ସିଦ୍ଧାର୍ଥ ଶୁକ୍ଲାଙ୍କ ମୃତ୍ୟୁ ଖବର ଶୁଣି ଅଭିନେତ୍ରୀଙ୍କୁ ହେଲା ୧୦୪ ଡ଼ିଗ୍ରୀ ଜ୍ୱର । ହସ୍ପିଟାଲରେ ଭର୍ତ୍ତି ହେଲେ ଏହି ଅଭିନେତ୍ରୀ
ଅଭିନେତା ସିଦ୍ଧାର୍ଥ ଶୁକ୍ଲାଙ୍କ ମୃତ୍ୟୁକୁ ପାଖାପାଖି ୫ ଦିନରୁ ଅଧିକ ସମୟ ବିତିଯାଇଥିଲେ ମଧ୍ୟ ତାଙ୍କ ପ୍ରଶଂସକ ଏବଂ ସମ୍ପର୍କୀୟ ଏବେ ବି ତାଙ୍କୁ ଅନୁପସ୍ଥିତିକୁ ଝୁରି ହେଉଛନ୍ତି । କିଛି ଏମିତି ହିଁ ହାଲ୍ ରହିଛି ବିଗବସ୍ – ୧୨ ପ୍ରତିଯୋଗୀ ଜସଲିନ୍ ମଥାରୁଙ୍କର । ଜସଲିନ୍ ସିଦ୍ଧାର୍ଥଙ୍କ ଦେହାନ୍ତ ଖବର ଶୁଣି ଏତେ ମ୍ରିୟମାଣ ହୋଇପଡ଼ିଲେ ଯେ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡ଼ିଲା । ତେବେ ହସ୍ପିଟାଲ ବେଡ଼ରୁ ତାଙ୍କର ଏକ ଭିଡ଼ିଓ ଭାଇରାଲ୍ ହେବାରେ ଲାଗିଛି ଯେଉଁଥିରେ ସେ କହୁଛନ୍ତି , ଯେ ସିଦ୍ଧାର୍ଥଙ୍କ ଘରୁ ଫେରିବା ପରେ ତାଙ୍କ ସ୍ୱାସ୍ଥ୍ୟବସ୍ଥା ଖରାପ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ଏହି ଭିଡ଼ିଓରେ ଜସଲିନ୍ କହୁଛନ୍ତି ଯେ ମୁଁ ସିଦ୍ଧାର୍ଥଙ୍କ ଘରକୁ ଯାଇ ତାଙ୍କ ମା’ ଏବଂ ସେହନାଜଙ୍କୁ ଭେଟି ଘରକୁ ଚାଲିଆସିଲି । ସେଠାକାର ପରିସ୍ଥିତି ଏତେ ଦୁଃଖଦାୟକ ଥିଲା ଯେ ତାକୁ ବାକ୍ୟରେ ବ୍ୟାଖା କରିବା ମୋ ପକ୍ଷେ ଅସମ୍ଭବ । ତେବେ ମୁଁ ଘରକୁ ପହଂଚିଲା ପରେ ମୋ ପାଖକୁ ଏକ ମେସେଜ୍ ଆସିଥିଲା ଯେଉଁଥିରେ ଲେଖାଥିଲା ‘ତୁମେ ବି ମରିଯାଅ’ା ଯାହା ଦେଖି ମୋତେ ଧକ୍କା ଲାଗିଥିଲା , ଏହା ପରେ ମୋ ଦେହ ଏତେ ଖରାପ ହେଲା ଯେ ହସ୍ପିଟାଲରେ ଭର୍ତ୍ତି ହେବାକୁ ପଡ଼ିଲା । ଏବେ ମୋ ଦେହରେ ୧୦୪ ଡ଼ିଗ୍ରୀ ଜ୍ୱର ରହିଛି । ଆପଣମାନେ ସମସ୍ତେ ନିଜ ଶରୀରର ଯତ୍ନ ନିଅନ୍ତୁ ।