କନକ ବ୍ୟୁରୋ: କ୍ରିକେଟ୍ ଇତିହାସରେ ଆଉ ଏକ ରେକର୍ଡଭରା ଇଂନିସ ଖେଳିଛନ୍ତି ଜଣେ ଭାରତୀୟ । ୬ ବଲରୁ ୬ ଛକା ସହିତ ୨୦ ବଲରୁ ସଂଗ୍ରହ କରିଛନ୍ତି ଧୂଆଁଧାର ୧୧୨ ରନ୍ । ଏହି ବ୍ୟାଟ୍ସମ୍ୟାନଙ୍କ ନାଁ ହେଉଛି ଜସକରଣ ମଲହୋତ୍ରା । ଯିଏକି ଆମେରିକା ପକ୍ଷରୁ କ୍ରିକେଟ୍ ଖେଳିଥାନ୍ତି । ଜସକରଣ ମୂଳତଃ ପଞ୍ଜାବର । ହେଲେ ସେ ଆମେରିକା ପକ୍ଷରୁ କ୍ରିକେଟ୍ ଖେଳିଆସୁଛନ୍ତି । ଆଉ ପପୁଆ ନ୍ୟୁ ଗିନି ବିପକ୍ଷରେ ସେ ଏବେ ଯେଉଁ ମ୍ୟାଚ୍ ଖେଳିଛନ୍ତି ତାହା ତାଙ୍କୁ ଏବେ ଚର୍ଚ୍ଚାକୁ ଆଣିଛି ।
Kanak News is now on WhatsApp
Join and get latest news updates delivered to you via WhatsApp
ପପୁଆ ନ୍ୟୁ ଗିନି ବିପକ୍ଷରେ ସେ ୧୭୩ ରନର ମାରାଥନ୍ ଇଂନିସ ଖେଳିବା ସହିତ ୫୦ ତମ ଓଭରରେ ୬ ବଲରୁ ୬ ଛକା ମାରିଛନ୍ତି । ଏହାଦ୍ୱାରା ହର୍ଷେଲ ଗିବ୍ସଙ୍କ ପରେ ଦ୍ୱିତୀୟ ଖେଳାଳି ଭାବେ ସେ ଦିନିକିଆ କ୍ରିକେଟରେ ଏହି ରେକର୍ଡ ହାସଲ କରିଛନ୍ତି । ଗୁରୁତ୍ୱପୂର୍ଣ୍ଣ କଥା ହେଉଛି ମାତ୍ର ୨୦ ବଲରୁ ହିଁ ସେ ନିଜର ଶତକ ହାସଲ କରିନେଇଥିଲେ ।
ଜସକରଣଙ୍କ ପୂର୍ବରୁ ଦିନିକିଆ କ୍ରିକେଟରେ ଦକ୍ଷିଣ ଆଫ୍ରିକାର ଷ୍ଟାର ଖେଳାଳି ହର୍ଷେଲ ଗିବ୍ସ ଏହି କାରନାମା କରିଦେଖାଇଥିଲେ । ୨୦୦୭ରେ ନେଦରଲ୍ୟାଣ୍ଡ ବିପକ୍ଷରେ ସେ ୬ଟି ବଲରେ ୬ଟି ଛକା ମାରିଥିଲେ । ଏହାପରେ ୨୦୦୭ ଟି-୨୦ ବିଶ୍ୱକପରେ ମଧ୍ୟ ଭାରତୀୟ ଖେଳାଳି ଯୁବରାଜ ସିଂହ ଇଂଲଣ୍ଡ ବିପକ୍ଷରେ ୬ ବଲରୁ ୬ ଛକା ମାରିଥିଲେ । ହେଲେ ଗିବ୍ସଙ୍କ ପରେ ଦ୍ୱିତୀୟ ଖେଳାଳି ଭାବେ ଜସକରଣ ଦିନିକିଆରେ ଏହି ରେକର୍ଡ ହାସଲ କରିଛନ୍ତି ।