କନକ ବ୍ୟୁରୋ: ମୃତ୍ୟୁ କେତେବେଳେ କେମିତି ଆସିବ ତାହା କାହାକୁ ଜଣାନଥାଏ । ଏଇ ଯେମିତି ସୋସିଆଲ ମିଡିଆରେ ରିଲ୍ସ ଅପଲୋଡ କରିବାର ମାତ୍ର କେଇ ମିନିଟ୍ ଭିତରେ ଦୁର୍ଘଟଣାରେ ଚାଲିଯାଇଛି ଯବାନଙ୍କ ଜୀବନ । ଗତ ୬ ତାରିଖରେ ଛୁଟିରେ ଘରକୁ ଆସିଥିବା ବିଏସଏଫ୍ ଯବାନ ଜିତେନ୍ଦ୍ର କୁମାର ପାଢୀଙ୍କ ମୃତ୍ୟୁ ହୋଇଛି । ଗଂଜାମ ଆସିକାରୁ ସୋରଡା ଯାଉଥିବା ବେଳେ ଏକ ଘରୋଇ ବସ ଧକ୍କାରେ ତାଙ୍କର ମୃତ୍ୟୁ ହୋଇଛି । ରାଷ୍ଟ୍ରୀୟ ମର୍ଯ୍ୟାଦା ସହ ଯବାନ ଜିତେନ୍ଦ୍ରଙ୍କ ଶେଷକୃତ୍ୟ ସମ୍ପନ୍ନ କରାଯାଇଛି । ଘରର ଏକମାତ୍ର ରୋଜଗାରିଆ ପୁଅର ଆକସ୍ମିକ ମୃତ୍ୟୁରେ ପରିବାର ଲୋକଙ୍କ ଭାଙ୍ଗିପଡିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆସିକା କୁଶରାବ ଗାଁର ୨୫ ବର୍ଷିୟ ଜିତେନ୍ଦ୍ର କୁମାର ପାଢୀ ଦୁଇ ବର୍ଷ ହେବ ସୀମା ସୁରକ୍ଷା ବଳ ତଥା ବିଏସଏଫରେ ନିଯୁକ୍ତି ପାଇ ପଞ୍ଜାବରେ ଡ୍ୟୁଟି କରୁଥିଲେ । ଛୁଟିରେ ଗାଁକୁ ଆସି ରିଲ୍ସ ମାୟାରେ ପଡିଯାଇଥିଲେ ଯବାନ । ବୁଧବାର ଅପରାହ୍ଣରେ ସୋରଡାରୁ ନଜ ଘରକୁ ଫେରୁଥିବା ବେଳେ ଏହି ରିଲ୍ସ କରିଛନ୍ତି । ବିନା ହେଲମେଟରେ ଗାଡି ଚଳାଉଥିବା ବେଳେ ଗୋଟିଏ ହାତରେ ମୋବାଇଲ୍ ଧରି ରିଲ୍ସ କର୍ିଛନ୍ତି । ଦୁର୍ଘଟଣାରେ ତାଙ୍କର ମୃତ୍ୟୁର ଅଳ୍ପ କିଛି ସମୟ ପୂର୍ବରୁ ଏହି ରିଲ୍ସଟା ସେ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଏହି ପୋଷ୍ଟଟି ଦେଖିବା ପରେ ଗାଡି ଚାଳନାରେ ଅସାବଧାନତା ଯୋଗୁ ଦୁର୍ଘଟଣା ଘଟିଥିବା କୁହାଯାଉଛି ।
ଆଜିର ଯୁବପୀଢିଙ୍କୁ ରିଲ୍ସ ବାୟା କରିଛି । ବିଭିନ୍ନ ବିପଦସଂକୁଳ ଅବସ୍ଥାରେ ରିଲ୍ସ କରି ଅନେକ ସମୟରେ ଲୋକମାନେ ଦୁର୍ଘଟଣାର ଶିକାର ହୋଇଛନ୍ତି । ସେମିତି ଏକ ଦୁର୍ଘଟଣାରେ ପ୍ରାଣ ହରାଇଛନ୍ତି ଦେଶର ସୀମାକୁ ସୁରକ୍ଷା ଦେଉଥିବା ଯବାନ ଜିତେନ୍ଦ୍ର ।