାରତ ମାତାର ବୀର ପୁଅ । ମାଆଠୁ ପୁଅକୁ ଛଡାଇ କୋଳ ଖାଲି କରିଦେଲା କରୋନା । ସୋରରୁ ଆସିଲା କରୋନାର ଲୁହଭିଜା କାହାଣୀ…
କନକ ବ୍ୟୁରୋ: କୋଳ ଖାଲି କରିଦେଲା କରୋନା । ମାଆଠୁ ପୁଅକୁ ନେଇଗଲା ମହାମାରୀ । ପୁଅ ଫେରିବନି, ସୀମା ସେପାରିରୁ ଆଉ ଜମା ଫେରିବନି ।ଯେତେ ବୁଝାଇଲେ ବି ମାଆର ମନ ବିଲକୁଲ ମାନୁନି । ଦୂର ରାଇଜକୁ ଯାଇ ଦୂରେଇ ଯାଇଛି ଯବାନ ପୁଅ । ଆଉ ମାଆର କୋଳକୁ ଖାଲି କରିଦେଇ ପୁଅକୁ ନେଇଯାଇଛି କରୋନା । ସୁଦୂର ଛତିଶଗଡରେ ଓଡିଆ ଯବାନଙ୍କ କରୋନାରେ ମୃତ୍ୟୁ ହେବା ପରେ ଏବେ ଗାଁରେ ଖେଳିଯାଇଛି ଶୋକାକୂଳ ପରିବେଶ ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ଜିଲ୍ଲା ବାହାନଗା ବ୍ଲକ ବାଜିପୁର ଗାଁର ପ୍ରଭାକର ଘଡେଇଙ୍କ ୩୦ ବର୍ଷୀୟ ପୁଅ କୈଳାସ ଯବାନ ଭାବେ ଦେଶର ସେବା କରିଆସୁଛନ୍ତି । ପଡୋଶୀ ଛତିଶଗଡର ବିଏସଏଫ ୧୯୩ ବାଟାଲିୟନରେ କାର୍ଯ୍ୟରତ ଥିଲେ କୈଳଶା । ହେଲେ ଗତ ୧୮ ତାରିଖ ଦିନ କୈଳାସ କରୋନାରେ ଆକ୍ରାନ୍ତ ହୋଇଥିବା ଜଣାପଡିଥିଲା । ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ଗତ ୨୩ ତାରିଖରେ ଦିନ ସଂକ୍ରମଣ ସହ ଲଢି ହାରିଯାଇଛନ୍ତି ଭାରତ ମାତାର ବୀର ପୁଅ ।
ସେପଟେ କୈଳାସଙ୍କ ସହ ରହୁଥିବା ତାଙ୍କ ସ୍ତ୍ରୀ ମଧ୍ୟ କରୋନା ଆକ୍ରାନ୍ତ ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତେବେ ଅକାଳରେ ପୁଅର ମୃତ୍ୟୁ ଖବର ପାଇଁ ପୂରା ପରିବାର ଭାଙ୍ଗି ପଡିଛି । ଆଉ ଯବାନ ପୁଅକୁ ହରାଇ ମାଆ ତା ସ୍ମୃତିକୁ ଝୁରିହେଉଛି । ପୁଅର ମୃତଦେହ ଆଉ ବୋହୂର ଫେରିବା ବାଟକୁ ଅନେଇ ରହି ଆଖିରୁ ଲୁଝ ଝରାଉଛନ୍ତି ସମସ୍ତେ ।
#କୋଳ_ଖାଲି_କରିଦେଲା_କରୋନା#କରୋନା_ନେଲା #ଯବାନଙ୍କ_ଜୀବନମହାମାରୀରେ ହାରିଗଲେ ଭାରତ ମାତାର ବୀର ପୁଅ । ମାଆଠୁ ପୁଅକୁ ଛଡାଇ କୋଳ ଖାଲି କରିଦେଲା କରୋନା । ପୁଅକୁ ହରାଇ ବାହୁନି ବାହୁନି କାନ୍ଦୁଛି ମାଆ, କହୁଛି ପୁଅରେ ତୁ କେବେ ଫେରିବୁ… ସୋରରୁ ଆସିଲା କରୋନାର ଲୁହଭିଜା କାହାଣୀ…#COVID19 #CoronaVirus #OdiaJawan #Soro #Baleswar
Posted by Kanak News on Saturday, 25 July 2020