କନକ ବ୍ୟୁରୋ: ଜମ୍ମୁ କାଶ୍ମୀରରେ ସ୍ଥିତି ଏବେ ଗମ୍ଭୀର । ଆତଙ୍କବାଦୀଙ୍କ ଟାର୍ଗେଟ କିଲିଙ୍ଗ ଫର୍ମୁଲା ସାରା ଦେଶବାସୀଙ୍କ ବ୍ୟଥିତ କରୁଛି । ଏନେଇ ପ୍ରଧାନମନ୍ତ୍ରୀଙ୍କୁ ଟ୍ୱିଟ୍ କରିଛନ୍ତି ବିହାର ପୂର୍ବତନ ମୁଖ୍ୟମନ୍ତ୍ରୀ ଜିତିନ ରାମ ମାଂଝି ।ତାଙ୍କ କହିବା ଅନୁସାରେ, ‘ଲଗାତାର କାଶ୍ମୀରରେ ଏପରି ଜଟିଳ ପରିସ୍ଥିତି ଲାଗିରହିଥିଲେ ବି ସରକାର ଏହାକୁ ନିୟନ୍ତ୍ରଣ କରିବାକୁ ଅସମର୍ଥ । ପାରୁନ ଯଦି କାଶ୍ମୀର ଦାୟିତ୍ୱ ବିହାରିଙ୍କ ହାତରେ ଦେଇଦିଅ । ମାତ୍ର ୧୫ ଦିନରେ କାଶ୍ମୀରର ସ୍ଥିତି ବଦଳାଇ ଦେବୁ’ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହାଙ୍କୁ ଟ୍ୱିଟ କରିଛନ୍ତି ଜତିନ ରାମ ।
Kanak News is now on WhatsApp
Join and get latest news updates delivered to you via WhatsApp
कश्मीर में लगातार हमारे निहत्थे बिहारी भाईयों की हत्या की जा रहीं है जिससे मन व्यथित है।
अगर हालात में बदलाव नहीं हो पा रहें तो प्रधानमंत्री .@narendramodi जी,@AmitShah जी से आग्रह है,कश्मीर को सुधारने की जिम्मेवारी हम बिहारियों पर छोड दिजिए 15 दिन में सुधार नहीं दिया तो कहिएगा।— Jitan Ram Manjhi (@jitanrmanjhi) October 18, 2021
ଗତକାଲି କାଶ୍ମୀରରେ ବିହାର ଓ ଉତ୍ତରପ୍ରଦେଶର ଦୁଇ ଜଣ ଶ୍ରମିକଙ୍କୁ ହତ୍ୟା କରାଯାଇଥିବା ବେଳେ ରବିବାର ପୁଣି ଆଉ ୨ ଜଣ ରାଜ୍ୟ ବାହାରର ଲୋକଙ୍କୁ ହତ୍ୟା କରି ଆତଙ୍କ ସୃଷ୍ଟି କରିଛନ୍ତି। କୁଲଗାମ୍ରେ ଆତଙ୍କବାଦୀମାନେ ଆଖିବୁଜା ଗୁଳିମାଡ଼ କରିବାରୁ ବିହାରରୁ ଆସିଥିବା ଦୁଇ ଜଣ ପ୍ରବାସୀ ଶ୍ରମିକଙ୍କ ଜୀବନ ଯାଇଛି। ସେମାନେ ହେଲେ ରାଜା ରେଶୀ ଦେବ ଏବଂ ଯୋଗୀନ୍ଦର ରେଶୀ ଦେବ। ଗତକାଲି ମଧ୍ୟ ଶ୍ରୀନଗରରେ ଆତଙ୍କବାଦୀଙ୍କ ଗୁଳିମାଡ଼ରେ ଅରବିନ୍ଦ କୁମାର ନାମକ ଜଣେ ୩୬ ବର୍ଷୀୟ ବୁଲା ବେପାରୀଙ୍କ ମୃତ୍ୟୁ ଘଟିଥିଲା। ଏହା ସହିତ ପୁଲୱାମାରେ ଉତ୍ତରପ୍ରଦେଶର ଜଣେ ବଢ଼େଇଙ୍କୁ ମଧ୍ୟ ଆତଙ୍କବାଦୀମାନେ ଅତି ନିକଟରୁ ଗୁଳି କରି ହତ୍ୟା କରିଥିଲେ।
ଗତ କିଛି ଦିନ ଧରି ଜମ୍ମୁ କାଶ୍ମୀରରେ ଲସ୍କର ଓ ଜୈଶ ଆତଙ୍କବାଦୀ ସେମାନଙ୍କ ଆକ୍ରମଣ ତରିକା ବଦଳାଇ ଦେଇଛନ୍ତି ଏବଂ ସାଧାରଣ ନାଗରିକଙ୍କୁ ଟାର୍ଗେଟ୍ କରି ହତ୍ୟା କରୁଛନ୍ତି। ସାଧାରଣତଃ ସଂଖ୍ୟାଲଘୁଙ୍କୁ ଟାର୍ଗେଟ୍ କରି ଆକ୍ରମଣ ବଢ଼ିଛି। କାଶ୍ମୀର ପଣ୍ଡିତମାନଙ୍କୁ ମଧ୍ୟ ଟାର୍ଗେଟ୍ କରାଯାଉଛି। ଫଳରେ ବହୁ ସଂଖ୍ୟାରେ କାଶ୍ମୀର ପଣ୍ଡିତ କାଶ୍ମୀର ଛାଡ଼ି ପଳାଉଛନ୍ତି ବାହାର ରାଜ୍ୟରୁ ଆସି ଏଠାରେ ଶ୍ରମିକ, କୁଶଳୀ ଶ୍ରମିକ ଏବଂ ଛୋଟମୋଟ ବେପାର କରୁଥିବା ଲୋକଙ୍କୁ ଆତଙ୍କବାଦୀମାନେ ଲଗାତାର ଟାର୍ଗେଟ୍ କରୁଥିବାରୁ ଏଠାରେ ଆତଙ୍କବାଦୀ ଓ ସେନା ମଧ୍ୟରେ ଏନକାଉଣ୍ଟର ଜାରି ରହିଛି ।